JOHAN 10:28 - DAÜLANGPÜ LAIHING (BSI)

²⁸ Ngei jom kü vanyangyem shuohnyeih, hatü jom mechemao nemahhen. Ngelei lak leipü üpaiyao jom aetei nedaiaokpih.

JOHAN 10:28 Iomraidhean Croise

JOB SHAHSHA APPÜ 17:9

Shejao daülangpü jomei lem kü jiüshangi nyuhen, hatü lak daülangi nyupüthü wong koh-ei leihen.

MENVIH KESHO 31:5

Nüngei lak kü ngei ngelei laangha shuohnyeih; nüngi ngei yangteke, Oh Shembüpa, hingshangpü Kahvang.

MENVIH KESHO 37:28

Mehenangkü Shembüpai shahhing kü bamnyeih; büpai büpa kü hinglempü shennyak neyakphonghen. Daülangpü am düngei yangei tuhhen, shejao nemeipü amei hapeüthü mahtükhen.

KANDOK 24:16

Mehenangkü jom nyetpa dolangmao, jomphong shao-üng paokahen; shejao mangthü vongshüh-i mahkemhen.

KANDOK 4:18

Shejao daülangpülei lemü nepnüng dhom vanghela helushoei nyapüba khangpükei nyüke.

ISAIAH 27:3

Ngei, Shembüpai hapa yomnyüpeih; ngei hapa kü nedoh-i yung ünyeih. Üpaiyao hapa nemangtükhen shingvaishi ngei nyihjeih yajeih hapa yomnyüpeih.

ISAIAH 45:17

Shejao Israel amü nedohnetenpü yemleipübai yanglanghen; Nedohnetenpü thahshi amü mechemao veü neponghühen.

ISAIAH 54:17

Am kü nemeihen shei lingpü lahhilaong mepayao nenahnelanghen, hatü am kü thaüvaüei epü shahthü peü katitükaokhen. Shembüpa chongphopüthülei mükjüp, hatü jom dah shakhüpeyü ngei leipü shei Shembüpai enyüke.

ISAIAH 55:3

Ammei dhaong shaangtuh, hatü ngei touei peikei; Am yemmü nyuhen nangkü ngei epü bangtuh. Ngei am mü nedohnetenpü vangpüshuwpü linghen, hatü ngei David kü lahpü moihiman shuohhen.

JEREMIAH 23:4

Ngei jom haümhen mi yombüthü tuhhen, hatü jom hajük kü nenyemhen nevaijü nehanhen, nevaijü nemahnechahhen” shei Shembüpai enyüke.

JEREMIAH 31:3

Peihdaipü hepak kü Shembüpa ham touei vamei eteke: “Nedohnetenpü bampai ngei nüng kü bampeih; Hanangkü nedoh-i ngei bampü nüng kü hupeih.

JEREMIAH 31:34

Hajük kü shennyak hüki laophülei chingyowpa kü, nevaijü shennyak hüki laophülei jeihinaü kü, ‘Shembüpa nyingtuh’ shei nenyuhteihen; mehenangkü maanpü kübü longpü thahshi jom peüi ngei nyinghen. Mehenangkü ngei jomei mang tükhen, hatü hajük kü jomei mang deih-ei nedangpih” shei Shembüpai enyüke.

JEREMIAH 32:40

Ngei jom kü doumei dükpü nedohhen, jom ngei toueipü nelüdaihen nangkü ngei jom mongdhüng vamhühen.

MARK 13:22

Shahshem khrista hatü shahshem thibüthü longi vamkahen hatü nyangeihepü hatü yashanyale longi hukahen; aokjema daülangpüthüao lemnyongei mülanghen.

LUK SHAHSHA APPÜ 23:46

Hahepak kü Jisui ngeüwong anei, “Opa, nüngei lak kü ngei ngelei laangha lanei shuohnyeih” shei e. Ha etü büpa ngüshom heeyei mongdang shemm.

JOHAN 10:29

Mehe ngelei Opai ngei kü shuohtepa, hayü peü mü longpüba; Opalei lak leipü üpaiyao aetei dainüng neaok” shei e.

JOHAN 11:25

Jisui pinnyü kü, “Ngeiyü yangei leipü hatü yangnyuyem. Üpai ngei kü hinglem, jom dijao yemmü nyuhen,

JOHAN 14:19

Kansho hük pheikü kahdoknyüi ngei ne-eehen, shejao ammi ngei eehen; mehenangkü ngei yemmü nyupü nangkü amao yemmü nyuhen.

JOHAN 17:2

Nüngi büpa kü shuohpüthü peü kü yangnyuyem shuohhen shingvaishi nüngi hangkuthü peü shak kü büpa kü wong shuohteke.

JOHAN 18:9

Hapayü büpai, “Nüngi ngei kü shuohpü hükao nemahtük” shei epü jiühühen nangkü vamteke.

JOHAN 3:36

Üami Ha kü hinglem, yangnyuyem nyüke, üami Ha kü hingnelem, yangnyuyem nedanghen shejao Kahvang mongshihpü heühen.

JOHAN 4:14

shejao üami ngei shuohpü yung yinghenshang mechemao yung nelehen. Ngei shuohpü yungü jom kü yunglok leiyei vanyangyem touei bhaoei vamhen” shei e.

JOHAN 5:24

“Hingmei mü ngei am kü enyeih, üpai ngelei shah banghen hatü ngei shompüba kü hinglemhen yangnyuyem nyüpeih, hatü shahphenpülei nepeihen, shejao dipü kübü yangnyuyem touei lüdaiteke.

JOHAN 6:27

Shedailaidaihen hahying teyem, shejao vanyangyem nyuhen hahying yemtuh; hayü Shennyak Ha-i am kü shuohhen. Mehenangkü hapayü Pa Kahvangi büpa kü füoshang shingei nyüke” shei e.

JOHAN 6:37

Pa-i ngei kü shuohpüthü peü ngei touei peikahen, hatü üpa ngei touei peinya, ngei mechemao nechangtükhen;

JOHAN 6:47

Hingmei ngei am kü enyeih, üami hinglemnya, vanyangyem nyüpeih.

JOHAN 6:68

Simon Peteri, “Shembüpa, ham üpa touei daijanüng? Nüng kü vanyangyem shahthü nyüke.

PHONGSHANTHÜ DOU 7:59

Mechem jomi Stephen kü yaongi shükpa, büpai, “Shembüpa Jisu, ngelei laangha yahtuh” shei phop.

ROM SHAHSHA APPÜ 5:17

Mehenangkü shennyak hükei mang homei dipai hapa shennyak hük homei vanglem lempü vaijema, meshük nyeishi Kahvangei bhashahpü phahji, hatü daülangshemshepü thintho dangpüthüi shennyak hük, Jisu Khrista homei yangnyu kü vanglem lemhenang!

ROM SHAHSHA APPÜ 5:2

Büpa homei hinglempai jeni hapa phahji dangei ha kü jen shaang nyunyeih, hatü Kahvang müknyinshekhang kü jen hanteihen monglempü kü jen changmeinyeih.

ROM SHAHSHA APPÜ 5:21

Hanangkü mangi dipü kü vanglem lempükei, Jisu Khrista, jenei Shembüpa homei daülangshemshepai yangnyuyem touei müpü homei phahjipai vanglem lempeih.

ROM SHAHSHA APPÜ 5:9

Shaang jeni büpalei iy homei dahshakhüteke, meshükpa büpa homei jen Kahvangei mongshih kübü yangphahen!

ROM SHAHSHA APPÜ 6:23

Mehenangkü mangei latü dipü, shejao ang kübü Kahvang thintho-ü Khrista Jisu jenei Shembüpa kü yangnyu nyüke.

ROM SHAHSHA APPÜ 8:1

Hanangkü shaang Khrista Jisu kü nyupüthü shingvaishi nyonghüpü neshiü.

ROM SHAHSHA APPÜ 8:29

Mehenangkü üam büpai yeihshi mebü nyingei nyu, hathü shao büpai laophülei Halei deiaei anshi leihen jelangpeih; shejüang büpa shemong longpü kü hashongpa leihen.

SHAHKÜP 33:3

Hingmei nüngi nanglakthü kü bamnyüke; daülangpüthü kemei nüngei lakmongei nyüke. Nüngei la touei jom peü aümei shanyüke, hatü nüng leipü shahkung yahnyüke.

PHILIPPI 1:6

Üpai am touei doumei chongpang, hapa Jisu Khristalei nyih thahshi kü temhen shei ngei monglempü nyüpeih.

2 THESALONIKA 2:13

Shejao Shembüpai bampü jeihinaü nyahinaüthü, hami düngei am shingvaishi Kahvang kü menvih shuohhen vongbong nyüke; mehenangkü Kahvangi amphongü daühüpü Laangha dou homei hatü shahhing kü hinglempü homei yemleihen shingvaishi shongpü betjük vaihen jelangpeih.

1 TIMOTI 1:16

Shejao ha tata kü üami büpa kü hinglem yangnyuyem danghen shei Khrista Jisui nedohnetenpü büpa nenteiaokpü lappü hük huhen shingvaishi ngei keipü nemeipü mang shennyak kü phahji hupeih.

2 TIMOTI 1:12

hatü ha tata kü ngei shangpongnyeih. Hei shejao ngei neveünyih; mehenangkü ngei üpa kü hinglem, ha ngei nying, hatü hapa nyih shingvaishi ngei mehe büpa kü nangei tuhphong, büpai ha yomaokhen shei ngei monglempü nyüpeih.

HEBREW 7:25

Hanangkü büpa homei Kahvang touei peipüthü peü den kü yangei tuhhen aoknyüpeih; mehenangkü büpai den kü jom shing phopnyüke.

1 PETER 1:5

hayü dohpü hepak kü hinglempü homei Kahvangei ngani yangpüthü touei shakei vamhen temtükpü yemleipü nyüke.

1 JOHAN 1:2

Hapa yangnyu shakei vam, ha hami eetih hatü ha kü denpü shuohnyeih, hatü hapa nedohnetenpü yangnyu Chepa mü nyupü jen touei shakei vampü jung am kü baongnyeih.

1 JOHAN 2:19

Jomü jen kübü lüdaipeih, shejao jomphongü jen khong nevai; jomphong paoh jen khong vailangmeyü jomphong jen mü nyuhah shepeih. Shejao jen toueipü lüdaipü homei jomphongü jen khong nevai shei lekei hunyüke.

1 JOHAN 2:25

Hatü büpai jen kü mehe lah, hayü vanyangyem yangnyu khih.

1 JOHAN 5:11

Denpeyü hapa hih: Kahvangi jen kü yangnyuyem shuohpeih, hatü hapa yangnyuyemü büpalei Ha kü nyüke.

JUD SHAHSHA APPÜ 1:1

Jud, Jisu Khristalei chongphobü hatü Jakobei chenaü, Nyüklangpüthü, hatü Pa Kahvangi bampüthü hatü Jisu Khristai yangei tuhpüthü touei,

JUD SHAHSHA APPÜ 1:21

Kahvang bampü kü am nyutuh; vanyangyem lemei müpü jenei Shembüpa Jisu Khristalei phahji kü shesha lemei veituh.

JUD SHAHSHA APPÜ 1:24

Shaang büpa, üpai nüng dohen kübü yangei tuh-aok, hatü büpalei müknyinshekhang mü mongongpü touei nüng kawhikang neshiüi yaonghüaok,

1 SAMUEL 2:9

Büpai hingshangpüthülei la yomhen, shejao nemeipüthüyü shangmang kü jütükhen; shennyak hüki laophülei wongi aokpü nedangnyih.”