JOHAN 12:20 - DAÜLANGPÜ LAIHING (BSI)

²⁰ Shaang mo kü khümnüng peipü khongkü Greek am hanei nyuteke.

JOHAN 12:20 Iomraidhean Croise

ISAIAH 11:10

Hapa nyih Jesselei tünglangü nanglakthülei khüamlung hük leshi yaonghen; jatthü büpa touei thaihen, hatü büpa nyushingü müknyinshekhangshi nyuhen.

MARK 7:26

Hapa nyühayü Greek am Syria kahdok Phoenicialei bühpü nyuteke. Pinnyüi Jisu kü cheha leipü mang laangha changtükhen khümteke.

JOHAN 12:1

Hompü Mo ngoihen nyih vok shekü Jisui Bethanylei dipü kübü yangei leishihpü Lazar amei shemei pei.

JOHAN 12:19

Hahepak kü Pharisee am hüki hük mü, “Veihümao, jeni meheyao nedükaokhen khih. Veituh, kahdoknyü-ü büpa phei müdaiteke” shei etei.

JOHAN 7:35

Jehoda am hüki hük mü, “Jeni büpa nedanghen mü hapa shennyakü melei daihen deihnya yo? Büpayü jenei shennyakthü Greek am mü yanei haishi nyupü am touei daiyei nyuhen deihnyu hiang yo?

PHONGSHANTHÜ DOU 14:1

Ikonium leiyao aihük mü vam. Paul hi Barnabas nyi Jehoda amei Sinagoglei pei, hatü halei longi wong kohshi epai Greek am hatü Jehoda am longi hinglem.

PHONGSHANTHÜ DOU 16:1

Pauli Derbe hatü nanglak hük meni Timoti nyupü Lystralei heih. Büpayü vaipü Jehoda am nyüha hükei ha, shejao chepayü Greek am nyuteke.

PHONGSHANTHÜ DOU 17:4

Jehoda am hanei mongkü pong hatü Paul hi Silas nyi mü om; hapa keiha Kahvang kü khümpü Greek am hatü nyüha mübüthü maani nevai-i omteke.

PHONGSHANTHÜ DOU 20:21

Ngei Jehoda hatü Greek am nyiphen kü Kahvang touei mong lephen hatü Shembüpa Jisu kü hinglemhen ngei denpü shuohteke.

PHONGSHANTHÜ DOU 21:28

“Israel shennyakthü, ham kü sheühshih! Shing peülei jenei nanglak, jenei shahkungnyü hatü hapa shing khüei nyuhpeyü büpa hih; ha mü nyeishi büpai Greek am phopshemei müei peiyei hapa daülangpü shing sheihtükpeih” shei lenteke.

PHONGSHANTHÜ DOU 8:27

Hanangkü büpa layaongei dai. Shaang, halei ban tüktükpü Ethiopia am hük, Ethiopia am onglanyülei mophimo kempü kü khei vaipü lakchongbü hük nyuteke. Büpa Jerusalemei khümnüng peipü,

ROM SHAHSHA APPÜ 1:16

Ngei shahjangmei nangkü veüei nedeihnyih; mehenangkü hinglempüthü peü yemleihen shingvaishi hapayü Kahvangei ngan, shongpüba kü Jehoda am, hatü Greek am shingvaishi.

ROM SHAHSHA APPÜ 10:12

Mehenangkü Jehoda hatü Greek am aa kü baong hanpü neshiü; hapa aihük Shembüpayü peüei Shembüpa, hatü büpa kü nyükpü peü kü moihimannyeih.

GALATIA 2:3

Shejao ngei mü nyupü Titus, büpa Greek am vaijao japhen nenyeanshuoh.

GALATIA 3:28

Sheyü hajük kü Jehoda am nevaijü Greek am, aa nevaijü bümei, nyüha nevaijü baha baong hanpü meheyao neshiü; mehenangkü am peü Khrista kü hük khan.

KOLOSI 3:11

Hapa ja lingpü kü hajük kü Greek hatü Jehoda, japtükpü hatü nejappü, lemphü kü ngaümpheilei nyupü am, Sithia am, aa hatü bümei shei neshiü, shejao Khristayü peü kü peü.