JOHAN 1:45 - DAÜLANGPÜ LAIHING (BSI)

⁴⁵ Philipi Nathanael pongei büpa kü, “Hamphongi Nazareth am Josephei cheha, üpa jung Mosai shahkungnyüthü kü hatü thibüthüi eyei nyu ha pongtepih” shei e.

JOHAN 1:45 Iomraidhean Croise

KAHBHAO 22:18

hatü nüngei lihilathü homei kahdoknyü jatthü peü moihiman danghen; mehenangkü nüngi ngelei shah bangteke” shei e.

KAHBHAO 3:15

Ngei nüng hatü nyüha aa kü, hatü nüngei li hi pinnyülei li aa kü ve vaihühen. Büpai nüngei shangjing ngümtükhen, hatü nüngi büpalei la-ong kü bheihen” shei e.

KAHBHAO 49:10

Judah ami ongpalei lenshuoh nopü, hatü vanglem lembülei lenshuoh nopü kübü neyanhen. Jatthüi büpa kü bom ühhen, hatü büpa touei ven bangei aümei khümhen.

ISAIAH 4:2

Hapa nyih kü Shembüpalei pükao nethe meishi hatü müknyinshi nyuhen, hatü kahdok kü vampü betjükü Israel am aopüthülei mongong hatü müknyinshekhang nyuhen.

ISAIAH 53:2

Büpayü Shembüpa touei sheili pü hük keiha, hatü kahvan kü nyem phaatpükei longpeih. Jeni büpa kü mük shahhen mü, nevaijü jeni lümhen mü büpa kü meheyao dhemeilaüma, nevaijü bethünghangbong neshiü.

ISAIAH 7:14

Hanangkü Shembüpai nüng kü nyangeihepü hük yahphahen. Veituh, pai mü ngühpü nela hüki yeshang hük bühkahen, hatü büpa kü Immanuel shei menhen.

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

MIKA 5:2

Shejao nüng, Oh Bethlehem Ephrathah, nüng Judah phang khongkü maanpü vailangmao, nüng kübü Israel shak kü ngei shing vanglem lemhen hük vamhühen. Büpa vamshing bülemü aivang hepak kübü chongkahen.

ZEKHARIAH 6:12

Jeiyong Shembüpai hapakei enyüke shei büpa kü eyeishuoh: “Halei shennyak hük nyüke hatü büpalei menü Pükao, hatü büpai büpa nyushing kübü kao hük phaakei vamhühen hatü Shembüpalei Phopshem vehen.”

ZEKHARIAH 9:9

Longi mongongtuh, Oh Zion nela! Wongmü lentuh, Jerusalem yiükha! Veituh, ammei ongpa am touei, daülangshemshepü kü, hatü yemleipü kotü nenteiaokpai gadu chebaongha dok shangkü uotü am touei peikünyüke.

MATHI 10:3

Philip hatü Bartholomia; Thomas hatü lat thaibü Mathi; Alpheaslei cheha Jakob hatü Thaddaeus;

MATHI 13:55

“Büpayü mistripalei cheha nevaipü je? Chenyü-ü Mary hatü chenaüthüyü Jakob, Joseph, Simon hatü Judas hathü nevaipü je?

MATHI 2:23

Halei büpai Nazareth shei epü jila hükei nyuei dai; mehenangkü hapayü thihivamthü homei, “Büpa kü Nazareth am shei nyükhen” shei epü jiühühen shingvaishi ha vamteke.

MATHI 21:11

Khongi, “Büpayü thibü Jisu, Galil leipü Nazareth am khih” shei eteke.

MARK 14:67

mechem pinnyüi Peter aw kü uoshi nyupü eepa, pinnyüi büpa kü hüngei veitü, “Nüngao hapa Nazareth am Jisu mü shepeih” shei e.

MARK 6:3

Hapayü Marylei cheha mistripa, Jakob, Joseph, Judas hatü Simon hathülei chejei nevaipü je? Büpalei chenaü nyühathü jen mü nenyupü je?” shei etei. Jomi büpa nangkü huluh shuoh.

LUK SHAHSHA APPÜ 18:37

Jomphongi büpa kü, “Nazareth am Jisu peih-ei dainyu khih” shei e.

LUK SHAHSHA APPÜ 2:4

Joseph-ao Galil kahdok Nazareth leipü Judea kahdok kübü David Chingnyü Bethlehemei dai; mehenangkü büpayü David am shahishem kübü phaakpü nyuteke.

LUK SHAHSHA APPÜ 2:48

Mechem chenyü chepa ami büpa eepa, jom thama. Chenyüi büpa kü, “Hapeü, mehekei nüngi henji kü hapakei lingnya? Ampa henji longi mongshangei nüng yemei nyupeih” shei e.

LUK SHAHSHA APPÜ 24:27

Hapheikü Mosa kübü pangei thibüthüi nyangpü laithü kübü büpa jung epü peü nih-eikhoei eteke.

LUK SHAHSHA APPÜ 24:44

Hapheikü büpai jomphong kü, “Hathüyü ngei amphong mü nyushi am kü epü shahthü hih– Mosa shahkung, thihivam laithü hatü menvih kesho kü ngei nang nyangei nyupü peü dhaümkahen” shei eteke.

LUK SHAHSHA APPÜ 3:23

Jisui büpalei chongphopü dousho pangshingkü büpa bong hapüan hükshing nyu. Büpayü (nanglakthüi deihpü keiha) Josephei ha nyu. Joseph-ü Helilei ha,

LUK SHAHSHA APPÜ 4:22

Peüi büpa jung meishi e, hatü büpalei ju kübü vampü shahmei kü thama. Jomi, “Hapayü Josephei ha nevaipü je?” shei e.

JOHAN 1:44

Shaang Philipü Andrew hatü Peter am ching Bethsaida leipü nyuteke.

JOHAN 12:21

Jomi Galil leipü Bethsaida am Philip kü peiyei, “Longpüba, hamphongi Jisu kü veihüangke” shei e.

JOHAN 14:8

Philipi büpa kü, “Shembüpa, hamphong kü Opa hushih, hatü hapai ham shing changpü vaihen hih” shei e.

JOHAN 18:5

Jomi, “Nazareth am Jisu” shei jangei e. Jisui jangei, “Büpayü ngei hih” shei e. Büpa luhahpü Judas-ü jomphong mü yaongshi nyu.

JOHAN 18:7

Shao büpai jomphong kü, “Ammi üpa yemnya?” shei phe. Jomi büpa kü, “Nazareth am Jisu” shei e.

JOHAN 19:19

Pilati shah hük hapakei nyangtü ha shophang shangei tuh: “Nazareth am Jisu, Jehoda amei Ongpa.”

JOHAN 21:2

Hatouei thaiyei nyupü khongkü Simon Peter, Thomas (üpa kü Didymas sheiyao nyük), Galilei nyupü Kana am Nathanael, Zebedeelei cheha nyi, hatü büpalei nanglom lebü nyi nyuteke.

JOHAN 6:42

Jomi, “Hapayü Josephei cheha Jisu nevaipü je? Chenyü chepa jeni nyingei nenyupü je? Mekei etü büpai, ‘Ngeiyü vangsho leipü yiüpeih’ shei eaoknya?” shei eteiteke.

JOHAN 6:5

Mechem Jisui yaakei veipa büpai khongnyü longpü hük büpa lemei peijaei eeyei Jisui Philip kü, “Hathü nanglakthüi hahhen hahying jeni meleipü shakhenang” shei phe.

JOHAN 6:7

Philipi büpa kü, “Jom peü maanbaongi hahhen dangkao len vokei nanglati hahying shakjao nechangükhih” shei e.

PHONGSHANTHÜ DOU 10:38

Mekei Kahvangi Nazareth am Jisu Laangha Daülangpai hatü ngani thiteiphu, hatü mekei büpai doumei dükei, hatü mang laanghai shüveihahpüthü meihüpa ammi nyingei nyüke; mehenangkü Kahvang büpa mü nyuteke.

PHONGSHANTHÜ DOU 2:22

Israel am, ngei mehe ephahen bangtuh: Nazareth am Jisu-ü Kahvangi yahpü shennyak hük amphong touei yashanyale, thamapü hatü nyangeihepü homei Kahvangi am kü büpa homei dou dükpü am nyingi nyingei nyüke.

PHONGSHANTHÜ DOU 22:8

Ngei jangei, “Shembüpa, nüng üpaang?” shei eteke. Hahepak kü büpai ngei kü, “Ngeiyü nüngi shüveipü Nazareth am Jisu hih” shei ephüteke.

PHONGSHANTHÜ DOU 26:9

Nazareth am Jisu khüei ngei aokpü thahshi dükhen shei ngei nyingi deihshi nyupeih.

PHONGSHANTHÜ DOU 3:6

Shejao Peteri büpa kü, “Ngei hon nevaijü ngin neshiü, shejao mehe ngeilei nyu, ngei nüng kü shuohshah; Nazareth am Jisu Khristalei men kü yaongtuh hatü kamtuh” shei e.