JOHAN 1:14 - DAÜLANGPÜ LAIHING (BSI)

¹⁴ Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

JOHAN 1:14 Iomraidhean Croise

MENVIH KESHO 2:7

Ngei Shembüpalei shahkung baonghen: Büpai ngei kü, “Nüngü ngelei ha; shinnyih ngei nüngei Pa leitepih” shei eteke.

MENVIH KESHO 45:2

Nüngü peü mü nethe meipüba; nüngei ju kü phahji shah maei nyüke. Hanangkü Kahvangi nüng kü den kü moihimanteke.

MENVIH KESHO 85:9

Hingmei büpa kü nyempüthü shingvaishi büpalei yemleipü yopailei nyüke, shejüang büpalei müknyinshekhang jenei kahdokei nyuhen.

ISAIAH 40:5

Hahepak kü Shembüpalei müknyinshekhang shakei vamkahen, hatü hangkuli peüi hapa eehen; mehenangkü Shembüpalei ju kübü ha vamei eteke.’ ”

ISAIAH 53:2

Büpayü Shembüpa touei sheili pü hük keiha, hatü kahvan kü nyem phaatpükei longpeih. Jeni büpa kü mük shahhen mü, nevaijü jeni lümhen mü büpa kü meheyao dhemeilaüma, nevaijü bethünghangbong neshiü.

ISAIAH 7:14

Hanangkü Shembüpai nüng kü nyangeihepü hük yahphahen. Veituh, pai mü ngühpü nela hüki yeshang hük bühkahen, hatü büpa kü Immanuel shei menhen.

EZEKIEL 37:27

Ngei jom mü nyuhen; ngei jomei Kahvang, hatü jomphongü ngelei nanglak vaihen.

MATHI 1:16

Jakobü Josephei chepa nyuteke; Josephei chenyüha Mary-i Jisu, üpa kü Khrista shei nyüknya, büpa bühteke.

LUK SHAHSHA APPÜ 2:11

Shinnyih David chingnyü kü am touei Yemleipüba, üpa Khrista, Shembüpa nyüpa, büpa angei nyüke.

LUK SHAHSHA APPÜ 2:7

Pinnyüi yeshang hük angei büpa kü ashaki jümtü mohoh hetshung kü lemhü; mehenangkü jom ngoipü khaokei dung neshiüi nyuteke.

LUK SHAHSHA APPÜ 9:32

Shaang Peter hatü büpalei küphüthü mükhet dhaongei nyu; shejao mechem jomphong mük thaapa, jomi büpalei müknyinshekhang hatü büpa mü yaongpü shennyak nyi ee.

JOHAN 1:1

Chongpangpülei Shah nyu, hatü Shah Kahvang mü nyu, hatü Shah-ü Kahvang nyuteke.

JOHAN 11:40

Jisui pinnyü kü, “Nüngi hinglemjema Kahvang müknyinshekhang eehen shei ngei nüng kü ne-eangpü je?” shei e.

JOHAN 14:6

Jisui jangei, “Ngeiyü lemnyü, shahhing hatü yangnyu; ngei nehompheikü üpaiyao Opa touei nepeiaokpih.

JOHAN 14:9

Jisui jangei, “Ngei amphong mü hajük hepak lushi nyupheikü nüngi ngei nenyingnyu je? Üpai ngei ee, büpai Opa eeteke. ‘Ham kü Opa hushih’ shei nüngi mekei enya?

JOHAN 17:22

Nüngi ngei kü shuohpü müknyinshekhang ngei jomphong kü shuohtepih, shejüang ji hük vaipükei jomphongao hük leihen.

JOHAN 17:24

Opa, nüngi ngei kü shuohpüthü ngei melei nyu, halei jomao nyuhen, hatü nüngi ngei kü shuohpü ngelei müknyinshekhang jomi eehen ngei nanyüpeih; mehenangkü nüngi ngei kü kahdoknyü chongnyiam lingshekü ngei kü bampeih.

JOHAN 18:37

Pilati büpa kü, “Shejema nüngü ong je?” shei phe. Jisui jangei, “Nüngiang ngeiyü ong hük khih shei enyüke. Ha tata kü ngei bühpeih, hatü ha tata kü ngei hapa shahhing denpü shuohhen nangkü ngei kahdoknyülei yiüpeih. Hapa shahhing kü nyupü peüi ngei epü bangnyeih” shei e.

JOHAN 2:11

Jisui hayü Galil kahdok Kana chingei shongpü yashanpü dou dükei pangpü nyuteke. Hapakei büpalei müknyinshekhang shakei vam, hatü büpalei nanglomthüi büpa kü hinglem.

JOHAN 3:16

Mehenangkü Kahvangi kahdoknyü kü longi bampü nangkü büpai laophülei Halom shuoh; üami büpa kü hinglem nemahhen, shejao düngeipü yangnyuyem danghen.

JOHAN 3:18

Üpai büpa kü hinglemnya, nenyonghünyih; shejao üpai hingnelem, nyonghütükteke; mehenangkü hathüi Kahvang Halomei men kü hingnelem.

JOHAN 6:51

Ngeiyü vangsho leipü yiüpü yangnyu hahying. Üami hapa hahying hahhen, den kü yemmü nyuhen, hatü kahdoknyü kü ngei shuohpü yangnyu hahyingü ngelei phai’ ” shei eteke.

JOHAN 8:32

hatü ammi shahhing nyinghen, hatü shahhingi am bümei leihühen” shei e.

PHONGSHANTHÜ DOU 13:33

ha jomei hapeüthü jen kü büpai Jisu dipü kübü yangei leishihpai dhaümteke. Nyipabü Menvih Kesho kü ha nyangei nyüke: “Nüngü ngelei Ha, shinnyih ngei nüngei Pa leitepih.”

ROM SHAHSHA APPÜ 8:3

Mehenangkü phai-i wong nekohhüpü nangkü mepa shahkungnyüi nedükaok, ha Kahvangi laophülei Ha mang phai keiha leihütü mang mahtükhen shompai phai kü büpai mang nyonghüteke.

ROM SHAHSHA APPÜ 9:5

Hebrew am pathüyü jomei, phai keyü peü shak kübü Messiah-ü jom kübü, Kahvang den kü moihimantuh, Amen.

1 KORINT 15:47

Shongpü shennyakü kahdok leipü, kahdok shennyak hük; nyipabü shennyakü vangsho leipü.

2 KORINT 12:9

Shejao büpai ngei kü, “Ngelei phahji nüng shingvaishi changshi nyüpeih; mehenangkü ngelei wongü wong nekohpü kü changpüshapü leihünyeih” shei eteke. Hanangkü Khristalei ngan ngei kü nyuihen shingvaishi ngei wong nekohpü kü ngei nyeinya mongongshi changmeihen.

GALATIA 4:4

Shejao mechem jiüpü hepak lomei peipa, Kahvangi shahkungnyü phangkü nyüha hüki bühhüei laophülei Ha shom.

EPHESIA 3:8

Ngei Kahvangei nanglakthü maanpü khongkü ahshi-üng maanpü hük vaijao, Kung am kü yemei neaokpü Khristalei mop jung shahjangmei kohen,

KOLOSI 1:19

Büpa kü Kahvang dei-aei maei nyuhen mong hahpeih,

KOLOSI 2:3

Büpa kü kihikon hatü nyingpühingpü mop peü jaoshi nyüpeih.

KOLOSI 2:9

Mehenangkü büpa kü Kahvang nyingnyoi peü lomei nyüke,

1 TIMOTI 3:16

Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”

HEBREW 1:3

Büpayü Kahvang müknyinshekhang khanghüpü hatü Kahvang mekei nyu, büpa meimei anpü, hatü douthü peü büpalei ngan shah-i shümei tuhnyeih. Büpai mangthü daühüpheikü büpa vangsholei Jeiyongpalei lakdah philei uoteke;

HEBREW 1:5

Hanangkü mepa vangsho phongshanthü kü Kahvangi hei epa? “Nüngü ngelei Hapeü; shinnyih ngei nüngei Pa leitepih;” Nevaijü shao, “Ngeiyü büpalei Pa vaihen, hatü büpayü ngelei Ha vaihen.”

HEBREW 10:5

Hanangkü mechem Khrista kahdoknyülei yiüpa, büpai eteke: “Jakpü moila hatü moilathü nüngi nenanyih, shejao ngei shing nüngi tempü büm nanyeih;

HEBREW 2:11

Mehenangkü daühüpüba hatü daütükpüthü peüei Pa hük nyüke. Ha tata kü Jisui jomphong peü kü jeihinaü hatü nyahinaüthü shei nyükhen neveünyu.

HEBREW 5:5

Hapa keiha Khristaiyao büpa nyingi ngongchong vaihen müknyinshekhang neyah. Shejao Kahvangi büpa kü eteke: “Nüngü ngelei Ha; Shinnyih ngei nüngei Pa leitepih.”

1 JOHAN 4:14

Pa-i laophülei Ha kahdoknyü Yemleipüba vaihen shom shei jeni eeteke hatü hapa denpü shuohnyeih.

1 JOHAN 4:9

Kahvang bampeyü hapakei jen touei shakei vampeih: Büpa homei jen yemmü nyuhen shingvaishi Kahvangi laophülei Halom kahdoknyülei shompeih.

2 JOHAN 1:7

Peileipüthü longi, üami Jisu Khrista phai kü peipeih shei nyingei nelahnya, hathü kahdoknyülei yaüei daiteke; hapa keipü shennyakü peileipa hatü Khrista khüpü nyüke.

SHAKEI VAMPÜ 19:13

Büpayü iy kü hüngtükpü bhagthuh thuhshi nyuteke, hatü büpalei menü Kahvang Shah.

SHAKEI VAMPÜ 21:3

hatü ngei ong uoshing leipü ngeü longpü hük hapakei epü dan: “Veituh, shaang Kahvangei shemü hangku mü nyüke; Büpa jomphong mü jomei Kahvang vaishi nyuhen, hatü jomphongü büpalei nanglakthü vaihen, hatü Kahvangü jom mü nyuhen;