JOHAN 1:18 - DAÜLANGPÜ LAIHING (BSI)

¹⁸ Üpaiyao Kahvang ne-ee, shejao hapayü Kahvang Halom Ha, üpa Pa philei nyu, büpai büpa nyinghüteke.’ ”

JOHAN 1:18 Iomraidhean Croise

KAHBHAO 16:13

Hanangkü pinnyü mü shah eteipü Shembüpa kü pinnyüi, “Nüngü El-roi; mehenangkü pinnyüi, ‘Ngei kü veipü Kahvang ngeiyao shaang büpa eetepih’ ” shei e.

KAHBHAO 18:33

Mechem Shembüpai Abraham mü shah eteiyei kempa, büpa lüdai hatü Abrahamao shemei leidai.

MÜLANGPÜ 23:21

Ammi kenhingei büpai epü kü bangtuh; ammi büpa khüei teyaong; mehenangkü “Ngelei Men” büpa kü nyupü nangkü büpai henüng keipü mang netükphahen.

MÜLANGPÜ 24:10

kahshangei aong, hatü jomi Israel amei Kahvang eeteke. Büpalei la phangkü veiheni Sapphir yaongi shaokpükei, hatü phumshang keiha thüngshingi nyuteke.

KANDOK 8:30

Hahepak kü ngei büpa mü mistri hük kei nyuhampeih, hatü ngei nyihjeih büpalei mongong vaihampeih; düngei büpa touei mongongpai nyuhampeih;

ISAIAH 40:11

Mi yombü hük keiha büpai laophülei mi haümnyeih; büpai mi chehathü laophülei laki mongdang kukei deiyei paümnyeih; Büpai mi chenyüthü youngmü atei leinyüpeih.

YOUNG LAI 2:12

Jomi chenyünyü am kü, “Hahying melei danghenang?” shei phenyüke. Jomi chingyangshongei ma yahpü shennyak keiha shomeiyingnyüke, hatü nyüei lakei paümshi didainyüke.

BHEI-IE 12:8

Büpa meyü ngei dhe dhe gongei lekei eteinyüpeih, shejao dokei, nyieneinyangei nevaijü shahlapei ne-eteinyih, hatü büpai ngei mekei nyu ha eeteke. Ngei chongphobü Mosa khüei ehen anji mehekei nyemei nedeihpa?”

MATHI 11:27

Dou peü Opa-i ngei kü lanei shuohteke; hatü Pa mü lenei Ha üpaiyao nenying; hatü Ha mü lenei hatü Ha homei büpa shakei vampü nyinghen shingvaishi jepüthü mü lenei üpaiyao Pa nenying.”

LUK SHAHSHA APPÜ 10:22

Opai ngei kü douthü peü lanei shuohteke; hatü Pa mü lenei Ha üpaiyao nenying, nevaijü Ha mü lenei hatü Ha-i büpa shakei vamhühen jepüba mü lenei üpaiyao Pa nenying.”

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

JOHAN 12:41

Isaiah-i hapa epeyü büpai Jisulei müknyinshekhang eepü nangkü büpa nang epeih.

JOHAN 13:23

Büpalei nanglom hük üpa kü Jisui bam, büpa touei dhienei nyu.

JOHAN 14:9

Jisui jangei, “Ngei amphong mü hajük hepak lushi nyupheikü nüngi ngei nenyingnyu je? Üpai ngei ee, büpai Opa eeteke. ‘Ham kü Opa hushih’ shei nüngi mekei enya?

JOHAN 17:26

Ngei nüngei men jomphong kü nyinghütepih, hatü ngei ha nyinghühen, shejüang mepa bampai nüngi ngei kü bam, ha bampü jom kü nyuhen, hatü ngei jom kü nyuhen.

JOHAN 17:6

Kahdoknyü leipü nüngi ngei kü shuohpüthü kü ngei nüngei men nyinghütepih. Jomphongü nüngei, hatü ngei kü nüngi hathü shuoh, hatü jomi nüngei shah bangteke.

JOHAN 3:11

Ngei nüng kü hingmei enyeih, jeni nyingei nyupü jung jeni eteinyeih, jeni eepü jung jeni denpü shuohnyeih, shejao ammi hamei shahjangmei neyah.

JOHAN 6:46

Kahvang leipü hük mü lenei üpaiyao Pa ne-ee; büpai mon Pa eeteke.

2 KORINT 4:4

Jom nang keyü Kahvangei lajei, Khristalei müknyinshekhang shahjangmei vangngai jomi ne-eehühen shingvaishi hapa kahdoknyü kübü kahvangthüi nevaipüthülei mongdang mük phüngtükteke.

SHAHKÜP 4:12

Hahepak kü Shembüpai am kü aw kübü vamei eteke. Amphongi shah epü ngeü mon danteke shejao büpa mekei nyu, büm ne-ee.

KOLOSI 1:15

Büpayü müki ne-eepü Kahvang lajei, lingpü peü kü shongpüba.

1 TIMOTI 1:17

Shaang dohpü neshiüpü, ongpa, nemahnemenpü, ne-eeaokpü büpa mon Kahvang kü dhüm hatü müknyinshekhang den den kü nyute, Amen.

1 TIMOTI 6:16

büpa monha nemahnemenpü, hatü üpaiyao nenei neheih-aokpü vangngai kü nyunyeih; üpaiyao büpa ne-ee hatü ne-eeaokhen, büpa kü dhüm hatü wong düngei nyute. Amen.

JOSHUA 5:13

Mechem Joshua Jeriko yopailei nyupa, ngangahük kü büpai veishuohshingkü shennyak hük yanlu notü yaongshi ee. Joshua-i büpa touei heih-ei, “Nüngü hamphong khong kübü veshan hük hi vepa hük ang?” shei phe.

1 JOHAN 4:12

Üpaiyao Kahvang ne-ee; jen hüki hük mü bamteijema Kahvang jen kü nyunyeih, hatü büpa bampai jen kü changeishaei leihünyeih.

1 JOHAN 4:20

Üami, “Ngei Kahvang kü bamnyeih” shei etü laophülei jeihinaü hatü nyahinaüthü kü jiühitnya, hathüyü shahshem; mehenangkü jomi eepü jeihinaü hatü nyahinaüthü kü nebamjema, jomi ne-eepü Kahvang kü bamnüng neaok.

1 JOHAN 4:9

Kahvang bampeyü hapakei jen touei shakei vampeih: Büpa homei jen yemmü nyuhen shingvaishi Kahvangi laophülei Halom kahdoknyülei shompeih.

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.