JOEL 2:26 - DAÜLANGPÜ LAIHING (BSI)

²⁶ Am mangmoh thahshi hahhen changshi danghen; Am kü thamapü dou dükpü nangkü ammi Shembüpa, ammei Kahvangei men longhen. Ngelei nanglakthü ne-yei hapakei veü neponghüpih.

JOEL 2:26 Iomraidhean Croise

KAHBHAO 33:11

Nüng shing leipü ngelei thintho yahtuh; mehenangkü Kahvangi ngei kü phahjiyei nopü nangkü ngei napü kemei nyüpeih” shei e. Hanangkü büpai büpa kü yahtuh shei nyean, hatü ha büpai yah.

NEHEMIAH 9:25

Jomi penyü showtükpü chingnyü hatü kahcheü kohpü kahdok yahhü, nüngi doumeinangmei-i maei nyupü shemthü, yungkuk meishi shotükpü, nyalingngupai kah, olive kah hatü betjük püthü changshi nyupü kaamei yahhü. Jomi moh-ei hahtü nitei nüng meipü nangkü jom mongong.

MENVIH KESHO 103:5

Nüng nyupü thahshi büpai doumei-i nüng hüshemhünyeih; hanangkü alang keihanethe leiyei ja leihünyeih.

MENVIH KESHO 116:7

Leptuh, ngelei laangha, nüng nyiushemmei kü nyukei; mehenangkü Shembüpai nüng kü meishi dükteke.

MENVIH KESHO 13:6

Ngei Shembüpa kü menvih kesho lokhen, mehenangkü büpai ngei kü longi meishi nopeih.

MENVIH KESHO 22:26

Taopathüi hahhen hatü shümoh meihen, Shembüpa yempüthüi büpa vihhen. Jom düngei moihimanpü leihütuh!

MENVIH KESHO 37:19

Hepak ten kü jom veü neponghühen, münghishaü nyihthü kao jom changshi anghen.

MENVIH KESHO 67:5

Nanglakthüi nüng vihhütuh, Oh Kahvang; hangku peüi nüngei men longhütuh.

MENVIH KESHO 72:18

Shembüpa, Israel Kahvang kü moihimantuh, büpai mon thamapü douthü düknyeih.

KANDOK 13:25

Daülangpüthüi mong hüshemei hahnyüpeih, shejao nemeipüthü düngei aeiyei nyunyüpeih.

SOLOMONEI KESHO 5:1

Ngei ngelei pemongei peitepih, ngelei naüpeü, ngelei shembünyü; ngei myrrh mü vong meipü meli thaitepih. Ngei ngelei nyahdük hatü nyahjiü hahtepih; ngei ngelei yiü hatü amma yingtepih. Hahtuh, Oh küphüthü, hatü moh-ei yingtuh, Oh ngei bampüthü.

ISAIAH 25:1

Oh Shembüpa, nüngü ngelei Kahvang; Ngei nüng shangei anshihhen, hatü nüngei men longhen; mehenangkü shongei temtükpü küpjanthü nüngi yashanshi dükteke.

ISAIAH 29:22

Hanangkü Jakob phang nangkü Abraham angei leipü Shembüpai hapakei enyüke: “Hajük kü Jakob veü nepongpih, hajük kü jomei dhe nehaipih.

ISAIAH 45:17

Shejao Israel amü nedohnetenpü yemleipübai yanglanghen; Nedohnetenpü thahshi amü mechemao veü neponghühen.

ISAIAH 49:23

Ongthüyü ammei pa kei nyukahen, hatü onglanyüthüyü ammei hümlungnyü kei nyukahen. Jomei dhe kahdokei aümei shatü ammei la leipü lamak lailangphahen. Shejüang ammi ngeiyü Shembüpa shei nyinghen; Üami ngei kü omdannya, mechemao veü neponghen.”

ISAIAH 54:4

Tenyem, mehenangkü am veü nepongpih; mongteshang, amphong hangnehipih; Mehenangkü am thehila hepak kü veütükpü betükhen, hatü am vaümnyü vaiyei tuhphongpü deih-ei nedanghen.

ISAIAH 55:2

Hahying nevaipü kü mehekei ammi lop tüknya? Mepai am hüneshemhü, ha kü mehekei nang mahnya? Ngei epü kü kenhingei bangtuh: mehe mei, ha hahtuh, hatü hetmei kü mong hüshemtuh.

LEVI 25:19

Kahdoki hapalei betjük jükhühen, hatü am shümoh meiyei hahhen hatü nyiushem kü nyuhen.

LEVI 26:26

Mechem ngei ammei mophimo lem dohtükhen, nyüha ani jomei lakei nyupü hahying dük hük kü cheühen, hatü jomi hapa demei hanei shuohhen, hatü ammi hapa hahjao, shao-üng am aeipü nemeihen.

LEVI 26:5

Nyalingngupai vaümhen hepak thahshi am hah vetpü nedoh-i nyuhen, hatü hah sheipü hepak thahshi nyalingngupai vaümpü nedoh-i nyuhen, hatü ammi hahhüpü hahying lemphüli hahhen; ammei kahdok chingmei nyiushemmei kü nyuhen.

MIKA 6:14

Ammi hahhen shejao shümoh nemeihen; ammei shünyü aeipai kongmü nyuhen. Ammi thaiyei yoei tuhhen shejao ne-angaokhen, mehe ammi yoei tuhhen, ha ngei vehok kü mahtükhen.

ZEPHANIAH 3:11

Hapa nyih, ammi ngei kü nejiüpü dükpü nangkü amneveühüpih; mehenangkü amphong khong kübü changmeipüthü ngei changtükhen. Hajük kü am ngelei daülangpü kahshangei nechangmeihen.

ZEKHARIAH 9:15

Jeiyong Shembüpalei inyüshungi jom yanghen, jomi nyeilah kü shoupei mangtükhen; Jomi nükchokyiümok am kei thepju kü lenhen, hatü vepathü iy yenhühen. Chilimji leipü iy moila shuohpü moidü touei langpükei yenkahen.

ZEKHARIAH 9:17

Jom meshük veinyuhüshi hatü dhe meishi chongkahen! Hahyingi nethethü hatü yiünaüi nelathü wong kohhühen.

ROM SHAHSHA APPÜ 10:11

“Büpa kü hinglempü üpaao neveühüpih” shei Laihingi enyüke.

ROM SHAHSHA APPÜ 5:5

hatü monglempai jen mongnemanghünyih; mehenangkü jen kü shuohpü Laangha Daülangpü homei Kahvang bampü jenei mongdang kü shihteke.

ROM SHAHSHA APPÜ 9:33

Ha nyangei nyüke: “Veituh, ngei Zionlei nanglakthüi huluh shuohhen yaong hük, jom dohühen yaongnyü hük tuhnyüpeih; hatü üami büpa kü hinglem, neveühühen.”

SHAHKÜP 11:15

Ngei ammei kahdok kü ammei yemhimakthü shingvaishi phenha neenhühen, hatü amphongi hüshemei hahhen.

SHAHKÜP 12:12

Halei amphongi Shembüpa, ammei Kahvang touei ammei hapeüthü, ammei aathü hatü ammei jilalei nyupü Levi am mü mongongtuh; Levi amü jomei kahdok hayaoha neshiü shei deihtuh.

SHAHKÜP 12:18

Shembüpa, ammei Kahvang touei am hatü ammei hapeüthü, ammei aathü hatü ammei jilalei nyupü Levi am kemei Shembüpa, ammei Kahvangi jepü shingei hathü moilathü hahhen, hatü halei ammi dükpü lemphüli shingvaishi mongongteihen.

SHAHKÜP 12:7

Halei, Shembüpa, ammei Kahvangi ammi dükpü lemphü kü moihimanpü nangkü am hatü ammei shem am kemei chemi hahyinghen hatü mongonghen.

SHAHKÜP 8:10

Mechem amphong moh-ei hüshemei hahhenshang, am kü kahcheü kohpü kahdok Shembüpa, ammei Kahvangi yahphopü nangkü menvih shuohtuh.

1 TIMOTI 6:17

Shaangpü kahdoknyü kü nyupü shemmeithü kü nechangmeihen, nevaijü shaang nyutü nenyuhen mop kü mongnelemhen etuh, shejao jen hüshemhen shingvaishi lemphü mop changshi shuohpü Kahvang kü monglemhen etuh.

1 JOHAN 2:28

Shaang, maanpü hashihthü, büpa kü nyutuh, shejüang mechem büpa shakei vamhen, jen monglempü nyuhen, hatü büpa yiüshingkü jeni büpa touei veü nedanghen.