JOHAN 10:17 - DAÜLANGPÜ LAIHING (BSI)

¹⁷ Mehenangkü ha tata kü Opai ngei kü bamnyeih, mehenangkü nyipabü anlanghen shingvaishi ngei ngelei yangnyu lanei shuohnyeih.

JOHAN 10:17 Iomraidhean Croise

ISAIAH 42:1

Ngei wong kohhüpü ngelei chongphobü hamü nyüke, Ngei monghahpü ngei jepü hük; Ngei ngelei laangha büpa kü shihpeih, hatü büpai jatthü peü kü shahhing koei peikahen.

ISAIAH 42:21

Büpa daülangshemshepü men kü Shembüpai laophülei shahkungnyü longhühen, Hatü müknyinshekhanghühen mongongpeih.

JOHAN 10:11

Ngeiyü mi yombü meipü. Mi yombü meipai mithü shingvaishi laophülei yangnyu lanei shuohnyeih.

JOHAN 10:15

Opai ngei nyingpü keiha ngei Opa nyingnyeih, hatü ngei ngelei yangnyu mithü shingvaishi lanei shuohnyeih.

JOHAN 10:18

Üpaiyao ngelei yangnyu ngei kübü neyahlang, shejao ngei ha ngei nyingi mongei shuohnyeih. Lanei shuohhen hatü nyipabü yahlanghen ngei kü wong nyüpeih. Hapa shahkung ngei Opa leipü dangpeih.

JOHAN 3:25

Shaang Johanei nanglomthü hatü Jehoda am hük aa kü daühenlanghen vanglem nangkü shah dakteiyei nyu.

HEBREW 1:9

Nüngi daülangshemshepü kü bam, mang kü jiühit; Hanangkü Kahvang, nüngei Kahvangi nüngei küphüthü mü nyeishi nüng kü mongongpü mainga-i phupeih.”

HEBREW 2:9

Shejao Jisu, üpa kanja shing vangsho phongshanthü mü maani phangpa kü ling, shaang jeni büpa dipü ponghahpü nangkü müknyinshekhang hatü dhümi athen thentü eenyüke; hanangkü Kahvang phahji homei büpai peü shing dipü ponghah.