JOHAN 12:13 - DAÜLANGPÜ LAIHING (BSI)

¹³ Hanangkü jomi phenhavunglak bhagei büpa mü pongteinüng, “Hosanna! Üpa Shembüpa, Israel Ongpalei men kü peikünya moihimantuh!” shei lenyaki peiteke.

JOHAN 12:13 Iomraidhean Croise

ISAIAH 44:6

Israel amei Ongpa, hatü Yemleibü, Jeiyong Shembüpai hapakei enyüke: “Ngeiyü chongpangpü hatü dohpü; Ngei mü lenei lebü Kahvang neshiüpih.

HOSEA 3:5

Hapheikü Israel am nyokei leihen hatü Shembüpa, jomei Kahvang, hatü David jomei ongpa yemhen. Dohpü nyih küang jom Shembüpa touei nyemei kheüei peihen hatü büpa leipü moihimanthü yahhen.

LEVI 23:40

Hapa shongpü nyih kü ammi betjük pü kübü meipü betjük vaümhen, melah hatü log phenlak dakei, phenlak ngetpü pükao dakei, hatü yaongnyim pünyim bhiyei ow lingtü nyih nyet Shembüpa, ammei Kahvang tou kü ammi mongongmonglehen.

ZEPHANIAH 3:15

Shembüpai ammei hanghi yahlangteke, büpai ammei vepa ngaümphei yaaktükteke. Shembüpa, Israel amei Ongpa am mü nyüke; am hajük kü mehe kao nenyempih.

MATHI 23:39

Ngei am kü enyeih, “Shembüpalei men kü üpa peinya, büpa moihiman” shei mang-e thahshi amphongi ngei ne-eepih.

MATHI 27:42

“Büpai mih yangnyüke; büpai laophüang neyangaoknyu. Büpayü Israel amei Ongpa; büpa shophang leipü shaang shühküjüang hami büpa kü hinglemhen hih.

JOHAN 1:49

Nathanaeli jangei, “Nyuhbü, nüngü Kahvang Ha khih! Nüngü Israel amei Ongpa khih!” shei e.

JOHAN 12:14

Jisui gadu cheha hük yah-ei hapa kü uo; ha nyangei nyüke:

JOHAN 12:15

“Tenyem, Zion nela Veituh, ammei ongpa gadu dok shangkü uotü peikünyüke.”

JOHAN 19:15

Jomi lenei, “Büpa jütuh! Büpa jütuh! Büpa shophang kü aptuh!” shei len. Pilati jomphong kü, “Ngei ammei Ongpa shophang kü aphühen je?” shei phe. Ngongpathüi jangei, “Kaisar mü lenei hamei ong neshiüpih” shei e.

SHAKEI VAMPÜ 15:3

hatü jomi Kahvang chongphopü Mosalei kesho, hatü Mi Chehalei kesho hapakei lok: “Longpü hatü yashanpeyü nüngei douthü khih, Jeiyong Shembüpa Kahvang! Shahhing hatü jiüpeyü nüngei lemthü, jatthülei Ongpa!

SHAKEI VAMPÜ 19:16

Büpalei bhagthuh hatü shüngkung kü büpalei men hapakei nyangei nyüke: “ONGTHÜ KHONGKÜ ONGPA HATÜ SHEMBÜTHÜ KHONGKÜ Shembüpa.”

SHAKEI VAMPÜ 7:9

Hapa pheikü ngei veishuohjü iehen neaoki khongnyü longpü hük kahmük, jat, nanglakthü hatü shahlem longi Mi Chehalei ong uoshing touei bhagthuh shola thuhtü jomei lakei palm pükaothü notü nyuteke.