JOEL 3:18 - DAÜLANGPÜ LAIHING (BSI)

¹⁸ “Hapa nyih kü kahshangthüi yiü ja yenphahen, hatü shangtaothü kü amma yenkahen; Judah leipü shohinga peü kü yung changshi yenkahen. Shembüpalei phopshem kübü yunglok hük yenei shaei Akacia Kahji kü yung shuohhen.

JOEL 3:18 Iomraidhean Croise

JOB SHAHSHA APPÜ 29:6

mechem ngelei lemthü kü amma yenei shapü, hatü yaongvak kübü olive püthüi mainga yenei;

MENVIH KESHO 46:4

Kahvang chingnyü mongonghüpü, Jaipüba nyupü daülangpü shing mongmeihüpü yungyen hük nyüke.

MÜLANGPÜ 3:8

hatü ngei Ijip amei lak kübü am yanglanghen peiküpeih, hatü meipü hatü bhashahpü kahdok, amma hatü nyahjiü mon yenpü kahdok, Kanan am, Hit am, Amor am, Perizz am, Hiv am, hatü Jebus am nyupü kahmükei ngei jom müei leilanghen.

ISAIAH 30:25

Hapa jüteipü nyih longpü kü shangdü kemei benei vüdaihen, hatü kahshang hatü shangtao shaopü peü kü yungyen keiha iy yenhen.

ISAIAH 35:6

Hahepak kü la khodaipüthü meishiy keiha phaukteihen, hatü shah ne-eaokpüthüi mongongpai lenhen. Yingnyü yingchong leipü yung bhaoei vamkahen, hatü bhih kahdok leipü shoha bhaoei yenkahen.

ISAIAH 44:3

Yung nedangpü kahdok kü ngei yung yahphahen, hatü kahngadok kü yungyenthü yenhühen; Ngei ngelei laangha ammei hühihathü, hatü ngelei moihiman ammei lihilathü kü khüpphahen.

ISAIAH 45:8

Oh vangsho shangpa, vang keipü daülangshemshepü shomtuh; Kahdoknyü ju aptuh, yemleipü koh-ei vamhütuh; hapa mü daülangshemshepü longhütuh; Ngei, Shembüpai hapa lingpeih.

ISAIAH 55:1

Hey, amphong yung lepüthü peü, yung touei peikei; Üami lop ne-ang, peikei, shakei yingtuh! Peikei, lop neshiüi, bhei neshuoh-i yiü hatü amma shakhahtuh.

ISAIAH 66:11

Naü hüki laophülei nyühaüm kü choipükei, amphong hüshemei mongonghen; Pinnyü kübü moihiman aüh-ei yenpai am moh-ei yinghen.

JEREMIAH 31:12

Jom peiyei Zion Kahshang shaopülei mongongpai lenhen; Shembüpai hah, yiüja, mainga, mi hatü mohoh chehathü changshi shuohpü nangkü jom mongonghen. Jomphongü yung meishi üpü pemong kei nyuhen, hatü jom hajük kü mongnemanghen.

MIKA 6:5

Ngelei nanglakthü, Moab am Balak ongpai am kü mehedükhen küpjan tempa? hatü Beorlei cheha Balaami mehe jangshuohpa, deih-ei dangtuh. Ammi Shembüpai shahhing dükpü nyinghen shingvaishi Shittim kübü Gilgal thahshi yendai shingkü mehe heüpa, ha nyingtuh.

ZEKHARIAH 14:8

Hapa nyih, Jerusalem kübü vanyangyem yunglok bhaoei yenkahen; hükkei shing heongphi yungching kü hatü hükkei shing heshüphi yungching kü cheihen; ünyü hepak kü kei shaonyü hepak kao chongkahen.

BHEI-IE 25:1

Mechem Israel am Kittimei nyupa, bahathüi Moab am nyühathü mü mükbongjuyungei chongpangteke.