JOHAN 10:18 - DAÜLANGPÜ LAIHING (BSI)

¹⁸ Üpaiyao ngelei yangnyu ngei kübü neyahlang, shejao ngei ha ngei nyingi mongei shuohnyeih. Lanei shuohhen hatü nyipabü yahlanghen ngei kü wong nyüpeih. Hapa shahkung ngei Opa leipü dangpeih.

JOHAN 10:18 Iomraidhean Croise

JOHAN 10:11

Ngeiyü mi yombü meipü. Mi yombü meipai mithü shingvaishi laophülei yangnyu lanei shuohnyeih.

JOHAN 10:15

Opai ngei nyingpü keiha ngei Opa nyingnyeih, hatü ngei ngelei yangnyu mithü shingvaishi lanei shuohnyeih.

JOHAN 10:17

Mehenangkü ha tata kü Opai ngei kü bamnyeih, mehenangkü nyipabü anlanghen shingvaishi ngei ngelei yangnyu lanei shuohnyeih.

JOHAN 14:31

Ngei Opa kü bamnyüke shei kahdoknyüi nyinghen shingvaishi ngei Opa-i epü düknyüpeih. Yaongtuh, jen daishah.

JOHAN 15:10

Ammi ngelei shahkungthü bangjema, ngei Opalei shahkungthü bangei büpa bampü kü nyupükei amphongao ngei bampü kü nyuhen.

JOHAN 19:11

Jisui jangei, “Shangphi leipai nüng kü neshuohlangmeyü nüng ngei shak kü wong nenyuhah shepeih; hanangkü üami ngei yepei nüng kü lanei shuohnya, jomi nyeipü mang thahteke” shei e.

JOHAN 5:26

Mehenangkü Pa kü büpa kü-üng yangnyuyem nyupü keiha Ha kao büpa kü yangnyuyem nyuhen shuohpeih;

JOHAN 5:30

“Ngei mongpü kü meheyao nedüknyih. Ngei danpükei ngei shahphennyeih, hatü ngei shahphenpeyü shahhing; mehenangkü ngei mongpü dükhen ngei neyemnyih, shejao üpai ngei shom büpai mongpü düknyeih.”

JOHAN 6:38

mehenangkü ngei vangsho leipü ngei mongpü düknüng yiüpü nevai, shejao üpai ngei shom, büpai mongpü düknüng yiüpeih.

PHONGSHANTHÜ DOU 2:24

Shejao Kahvangi büpa dipü hanghi kübü bümei leihüei yangei leishih; mehenangkü dipülei ngani büpa shümei netuh-aok.

PHONGSHANTHÜ DOU 2:32

Kahvangi hapa Jisu yangei leishih, hatü hamphong peü hapa shahhing denbüthü hih.

PHONGSHANTHÜ DOU 3:15

hatü ammi yangnyu Lingbü jütükpeih, shejao Kahvangi büpa yangei leishihpeih.

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

HEBREW 2:9

Shejao Jisu, üpa kanja shing vangsho phongshanthü mü maani phangpa kü ling, shaang jeni büpa dipü ponghahpü nangkü müknyinshekhang hatü dhümi athen thentü eenyüke; hanangkü Kahvang phahji homei büpai peü shing dipü ponghah.