JOHAN 1:30 - DAÜLANGPÜ LAIHING (BSI)

³⁰ “Ngei pheikü shennyak hük peikünyüke, büpa ngei mü longpüba; mehenangkü büpa ngei shekü nyuhampeih” shei ngei ehampeyü büpa hih.

JOHAN 1:30 Iomraidhean Croise

MATHI 3:11

Mong leppü nangkü ngei amphong yungi baptüknyeih, shejao ngei mao nyeishi wong kohpü hük üpa ngei pheikü peikünya, ngei büpalei lathuh nohen dangkao nechang, büpai amphong Laangha Daülangpü hatü awi baptükphahen.

LUK SHAHSHA APPÜ 3:16

Johani jomphong kü shahnyok shuoh-ei, “Ngei amphongü yungi baptüknyeih, shejao ngei mao nyeishi wong kohpü hük peikünyüke; ngei büpalei lathuh vü laihenao neaok. Büpai amphong kü Laangha Daülangpai hatü awi baptükphahen.

JOHAN 1:15

Johani büpa nang denpü shuoh. Büpai lenei, “Ngei üpa nang e, hayü büpa hih. ‘Ngei pheikü üpa peikünya, büpayü ngei mü longpüba; mehenangkü büpayü ngei shekü nyuhampeih.

JOHAN 1:27

ngei pheikü üpa peikünya, ngei büpalei lathuhvü dangkao laihen neshangangpih” shei e.

JOHAN 1:31

Ngeiyao büpa nenyingham, shejao büpa Israel am kü shakei vamhühen tata kü ngei yungi baptükei peipeih.

JOHAN 10:41

Büpa touei shennyakthü longi pei, hatü jomi, “Johani meheyao nyangeihepü nedük, shejao hapa shennyak jung Johani epü lemphüli jiüteke” shei e.