JOHAN 10:11 - DAÜLANGPÜ LAIHING (BSI)

¹¹ Ngeiyü mi yombü meipü. Mi yombü meipai mithü shingvaishi laophülei yangnyu lanei shuohnyeih.

JOHAN 10:11 Iomraidhean Croise

2 SAMUEL 24:17

Mechem Davidi nanglakthü jütükpü vangsho phongshanthü eepa, büpai Shembüpa kü “Mang thahpü hatü pungpeyü ngei hih. Nanglakthüyü mi keiha mon. Jomi mehe nejiüpü dükpa? Ngei hatü ngelei shem am kü nüngi lak hingtuh” shei e.

MENVIH KESHO 23:1

Ngeiyü mi, Shembüpayü mi yombü; Ngei mepaiyao netaohen.

MENVIH KESHO 80:1

Hami epü banglangshih, Oh Israel Mi Yombü, mi khong keiha Joseph müpüba! Cherubim ong uoshing kü uopü nüngi;

ISAIAH 40:11

Mi yombü hük keiha büpai laophülei mi haümnyeih; büpai mi chehathü laophülei laki mongdang kukei deiyei paümnyeih; Büpai mi chenyüthü youngmü atei leinyüpeih.

ISAIAH 53:6

Jen peü mi keiha lemnyongei dai, jen peü laophüi mongpü lem kü lüdaikem; hatü Shembüpai jen peüei mang büpai kolang.

EZEKIEL 34:2

Shennyak ha, Shembüpa Kahvangi hapakei enyüke shei Israel am mi yombüthü khüei teteivanei etuh: Oh, Israel am mi yombüthü, amphongi laophü mon moh-ei hahtü mithü nehaümnyu.

EZEKIEL 34:23

Ngei jom shak kü mi yombü hük, ngei chongphobü David tuhhen, büpai jom kü ühyinghen hatü büpa jomei mi yombü vaihen.

EZEKIEL 37:24

Ngei chongphobü David keipü ong hüki jom kü ong vaihühen, hatü jom peü shak kü mi yombü hük mon nyuhen. Jomi ngelei shahkungnyü phei mühen, hatü ngelei vanglemthü kenhingei noteihen.

MIKA 5:4

Mechem büpa peihenshang, Shembüpalei wong kü, hatü Shembüpa, büpalei Kahvang müknyinshekhang men kü büpai laophülei mithü haümhen, hatü jom yangei nyuhen; mehenangkü büpa kahdoknyü dohpü ngoishi longpü vaihen,

ZEKHARIAH 13:7

“Paotuh, Oh yanlu, ngelei dou dükpü mi yombüthü khüei” shei Jeiyong Shembüpai enyüke. Mi yombü kü bheituh, hatü mithü nyaidaiphahen; Ngei ngelei lak nanglakthü khüei nohen.

MATHI 20:28

mehenangkü Shennyak Hayao chongphohahhen shingvaishi nevai, shejao chongphohen, hatü longshi shing angei leihen nangkü laophülei yangnyu bhei shuohhen yiüpeih.”

JOHAN 10:2

Üpa shaden homei shünya, büpayü mithü yombü.

JOHAN 15:13

Küphü hük shingvaishi laophülei yangnyu lanei shuohpü mü nyeipü lebü bampü neshiü.

EPHESIA 5:2

hatü Khristai jen kü bampü keiha, hatü Kahvang kü vong meipü jakpü büpa laophü nyingi jen shing shuohpü keiha ammi bampü yangnyu nyutuh.

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

HEBREW 13:20

Shaang chingmei Kahvang üpai jenei Jisu Khrista, Mi yombü longpü, nedohnetenpü vangpüshuwpü iy homei dipü kübü yangei leishih,

1 PETER 5:4

Mechem Mi yombü Longpü peihen, mechemao chang neleihen müknyinshekhang athen danghen.

1 JOHAN 3:16

Jeni hapai bampü nyingnyüke: büpai jen shing büpalei yangnyu lanei shuoh, hapakei jeniyao hüki hük shing yangnyu lanei shuohteihen vongbong.

SHAKEI VAMPÜ 7:17

mehenangkü ong uoshing jiamei Mi Chehayü jom mi yombü vaihen, hatü büpai jom yangnyuyem yunglok touei mühen, hatü Kahvangi jomei mük kübü mükphi peü thittükhen.”