JOHAN 1:43 - DAÜLANGPÜ LAIHING (BSI)

⁴³ Nyihphei Jisui Galilei heihhen tem. Büpai Philip heüei, “Ngei phei mükei” shei e.

JOHAN 1:43 Iomraidhean Croise

ISAIAH 65:1

Ngei kü nephepüthü touei ngei shakei vamei hupeih; Ngei neyempüthüi ngei yemei dang. Ngelei men kü nenyükpü jat kü, “Ngei hammü nyüpeih, ngei hammü nyüpeih” shei epeih.

MATHI 10:3

Philip hatü Bartholomia; Thomas hatü lat thaibü Mathi; Alpheaslei cheha Jakob hatü Thaddaeus;

MATHI 4:12

Shaang mechem Jisui Johan yeplangpü jung danpa, büpa Galil lemei heihdai.

MATHI 8:22

Shejao Jisui büpa kü, “Ngei phei mükei, hatü didaipüthüi jomei mahng nyemvühah” shei e.

MATHI 9:9

Jisu hatoueipü daishingkü büpai shennyak hük Mathi shei mentü lat thaipü officelei uoshi eeyei büpai büpa kü, “Ngei phei mükei” shei e. Büpa haleipü yaongei büpa phei mü.

LUK SHAHSHA APPÜ 19:10

Mehenangkü Shennyak Hayü mahdaipüthü yemhen hatü yanghen peipeih” shei e.

JOHAN 1:28

Hapayü Bethany kahdokei Johani baptükei nyupü Jordan yungdang philei vamteke.

JOHAN 1:29

Nyihphei Jisu büpa philei heihja-i eeyei büpai, “Kahdoknyü mang koei lüdaipü Kahvang Mi Cheha kü veituh” shei e.

JOHAN 1:35

Shao nyihphei Johani büpalei nanglom nyi mü yaongshi nyu,

JOHAN 1:37

Mechem büpai ha epü nanglom nyi-i danpa, jijinyi-i Jisu phei mü.

JOHAN 1:44

Shaang Philipü Andrew hatü Peter am ching Bethsaida leipü nyuteke.

JOHAN 12:21

Jomi Galil leipü Bethsaida am Philip kü peiyei, “Longpüba, hamphongi Jisu kü veihüangke” shei e.

JOHAN 14:8

Philipi büpa kü, “Shembüpa, hamphong kü Opa hushih, hatü hapai ham shing changpü vaihen hih” shei e.

JOHAN 2:11

Jisui hayü Galil kahdok Kana chingei shongpü yashanpü dou dükei pangpü nyuteke. Hapakei büpalei müknyinshekhang shakei vam, hatü büpalei nanglomthüi büpa kü hinglem.

JOHAN 6:5

Mechem Jisui yaakei veipa büpai khongnyü longpü hük büpa lemei peijaei eeyei Jisui Philip kü, “Hathü nanglakthüi hahhen hahying jeni meleipü shakhenang” shei phe.

JOHAN 6:7

Philipi büpa kü, “Jom peü maanbaongi hahhen dangkao len vokei nanglati hahying shakjao nechangükhih” shei e.

PHILIPPI 3:12

Ngei ha peü dangtih nevaijü ngei changpüshapü ngoitepih shei nevai, shejao ngei hapayü ngelei vaihen shei changei dainyeih; mehenangkü Khrista Jisui ngei büpa lompü leihü.

1 JOHAN 4:19

Büpai shongei jen kü bampü nangkü jeni büpa kü bamnyeih.