JOHAN 10:14 - DAÜLANGPÜ LAIHING (BSI)

¹⁴ Ngeiyü mi yombü meipü. Ngei ngelei mithü nying hatü ngelei mithüi ngei nying.

JOHAN 10:14 Iomraidhean Croise

MENVIH KESHO 1:6

Mehenangkü Shembüpai daülangpüthülei lem kü veishi nyunyeih, shejao nemeipüthülei lemü mahdaihen.

ISAIAH 40:11

Mi yombü hük keiha büpai laophülei mi haümnyeih; büpai mi chehathü laophülei laki mongdang kukei deiyei paümnyeih; Büpai mi chenyüthü youngmü atei leinyüpeih.

ISAIAH 53:11

Büpa shangpong pheikü büpai yangnyu vangngai danghen, hatü büpa shangpongpeyü angsha nevai shei nyingei mongonghen. Ngelei hingshangpü chongphobü homei longi dah shakhühen, hatü büpai jomei mangthü kolanghen.

NAHUM 1:7

Shembüpayü meiangpeih; büpayü shangpong yakying hepak kü jen loishing nyüke. Büpa kü hinglempüthü kü büpai jungnyüpeih.

JOHAN 10:11

Ngeiyü mi yombü meipü. Mi yombü meipai mithü shingvaishi laophülei yangnyu lanei shuohnyeih.

JOHAN 10:13

Lathahbü mokdainyüke, mehenangkü lathahbüi mi kü nejungnyu.

JOHAN 10:27

Ngelei mithüi ngelei ngeü dannyeih, ngei jom nyingnyeih, hatü hathü ngei phei münyeih.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

JOHAN 17:8

mehenangkü nüngi ngei kü shuohpü shahthü ngei jomphong kü shuohtepih, hatü jomi ha shah yahteke, hatü hingshangi ngeiyü nüng leipü peipü khih shei jomi nyingteke, hatü nüngi ngei shompü khih shei jomi hinglemteke.

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

EPHESIA 1:17

Am büpa touei peishingkü kihikon, laangha hatü shakei vampü am kü shuohhen shingvaishi jenei Shembüpa Jisu Khristalei Kahvang, müknyinshekhangpü Pa kü ngei phopnyüpeih.

EPHESIA 3:19

hatü nyingpü peü mü Khrista bampü peü mü nyeishi nyinghen shingvaishi ngei phopnyeih, shejüang amphong Kahvang deiaei peü philei mapai maei nyuhen.

PHILIPPI 3:8

Ha mü nyeishi Khrista Jisu ngelei Shembüpa nyingpü peü mü longpü nanglei mü shetteijü lemphüli lomoh khih shei ngei ieyeilemnyeih. Büpalei men kü ngei lemphüli lomohtükpeih, hatü ngei hathü kü nyüphinya shei enyeih, shejüang ngei Khrista danghen,

2 TIMOTI 1:12

hatü ha tata kü ngei shangpongnyeih. Hei shejao ngei neveünyih; mehenangkü ngei üpa kü hinglem, ha ngei nying, hatü hapa nyih shingvaishi ngei mehe büpa kü nangei tuhphong, büpai ha yomaokhen shei ngei monglempü nyüpeih.

2 TIMOTI 2:19

Shejao Kahvangei chongnyiam shing lakshing wongshongi hapa nyangtü yaongshi nyüpeih: “Shembüpai büpa lompüthü nyingei nyüpeih” hatü, “Üami Shembüpalei men kü nyük, nemeipü leipü lepei leituh.”

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.

SHAKEI VAMPÜ 2:13

Melei Satan ong uoshing nyu, halei am nyupü ngei nyingnyeih. Shejao ammi ngelei men kü wongshongi shoungnyüke, hatü ngelei denbü Antipas, ngei kü hinglempü hük, Satan nyushing ammei chingnyülei jütükpü nyih kao ammi ngelei men kü hinglempü neyaktük.

SHAKEI VAMPÜ 2:19

Ngei ammei douthü, ammi bampü, hinglempü ammei dousho, hatü am munenpü nyingnyeih. Ammei shongpü dou meyü shompü-üng longpüba shei ngei nyingnyeih.

SHAKEI VAMPÜ 2:2

“Ngei ammei dou hatü ammi khe-ei dükpü, hatü am munenpü ngei nyingnyeih. Ammi nemeipüthü kü veishi nenyuaoknyu shei ngei nyingnyüpeih; ammi phongshanthü hih shei epüthü dokei veiteke shejao jom nevaiang, hatü jomü shahshem shei dangaokteke.

SHAKEI VAMPÜ 2:9

Am ponghahpü hatü am taopünangpü ngei nyingnyeih, shejao amü shemmei khih. Üami jom nyingi Jehoda am hih shei enya, shejao nevai, jomi yaüpülungpü ngei nyingnyeih, shejao jomphongü Satanei Sinagog nyüke.

SHAKEI VAMPÜ 3:1

Sardis kübü attoi leipü phongshan kü nyangtuh: Hathüyü üpalei lakei Kahvangei laangha nyet hatü litha nyet nyu, büpalei shahthü: “Ngei ammei douthü nyingnyeih; amü yemmü nyüpeih shei menvih yahnyüke, shejao am mahngchang khih.

SHAKEI VAMPÜ 3:15

Ngei ammei douthü nyingnyeih; amü shamao nevai, vüngao nevai. Amü sham nevaijü vüng vaihen khih shei ngei deihnyeih.

SHAKEI VAMPÜ 3:8

Ngei ammei douthü nyingnyeih. Veituh, ngei am touei sha hük apei tuhnyeih, hapa üpaiyao neküp-aokhen. Am kü wong maani mon nyüke shei ngei nyingnyeih, shejao ammi ngelei shah bangei notei hatü ngelei men neyaktük.