24 Martha-i büpa kü, “Dohpü nyih yangei leipü hepak kü büpaao yangei leikahen” shei e.
Shejao ngei payü daülangshemshepü kü ngei nüngei dhe eehen; ngei mechem paohen, nüng lepü kü eeyei ngei mong hüshemhen.
Büpai dipü den shingvaishi lühtükhen. Hahepak kü Shembüpa Kahvangi peüei mük kübümükphi thittükhen, hatü büpai kahdoknyü peü kübü laophülei nanglakthü lomohpü peü yahlanghen shei Shembüpai eteke.
Shejao nüngei nanglakthü didaipü yem leikahen, jomei büm yangei leikahen. Oh mahngchongei shishi nyupüthü, paotuh hatü mongongpai kesho loktuh. Nyieni nepnüng dhom mü kahdoknyü thahümahüpü keiha, Shembüpai shelei didaipüthüao yem leihühen.
Ngei jomphong Sheol nganhiwong kübü yangaokhen je? Ngei jomphong Dipü kübü angei leiaokhen je? Oh Dipü, nüngei cham leü melei nyüpa? Oh mahngchong, nüngi mangtükhen ngan melei nyüpa? Ngei henüng nanglakthü kü hajük kü nephahjipih.
Nyih nyi nyih jem pheikü büpai jen büpa mü nyuhen leilanghen.
Nüng moihimanhen; mehenangkü jomi nüng kü nyokei neshemphahen; mehenangkü daülangpüthü yangei leishingkü nüng kü ha shemphahen.”
Jisui pinnyü kü, “Anaü shao yangei leikahen hih” shei e.
Büpai ngei kü shuohpü peü meheyao nemahtükhen, hatü dohpü nyih kü yangei leihen hapayü üpai ngei shom, büpai mongpü ha hih.
Üami Ha ee, hatü büpa kü hinglemnya, vanyangyem danghen, hatü dohpü nyih kü ngei yangei leishihhen hapayü ngelei Opai-i mongpü nyüke.”
Jom kü nyupü monglem kei-üng ngeiyao Kahvang kü monglemnyeih– hayü daülangpü hatü nedaünelangpü nyiphen yangei leihen.
Nyühathüi jomei mahng yangei leijapü nyokei dang. Lebüthüyü yangei leipü meipü yangnyu ongyangpai shüveidoideipü kübü laiyei nedai-i ponghah-ei di.