JOHAN 10:16 - DAÜLANGPÜ LAIHING (BSI)

¹⁶ Hapa mi khaok kü nepaümpü lebü mithü nyüpeih. Ngei jomphong müei leihen hatü hathüi ngelei ngeü banghen. Hanangkü mi khong hük hatü mi yombü hük mon nyuhen.

JOHAN 10:16 Iomraidhean Croise

KAHBHAO 49:10

Judah ami ongpalei lenshuoh nopü, hatü vanglem lembülei lenshuoh nopü kübü neyanhen. Jatthüi büpa kü bom ühhen, hatü büpa touei ven bangei aümei khümhen.

MENVIH KESHO 86:9

Nüngi lingpü jatthü peü peiyei nüng kü aümei khümhen, Oh Shembüpa, hatü nüngei men müknyinshekhanghen.

CHONGVENBÜ 12:11

Kon kohpülei shahthüyü mi yombüi mithü kü atteipü lenshuoh leshi nyüke, hatü thaiyei tuhpü kandok shahthüyü wongshongi appü kojal kei nyüke.

ISAIAH 11:10

Hapa nyih Jesselei tünglangü nanglakthülei khüamlung hük leshi yaonghen; jatthü büpa touei thaihen, hatü büpa nyushingü müknyinshekhangshi nyuhen.

ISAIAH 43:6

Ngei pehe leipü am kü, “Jom leishihtuh” hatü apshaphi leipü am kü, “Jom shongei tetuh” shei ehen. Ngelei yeshangthü tailu kahdok leipü, hatü ngelei yiükhathü kahdok dohpü leipü,

ISAIAH 49:6

Ngelei Jakob jatthü thaihühen, hatü Israel am müei leihen nangkü nüng ngelei chongphobü vaihenü ahshimaanpü douha hih. Nüng homei ngelei yemleipü kahdoknyü dohpü ngoishi deishihhen shingvaishi ngei nüngü kung am shingvaishi vangngai hük leihühen shei büpai enyüke.

ISAIAH 52:10

Shembüpai büpalei daülangpü lak jatthü peüei müki eeshi laiteke; hatü kahdoknyü dohpü peüei jenei Kahvang yemleipü eehen.

ISAIAH 56:8

Israel am wüpküp leipü müei leipü, “Thaiyei tuhpüthü mü lenei ngei shao thaihen” shei enyüke.

EZEKIEL 34:12

Paüdaipü mithü khongkü mi yombüi laophülei mi yempü keiha ngei ngelei mithü yemhen. Baijüm vangyim nyih kü jom paüdaipü shingthü peü leipü ngei hathü yanglanghen.

EZEKIEL 34:23

Ngei jom shak kü mi yombü hük, ngei chongphobü David tuhhen, büpai jom kü ühyinghen hatü büpa jomei mi yombü vaihen.

EZEKIEL 34:6

Hanangkü ngelei mithü kahshang hatü shangtaothü peü lemei haishi paüeiyonei nyüke; üpaiyao yemei leihen neshiü ngelei mithü kahdok shak kü yaüshi nyüke.

EZEKIEL 37:22

Ngei hapa kahdok Israel kahshangthülei jomphongü jat hük leiyei mongjemhühen. Jom shak kü ong hüki mon vanglem lemhen, hatü jom hajük kü ongching nyi nenyuhen, nevaijü ongching nyi vaishi nehanhen.

EZEKIEL 37:24

Ngei chongphobü David keipü ong hüki jom kü ong vaihühen, hatü jom peü shak kü mi yombü hük mon nyuhen. Jomi ngelei shahkungnyü phei mühen, hatü ngelei vanglemthü kenhingei noteihen.

HOSEA 1:10

Israel amü ienüng neaok, shethen neaoki yungching bhihhiphang kei daei leihen. “Amphong ngelei nanglak nevai” shei jom kü epü nangjei, “Amphongü vanyangyem Kahvangei hapeüthü” shei nyükhen.

ZEKHARIAH 2:11

Hapa nyih jat longi peiyei Shembüpa mü haohen, hatü ngelei nanglak leihen, hatü ngei am khong mü nyuhen, hatü Jeiyong Shembüpai am touei ngei shompü khih shei ammi nyinghen.

MATHI 17:5

Büpa shah eyei nyushingkü phum shola peiyei dhüm, hatü phum leipü ngeü hük vamei, “Hapayü ngei bampü Ha, ngei büpa kü mong hahnyeih; büpai epü bangtuh!” shei e.

LUK SHAHSHA APPÜ 15:8

“Nevaijü nyüha hüki lop an angpü kübü hük mahdaijü pinnyüi ha mangdang thahshi awdük jaktü shemnyüp maoei meishi neyemnyu je?

JOHAN 10:11

Ngeiyü mi yombü meipü. Mi yombü meipai mithü shingvaishi laophülei yangnyu lanei shuohnyeih.

JOHAN 10:2

Üpa shaden homei shünya, büpayü mithü yombü.

JOHAN 10:27

Ngelei mithüi ngelei ngeü dannyeih, ngei jom nyingnyeih, hatü hathü ngei phei münyeih.

JOHAN 10:3

Shaden yombüi büpa kü mi khaok sha apnyüke, hatü mithüi büpalei ngeü dannyüke. Büpai laophülei mithü kü men homei nyüknyeih, hatü müei dainyüke.

JOHAN 10:4

Mechem büpai laophülei mithü khaok leipü ngaihenshang, büpa jom shekü dainyeih, hatü mithü büpa phei münyüke; mehenangkü hathüi büpalei ngeü nyingnyüke.

JOHAN 10:5

Mithüi yenthüng phei nemühen shejao jomphong büpa toueipü nyaidaihen; mehenangkü jomi büpalei ngeü nenying.”

JOHAN 11:52

hatü jat hük shing mon nevai shejao haidaipü Kahvang hathü thaiyei leihen jung teteivanei eteke.

JOHAN 17:20

Ngei jomei men kü mon nephopnyih, shejao jomei shah homei ngei kü hinglemhenthü shingvaishiyao phopnyüpeih,

JOHAN 6:37

Pa-i ngei kü shuohpüthü peü ngei touei peikahen, hatü üpa ngei touei peinya, ngei mechemao nechangtükhen;

PHONGSHANTHÜ DOU 15:14

Kahvangi shongei Kung am kü bamei veipü, hatü jom khong kübü laophülei lompü nanglak vaihen yahhen jung Simoni nih-ei eküteke.

PHONGSHANTHÜ DOU 18:10

mehenangkü ngei nüng mü nyüpeih, hatü üpaiyao nüng kü nemeihen mü lak nenopih; mehenangkü hapa chingnyülei ngelei nanglak longi nyüpeih” shei eteke.

PHONGSHANTHÜ DOU 22:14

Hahepak kü büpai, “Jenei bühipalei Kahvangi büpai mongpü nyinghen, hatü Daülangpü Hük eehen hatü büpalei ngeü banghen nüng jeteke;

ROM SHAHSHA APPÜ 11:25

Hanangkü jeihinaü hatü nyahinaüthü, am meheshang, ha mü lenei am nahpeih shei nechangmeihen shingvaishi ammi hapa shahjo nenyingi nyemtenyu shei ngei deihnyüke. Israel am hanei kü mong vaanhen peipeyü denshing nevai, shejao Kung am peü mangpei thahshi mon.

2 THESALONIKA 2:13

Shejao Shembüpai bampü jeihinaü nyahinaüthü, hami düngei am shingvaishi Kahvang kü menvih shuohhen vongbong nyüke; mehenangkü Kahvangi amphongü daühüpü Laangha dou homei hatü shahhing kü hinglempü homei yemleihen shingvaishi shongpü betjük vaihen jelangpeih.

HEBREW 13:20

Shaang chingmei Kahvang üpai jenei Jisu Khrista, Mi yombü longpü, nedohnetenpü vangpüshuwpü iy homei dipü kübü yangei leishih,

1 PETER 2:10

Chem amphongü nanglak nevai-i nyupeih, shejao shaangü Kahvangei nanglakthü; chem amphongü phahji nedangi nyuhampeih, shejao shaang amphongi phahji dangteke.

1 PETER 2:25

Mehenangkü amphongü mi keiha lemnyongei daiyei nyuteke, shejao shaang mi yombü hatü ammei laangha yombü touei nyokei leiteke.

1 PETER 5:4

Mechem Mi yombü Longpü peihen, mechemao chang neleihen müknyinshekhang athen danghen.

SHAKEI VAMPÜ 3:20

Bangtuh, ngei shem shadenei yaongtü khungnyüpeih; ammi ngelei ngeü danei sha aphüjema, ngei ammei mongei shühen hatü ngei am mü hahyinghen, hatü am ngei mü hahyinghen.