JOHAN 12:34 - DAÜLANGPÜ LAIHING (BSI)

³⁴ Khongi büpa kü, “Messiah-ü den kü nyunyeih shei hami shahkung leipü danpeih. Nüngi mekei etü Shennyak Ha shangei anshihhen shei enya? Shennyak Ha shei epeyü üpaang?” shei e.

JOHAN 12:34 Iomraidhean Croise

2 SAMUEL 7:13

Büpai ngelei men kü shem hük vehen, hatü ngei büpalei ongching ong uoshing den kü chonglingei tuhhen.

MENVIH KESHO 110:4

Shembüpai ha lahteke, hatü büpalei mong neyeiyahen, “Nüngü Melkizedek aimü düngei ngongpa vaihen.”

MENVIH KESHO 72:7

Büpalei den kü daülangshemshepü daei daihen, hatü lennyü vangngai mangmet thahshi chingmeivangmei bhashahshi nyuhen.

ISAIAH 53:8

Shahhingi nyongpü leitüktü büpa müei dai, hatü üpaiyao büpa nang mong-aaei nedeih. Mehenangkü büpayü yangnyu nyupü kahdok kübü jütük; Ngelei nanglakthüi mang thahpü nangkü büpa kü bheiteke.

ISAIAH 9:7

Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

DANIEL 2:44

Hathü ongthülei nyih kü, vangsho Kahvangi mechemao nemahnechahhen ongching hük linghen, nevaijü vepai nehahhen. Hapai lebü ongchingthü kemei ngümtükhen, hatü dohtükkemhen, shejao hapa ongching denden kü nyuhen.

DANIEL 7:14

Hangkuli peüi, jatphüi hatü shahlem laolao epü peüi büpa chongphohen shingvaishi büpa kü vanglem lemhen wong hi ngan, dhüm hatü longhiong hean shuohteke. Büpa vanglem lempü nedohneteni denden nyuhen, hatü büpalei ongching mechemao nemahnechahhen.

DANIEL 7:27

Vangsho phangkü nyupü ong hean, hatü ongching hean hatü ongching kü lupülongpü hean kemei Jaipüba Kahvangei nanglakthü kü shuohtükhen; jomei ongchingü nedohneteni nyuhen, hatü ongchingthü peüi jomei ven bangei chongphohen.

MIKA 4:7

Ngei lakkholanothü aopü shennyak vaihühen, hatü changtükpü shennyakthüi wong kohpüjat hük linghen. Shembüpai jom shak kü hapa nyih kübü hüdenhalenshi vanglem lemhen.

MATHI 16:13

Shaang mechem Jisu Kasarea Philippi kahdokei peipa, büpai nanglomthü kü, “Nanglakthüi Shennyak Ha kü üpa khih shei eteinyüke?” shei phe.

MATHI 21:10

Mechem büpa Jerusalemei shüpa, hapa chingnyü kempülei, “Büpayü üpaang?” shei pheteipai pungeishatei nyuteke.

MATHI 8:20

Jisui büpa kü, “Mahuthü yaongdung nyüke, hatü shangouhathü shing jep nyüke, shejao Shennyak Ha shangjing haüshing meleiyao neshiü” shei e.

JOHAN 10:34

Jisui, “Kahvangi, ‘Amphongü kahvangthü’ shei ammei Shahkungthü kü nyangei nenyupü je?

JOHAN 12:32

Mechem ngei hapa kahdoknyü kübü shangei anlanghen, ngei laophü touei nanglak peü yahlanghen” shei e.

JOHAN 15:25

Jomei shahkung kü, “Meheyao ten neshiüpü kü jomi ngei kü jiühitteke” shei nyangei nyupü ha jiühen shingvaishi vamteke.

JOHAN 8:28

Hanangkü Jisui jomphong kü, “Mechem ammi Shennyak Ha shangei lungei anshihhen, hahepak kü ammi ngeiyü büpa khih shei nyinghen, hatü ngei mongpü meheyao nedüknyih, shejao Pa-i ngei kü epü douthü jung enyüpeih.

ROM SHAHSHA APPÜ 3:19

Shahkungnyüi mehe enya, hayü shahkung phangkü nyupüthü kü enyeih shei jeni nyingnyüke, shejüang peüei ju nentükhen, hatü kahdoknyü kempü Kahvang touei shahphenhen.

ROM SHAHSHA APPÜ 5:18

Hanangkü shennyak hükei mang homei peü nyonghüpü lemei müpü keiha, shennyak hüki daülangshemshepü dükpü homei peü dahshakpü hatü yangnyuyem touei münyeih.

HEBREW 7:24

shejao Jisu payü den den kü nyupü nangkü mih kü neshuoh-i büpai den kü ngongdou düknyeih.