JOHAN 1:1 - DAÜLANGPÜ LAIHING (BSI)

¹ Chongpangpülei Shah nyu, hatü Shah Kahvang mü nyu, hatü Shah-ü Kahvang nyuteke.

JOHAN 1:1 Iomraidhean Croise

KAHBHAO 1:1

Chongpangpülei Kahvangi vangshothü hatü kahdoknyü ling.

MENVIH KESHO 45:6

Nüngei ong uoshing denden kü nyuhen, Oh Kahvang, shahhing lenshuoh-ü nüngei ongchingei lenshuoh nyuhen.

ISAIAH 7:14

Hanangkü Shembüpai nüng kü nyangeihepü hük yahphahen. Veituh, pai mü ngühpü nela hüki yeshang hük bühkahen, hatü büpa kü Immanuel shei menhen.

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

MATHI 1:23

“Veituh, pai mü ngühpü nela hük büm nekongi leihen, hatü Yeshang hük anghen, hatü büpa kü, ‘Immanuel’ lappai, ‘Kahvang jen mü nyüpeih’ shei menhen.”

LUK SHAHSHA APPÜ 24:53

hatü jomphong nedoh-i phopshemei Kahvang men longei nyu.

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

JOHAN 1:18

Üpaiyao Kahvang ne-ee, shejao hapayü Kahvang Halom Ha, üpa Pa philei nyu, büpai büpa nyinghüteke.’ ”

JOHAN 1:2

Büpayü chongpangpülei Kahvang mü nyu.

JOHAN 16:28

Ngei Opa leipü pei, hatü kahdoknyülei yiü; shao ngei kahdoknyü tuhphongtü Opa touei lüdainyeih.

JOHAN 17:5

Hanangkü shaang, Opa, kahdoknyü lingshekü nüng touei ngei kü nyupü müknyinshekhangi nüng touei ngei müknyinshekhanghütuh.”

JOHAN 20:28

Thomas-i büpa kü, “Ngelei Shembüpa, ngelei Kahvang!” shei e.

JOHAN 8:58

Jisui jomphong kü, “Hingmei ngei am kü enyeih, Abraham shekü ngei nyuhampeih” shei e.

ROM SHAHSHA APPÜ 9:5

Hebrew am pathüyü jomei, phai keyü peü shak kübü Messiah-ü jom kübü, Kahvang den kü moihimantuh, Amen.

EPHESIA 3:9

hatü peü lingpü Kahvangi peihdaipü denthü kü joei tuhphongpü shahjo peü nih-eikhoei nyinghühen hapa phahji ngei kü shuohpeih;

PHILIPPI 2:6

Nyingnyoi-i büpa Kahvang vaijao, wongi leetei Kahvang mü hükkeipü shei büpai nedeih,

KOLOSI 1:15

Büpayü müki ne-eepü Kahvang lajei, lingpü peü kü shongpüba.

KOLOSI 1:17

Büpa laophü nying douthü peü shekü nyu, hatü büpa kü douthü peü chemi shoungei nyüke.

1 TIMOTI 3:16

Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”

TITUS 2:13

moihimanpü monglem hatü jenei longpü Kahvang hatü Yemleipü Jisu Khristalei müknyinshekhang shakei vamküpü danhen enyüke.

HEBREW 13:8

Jisu Khristayü menyih, shinnyih hatü düngei hükkei khan.

HEBREW 7:3

Pa neshiü, nyü neshiü, bülem neshiü, yangnyu pangpü nevaijü dohpü nyih neshiü, shejao Kahvang Ha leshi büpa den kü ngongpa hük nyüke.

2 PETER 1:1

Simon Peter, Jisu Khristalei chongphobü hatü phongshan hüki jenei Kahvang hatü Yemleipü Jisu Khrista daülangshemshepü homei ham keiha hinglempü douvang kei yahpüthü touei,

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.

1 JOHAN 5:7

Denpü jem nyüke.

SHAKEI VAMPÜ 1:11

“Nüngi mehe eenya, ha lai hük kü nyangtü attoi nyet, Ephesia, Smyrna, Pergamum, Thiatira, Sardis, Philadelphia hatü Laodikea touei shomtuh” shei eyei dan.

SHAKEI VAMPÜ 1:17

Mechem ngei büpa eepa, mahng kei ngei büpalei la tüngei doei shük. Shejao büpai ngei kü büpalei lakdah-i düktü, “Nüng tenyem; ngeiyü chongpangpü hatü dohpü;

SHAKEI VAMPÜ 1:2

hatü Kahvangei shah kü denpü shuoh, hatü Jisu Khristalei denpü büpai eepü peü shuoh.

SHAKEI VAMPÜ 1:8

Üpa nyüpa, üpa nyutepa, hatü Jeiyongpa üpa peikahen nyu, büpai, “Ngeiyü Alpha hatü Omega” shei Shembüpa Kahvangi enyüke.

SHAKEI VAMPÜ 19:13

Büpayü iy kü hüngtükpü bhagthuh thuhshi nyuteke, hatü büpalei menü Kahvang Shah.

SHAKEI VAMPÜ 2:8

Smyrna kübü attoi leipü phongshan kü nyangtuh: Hathüyü chongpangpü hatü dohpü, üpa di hatü yangei lei, büpalei shahthü:

SHAKEI VAMPÜ 21:6

Hapheikü büpai ngei kü eteke, “Ha dükteke. Ngeiyü Alpha hatü Omega, Chongpangpü hatü Dohpü. Yung lepüthü kü ngei lop neyah-i yangnyu yunglok kübü yung yinghen shuohhen.

SHAKEI VAMPÜ 22:13

Ngeiyü Alpha hatü Omega, shongpü hatü shompü, chongpangpü hatü dohpü.”

SHAKEI VAMPÜ 3:14

Laodikea kübü attoi leipü phongshan kü nyangtuh: Hathüyü Amen, hingshangpü hatü shahhing denbü, Kahvangi lingpü kü vanglem lembülei shahthü: