JOEL 3:14 - DAÜLANGPÜ LAIHING (BSI)

¹⁴ Haja dok kü haja Baong Hanpü Kahjilei nyüke! Baong Hanpü Kahjilei Shembüpalei nyih yopailei nyüke.

JOEL 3:14 Iomraidhean Croise

MENVIH KESHO 37:13

shejao Shembüpai nemeipüthü kü nyinyeih, mehenangkü jomei nyih ngoiteke shei büpai nyingei nyüke.

ISAIAH 13:4

Khongnyü longpülei ngeü keiha, kahshang leipü ngeü kü banghümao! Ongchingthü hatü jatthü thaipü ngeü kü banghümao, Jeiyong Shembüpai vehok hokhen veshanthü longi temnyüke.

ISAIAH 22:1

Hapayü Manghkhang Kahji nangkü epü shah: Am peü shem adokei aongei nyuhen mü mehe shanghah pongpa?

JOEL 1:15

Hapa nyih shingvaishi Onyükei! Mehenangkü Shembüpalei nyih yopailei nyüke; Jeiyong Kahvangi mangtükhen yah-ei peikünyüke.

JOEL 2:1

Zionlei amit vüngtuh; ngelei daülangpü kahshangei vebaong shemm kaongtuh. Kahmük kü nyupüthü peü kheütuh; mehenangkü Shembüpalei nyih ngoikünyüke; hapa longi yopailei nyüke.

JOEL 2:11

Shembüpai vangmuk kei büpalei veshanthü kü enyüke; büpai epü bangpü veshanthü iejü ieyei nekemi hatü wong kohshi nyüke. Shembüpalei nyih longshi; hayü nyemshi nyüke; Üpai ha munenaokhen?

JOEL 3:12

Jatthü peü temtuh, Shahphenpü Kahjilei peikemtuh. Halei ngei Shembüpai, ngeihpü shonpü jatthü kü shahphenhen uohen.

JOEL 3:2

Ngei jatthü peü thaihen, hatü Shahphenpü Kahjilei müei deihen. Halei jomi ngelei nanglakthü khüei lemphü nemeipü dükpü nangkü ngei jom kü shahphenhen; Mehenangkü jomi ngelei nanglakthü jatthü touei haitükpeih, hatü ngelei kahdok hantükpeih.

ZEPHANIAH 1:14

Shembüpalei nyih longpü yopailei nyüke, yopai-i hatü lomi peikünyüke. Bangtuh! Shembüpalei nyih kü theppeyü shahyaki nyukahen. Ha nyih wong kohpü veshanthüiyao nyempai thephen.

PHILIPPI 3:2

Shithü kü lituh, douten dükpüthü kü lituh, phai vetteipüthü kü lituh.

2 PETER 3:7

Shejao hapa aihük shah-i shaangpü vangsho hatü kahdoknyü mahtükhen shahphenpü nyih mangngoi thahshi Kahvang nenyingpüthü aw kü jakhen tuh-ei nyüke.