JOHAN 11:52 - DAÜLANGPÜ LAIHING (BSI)

⁵² hatü jat hük shing mon nevai shejao haidaipü Kahvang hathü thaiyei leihen jung teteivanei eteke.

JOHAN 11:52 Iomraidhean Croise

KAHBHAO 49:10

Judah ami ongpalei lenshuoh nopü, hatü vanglem lembülei lenshuoh nopü kübü neyanhen. Jatthüi büpa kü bom ühhen, hatü büpa touei ven bangei aümei khümhen.

MENVIH KESHO 22:15

Dükbhaok keiha ngelei wong kemdai, ngelei yei shaapdokei khadai; nüngi ngei mahng mü bhihla kü shükphong.

MENVIH KESHO 22:27

Kahdok dohpü peüi deih-ei dangtü Shembüpa touei mong lepei leihen, hatü jatthü phanghiyang kemei büpa kü khümhen.

MENVIH KESHO 72:19

Büpalei müknyinshekhang men den kü moihimantuh; büpalei müknyinshekhangi kahdoknyü peü mahütuh, Amen, Amen.

ISAIAH 49:18

Ammei mük vamei am shineileyei veituh; ammei nanglakthü peü chemi thaitü am touei peikünyüke. Ngeiyü vanyangyem Kahvang, ammi hathü kemei ownyülangha kei, doidainyüi ow owpükei hathü owhen.

ISAIAH 49:6

Ngelei Jakob jatthü thaihühen, hatü Israel am müei leihen nangkü nüng ngelei chongphobü vaihenü ahshimaanpü douha hih. Nüng homei ngelei yemleipü kahdoknyü dohpü ngoishi deishihhen shingvaishi ngei nüngü kung am shingvaishi vangngai hük leihühen shei büpai enyüke.

ISAIAH 55:5

Mehenangkü Shembüpa, ammei Kahvang, daülangpü Israel Kahvangi am kü müknyinshekhang dhüm shuohpü nangkü, ammi nenyingpü jatthü am kü nyükhen, hatü am nenyingpü jatthüi am yemei mokkemkahen.

ISAIAH 56:8

Israel am wüpküp leipü müei leipü, “Thaiyei tuhpüthü mü lenei ngei shao thaihen” shei enyüke.

ISAIAH 60:4

Mük vamei am shinei veituh; jom peü thaitü am touei peikünyüke; Ammei yeshangthü tailu kahdok leipü peikünyüke, hatü ammei yiükhathü jomei lakei paümshi leikünyüke.

EZEKIEL 34:12

Paüdaipü mithü khongkü mi yombüi laophülei mi yempü keiha ngei ngelei mithü yemhen. Baijüm vangyim nyih kü jom paüdaipü shingthü peü leipü ngei hathü yanglanghen.

HOSEA 1:10

Israel amü ienüng neaok, shethen neaoki yungching bhihhiphang kei daei leihen. “Amphong ngelei nanglak nevai” shei jom kü epü nangjei, “Amphongü vanyangyem Kahvangei hapeüthü” shei nyükhen.

LUK SHAHSHA APPÜ 15:8

“Nevaijü nyüha hüki lop an angpü kübü hük mahdaijü pinnyüi ha mangdang thahshi awdük jaktü shemnyüp maoei meishi neyemnyu je?

LUK SHAHSHA APPÜ 2:32

Kung am shakei vamhühen shingvaishi vangngai, hatü nüngei Israel nanglak shingvaishi müknyinshekhang.

JOHAN 1:12

Shejao üami büpa yah, büpalei men kü hinglem, büpai hathü peü kü Kahvang hathü leihen ngan shuohteke.

JOHAN 1:29

Nyihphei Jisu büpa philei heihja-i eeyei büpai, “Kahdoknyü mang koei lüdaipü Kahvang Mi Cheha kü veituh” shei e.

JOHAN 10:16

Hapa mi khaok kü nepaümpü lebü mithü nyüpeih. Ngei jomphong müei leihen hatü hathüi ngelei ngeü banghen. Hanangkü mi khong hük hatü mi yombü hük mon nyuhen.

JOHAN 12:32

Mechem ngei hapa kahdoknyü kübü shangei anlanghen, ngei laophü touei nanglak peü yahlanghen” shei e.

PHONGSHANTHÜ DOU 18:10

mehenangkü ngei nüng mü nyüpeih, hatü üpaiyao nüng kü nemeihen mü lak nenopih; mehenangkü hapa chingnyülei ngelei nanglak longi nyüpeih” shei eteke.

ROM SHAHSHA APPÜ 3:29

Kahvangü Jehoda amei monha Kahvang je? Büpayü Kung ameiyao Kahvang nevaipü je? Hih, Kung ameiyao nyüke.

ROM SHAHSHA APPÜ 4:17

Ha nyangei nyüke: “Ngei nüngü jat longilei pa leihütepih.” Büpai hinglempü Kahvang touei büpayü jenei pa– ha Kahvangi didaipüthü kü yangnyuyem shuohnyeih, hatü nenyupü douthü vamei nyuhen büpai nyüknyeih.

EPHESIA 1:5

Jisu Khrista homei büpai mong hahpü hatü mongpü aimü büpalei hapeüthü vaishi ungei yahhen yeihshi mebü büpai jen jepeih.

EPHESIA 3:11

Hapayü Khrista Jisu, jenei Shembüpa kü nedohnetenpü mükhong aimü büpai dükei daiteke.

JAKOB 1:1

Jakob, Kahvang hatü Shembüpa Jisu Khristalei chongphobüi kahdoknyü kemeilei haidaipü jat anpünyi touei selam.

1 PETER 1:1

Peter, Jisu Khristalei phongshani, Pontus, Galatia, Kappadokia, Asia hatü Bithynia kü haidaipü,

1 JOHAN 2:2

hatü büpayü jenei mang shing mang tükhen moila shuohpüba, hatü hayü jenei mang mon nevai, shejao kahdoknyü kempülei mang shingvaishi moila shuohpeih.

1 JOHAN 3:1

Jenphong kü Kahvang hathü shei nyükhen mü Opai mekeipü bampü jen kü shuohpa veituh, hatü jenphongü hakei-üng vaitei. Kahdoknyüi jen nenyingpeyü jomi büpa nenyingpü nangkü nyüke.

1 JOHAN 3:10

Üpa Kahvangei ha, üpa kahshihlei ha hapakei jeni nyingdainyeih: Üpai jiüpü nedük nevaijü laophülei jeihinaü hatü nyahinaüthü kü nebam, büpayü Kahvangei ha nevai.

1 JOHAN 3:2

Bampü küphüthü, shaang jenphongü Kahvangei hapeüthü nyüke; hatü jen mehe vaihen shao-üng shakei mangvam. Jeni nyingpeyü ha khih: mechem büpa shakei vamhenshang, jenphongü büpa kei nyuhen; mehenangkü büpa mekei nyu, hapakei jeni büpa eehen.

SHAKEI VAMPÜ 5:9

Jomphongi kesho ja hük lok: “Nüngü laidü yahhen, hatü hapalei füoshang aphen shangpü; mehenangkü nüng jütükteke, hatü nüngei iy homei Kahvang shingvaishi jat, shahlem, nanglak hatü kahmük peü kübü daülangpüthü angei leiteke;