JOHAN 12:42 - DAÜLANGPÜ LAIHING (BSI)

⁴² Shejoongpa longi, mübüthüao omshi büpa kü hinglem. Shejao Pharisee ami jom Sinagog leipü changshuohhen khih shei nyempü nangkü jomi hinglempü ngaiheyei nelah;

JOHAN 12:42 Iomraidhean Croise

KANDOK 29:25

Shennyak kü nyempeyü aethitai leinyüpeih, shejao üpai Shembüpa kü nyemnya, yangei nyuhen.

ISAIAH 51:7

Ngei epü bangtuh, am jiüpü nyingpüthü, hatü ngelei shahkung mongdangei tuhpüthü; Hangkui eelapü hatü depünaampü kü tenyem.

ISAIAH 57:11

Üam kü nyemei hanei ammi ngei kü shahshem etü ngei betüknya? Ngei hepak luangi nenmü nyudaipü nangkü ngei kü dhüm neshuoh-i dohdaipüje?

ISAIAH 66:5

Am üami Shembüpalei shah kü nyemnya, büpalei shah bangtuh: “Ammei jeihinaüthü üami am kü jiühitnya, hatü ngelei men kü amphong laktük hathüi eteke, ‘Hami am mongongpü eehen shingvaishi Shembüpa müknyinshekhanghütuh’ shejao jomphongü veühühen.”

JEREMIAH 38:19

Zedekiah ongpai Jeremiah kü, “Shelei Babylonei heihdaipü Hebrew am kü ngei nyem-angke; mehenangkü Babylon ami ngei hathülei lak kü shuohtükhen khih, hatü jomi ngei kü nemei-i dükphahen khih” shei e.

MATHI 10:32

Hanangkü üpai mih touei ngei lahhenshang, ngeiyao vangsholei nyupü Opa touei büpa lahhen;

LUK SHAHSHA APPÜ 12:8

Shao ngei am kü enyeih, üami mih touei ngaihe-i ngei nyinghenshang, Shennyak Ha-iyao Kahvangei vangsho phongshanthü toumü büpa nyinghühen;

LUK SHAHSHA APPÜ 23:13

Hahepak kü Pilati ngongpathü, mübüthü hatü nanglakthü chemi nyükei thaihü,

LUK SHAHSHA APPÜ 6:22

Shennyak Ha nangkü mechem nanglakthüi am kü jiühithen, mechem am laktükhen, naamei ehen, hatü am kü ten ehenshang am moihiman.

JOHAN 11:45

Hanangkü Mary mü peipü Jehoda ami Jisui mehe dük, ha ee, hatü büpa kü hinglem.

JOHAN 12:11

mehenangkü hapayü büpa tata kü Jehoda ami jom yakphongtü Jisu kü hinglemei lüdai.

JOHAN 16:2

Jomi am Sinagog leipü changtükhen. Hingmei, am jüpüthüi hapakei dükpai Kahvang kü khümnyeih shei deihhen hepak hük ngoikünyüke.

JOHAN 19:38

Hathü vampheikü, Arimathea am Joseph, üpa Jehoda am kü nyempü nangkü joshi vaijao Jisulei nanglom nyuhampa, büpai Pilat kü Jisulei mahng yah-ei daihen nyemmongshuoh shei peiyei phe. Pilati büpa kü mongshuoh; hanangkü büpa peiyei mahng yah-ei dai.

JOHAN 3:2

Büpai nyak kü Jisu touei peiyei büpa kü, “Nyuhbü, nüngü Kahvang leipü yiüpü nyuhbü shei nyingnyüke; mehenangkü Kahvang ne-ompheikü nüngi dükpü nyangeihepü douthü üpaiyao nedükaokpih” shei e.

JOHAN 7:13

Shejao Jehoda am kü nyempü nangkü üpaiyao ngaiheyei nelangmaan.

JOHAN 7:31

Shejao khong kü longshi shingi büpa kü hinglem hatü jomi, “Mechem Messiah peihenshang, hapa shennyaki dükpü mao nyeishi nyangeihepü dou dükkahen” shei etei.

JOHAN 9:22

Chenyü chepai hayü Jehoda am kü nyempü nangkü eteke; mehenangkü üpai Jisu-ü Messiah shei lahhenshang Sinagog leipü changtükhen shei Jehoda ami temtüktü nyu.

JOHAN 9:34

Jomi büpa kü, “Nüngü bühhinüng mang kü bühteke, hatü nüngi hamphong küang nyuhnüng yaongnyu je?” shei e, hatü jomi büpa Sinagog leipü changtük.

PHONGSHANTHÜ DOU 5:41

Jomphong shahtap leipü vamei daishingkü jom mongong; mehenangkü hapa men nangkü ne-ienelem ponghahhen shangpeih shei deih.

ROM SHAHSHA APPÜ 10:10

Mehenangkü shennyaki mongdangi hinglempai dahshaknyeih, hatü jui lahpai yangnyeih.

1 JOHAN 4:15

Jisu-ü Kahvang Ha shei üami lahnya hathü kü Kahvang nyunyeih, hatü jomphong Kahvang kü nyunyeih.

1 JOHAN 4:2

Ammi Kahvang Laanghayü hapai nyinghen: Jisu Khrista phai leiyei peipeih shei lahpü laangha kemei Kahvang leipü,