JOEL 2:23 - DAÜLANGPÜ LAIHING (BSI)

²³ Mongongtuh, Oh Zion nanglakthü, Shembüpa, ammei Kahvang kü mongongtuh. Büpai am kü jiüshangi shongpü vang shomteke, büpai shongpü hatü pheipü vang sheleipü kei changshi shomteke.

JOEL 2:23 Iomraidhean Croise

1 ONGPATHÜ 8:36

nüngi vangsho leipü ha bangtuh, hatü nüngei Israel nanglakthülei mang tükeishuoh. Jom kü yangnyu nyuhen jiüshangpü lem hueishuoh, hatü nüngi nüngei nanglakthü kü mükjüp shuohpü kahdok kü vang shomtuh.

JOB SHAHSHA APPÜ 33:23

Mehe jiü, ha shennyak kü ehen shingvaishi, büpa mü vangsho phongshan hük, Kahvang hatü büpa aa kü lembü hük kei nyujema,

JOB SHAHSHA APPÜ 37:13

Büpai hangku hanghihühen shingvaishi, nevaijü kahdok kü yung shuohhen, nevaijü bampü huhen shingvaishi hathü shomnyeih.

MENVIH KESHO 104:34

Ngei phoppütupü kü büpai mong hahhen, mehenangkü ngei Shembüpa kü mongongnyeih.

MENVIH KESHO 147:8

Büpai vangshothü kü phumi jümhünyeih, Kahdoknyü shing vang temnyeih, hatü shangtaothü kü thüng kohhünyeih.

MENVIH KESHO 149:2

Israel ami laophü Lingbü kü mongmeituh; Zion hapeüthüi jomei ongpa kü mongongtuh.

MENVIH KESHO 28:7

Shembüpayü ngelei wong, hatü ngelei inyüshung; ngelei mongi büpa kü hinglemnyeih, hatü ngei sheühpü dang. Mongongpai ngelei mong mateke, hatü kesho lokei ngei büpa kü menvih shuohhen.

MENVIH KESHO 32:11

Shembüpa kü mongongtuh, hatü mongmeituh, Oh daülangpüthü, hatü mongongpai lentuham mongdang kangshanginyupüthü peü.

MENVIH KESHO 84:6

Jomi Baka Kahji homei daijü, hapayü yunglok vamshing leihünyüke; shongpü vangi haleipü yungkuk mahhünyüke.

KANDOK 16:15

Mechem ongpa hükei dhe ngaihühen, halei yangnyu nyüpeih; büpa shinshangpeyü ühilem baong kü vang keipü kei nyüke.

ISAIAH 30:21

Mechem laknyong nevaijü lakdah lemei lephenshang, ammei dhaongi am pheikü shah hük, “Lemnyü-ü hapa hih, hapa kü kamtuh” shei eyei danhen.

ISAIAH 30:23

Ammi kahdokei haipü sheili shingvaishi büpai vang shomphahen, hatü kahdok kübü vampü hahyingi am shemmei leiyei changshi nyuhen. Hapa nyih ammei mohohthüi koshoya kü phenhani changshi hahhen.

ISAIAH 41:16

Amphongi hathü shaptükhen, hatü vanglüki hathü maoei deilanghen, hatü yinglükpalei-i hathü haitükkemhen.

ISAIAH 61:10

Ngei Shembüpa kü longi mongmeinyeih, ngelei laanghai ngelei Kahvang kü mongongnyeih. Mehenangkü yiük yahbüi laophülei shangjing kü ngongpalei athen thenpü kei, hatü doidainyüi laophülei yüknyü yükpü kei, Shembüpai ngei kü yemleipü ow owhüpeih, hatü daülangshemshepü bhagthuh thuhphopeih.

JEREMIAH 3:3

Hanangkü vang nekei-i shümlang, hatü ünyü vang nekeinyu; shejao am veüao neveüi büm yuei longteihen dhehilaü kohtü nyüke.

JEREMIAH 5:24

Jomi jomei mongkü, “Jeni Shembüpa, jenei Kahvang kü nyemshah, büpai jen kü dühü ieyei kü vang shomnyeih; Ünyü hatü lem hepak kü vang shuohnyeih; hatü hah vethen hepak itei shuohnyeih.

YOUNG LAI 4:2

Zion thehilathü chemü hon kei nyuhampeih, shejao shaangü haümdük bhaok kei nyüke.

EZEKIEL 34:26

Ngei jom hatü ngelei kahshang shinei nyupü shingthü kü moihimanhen; ngei hepak vangpan kü jiüshi vang shomhen; halei moihimanpü vang keihen.

HOSEA 6:3

Jeni Shembüpa nyingshah; jeni büpa nyinghen kenshah. Büpa jen touei vanghe aongpü keiha; Ünyü vangi kahdok vaümhüpü keiha peikahen.”

LEVI 26:4

ngei hepak vangpan jiüshi vang shomhen, hatü kahdoki sheili vamhühen, hatü kah kübü betjük püthüi betjük jükkahen.

AMOS 4:7

Hah vethen len jem nyushi ngei vang nekeihüi shonglang, ngei chingnyü hük kü vang keihü, shejao hükpa kü nekeihü; kah hük kü vang keihü, shejao hük kü nekeihüi vantükteke.

ZEKHARIAH 10:1

Bang hepak kü SHEMBÜPAleipü vang yütuh; Phumi vang leihüpeyü büpa nyüke. Büpai hangkuli kü vang shuohnyüke, hatü peüei kah kü sheili kohhünyüke.

ZEKHARIAH 10:7

Ephraim nanglakthüyü hampathü kei nyuhen, hatü jomei mong yiü yingpükei mongonghen. Jomei hühihathüi ha eehen, hatü mongonghen; jomei mongdangi Shembüpa kü mongonghen.

ZEKHARIAH 9:13

Ngei Judah am vunglah kei küpeih, hatü Ephraim am lahhan kei nopeih. Ngei Zion shennyakthü hampalei yanlu kei lingtü Greek am khüei hokhühen.

ZEKHARIAH 9:9

Longi mongongtuh, Oh Zion nela! Wongmü lentuh, Jerusalem yiükha! Veituh, ammei ongpa am touei, daülangshemshepü kü, hatü yemleipü kotü nenteiaokpai gadu chebaongha dok shangkü uotü am touei peikünyüke.

PHONGSHANTHÜ DOU 14:17

shejao düngei büpai doumei dükpai büpa nyupü huei heihpeih; büpai vangsho leipü vang shomnyeih hatü dühü kü jiüshi betjük jükhünyeih; büpai am hahyingi mahünyeih hatü ammei mong mongongpai maei nyunyeih.

SHAHKÜP 11:14

ammi hahying, yiü hatü mainga bhashahshi danghen shingvaishi ammei Kahvangi hepak vangpan jiüshi banghilem kü vang keiphahen.

SHAHKÜP 28:12

Shembüpai vangsho aptü tuhshingei tuhpü vang hepak vangpan jiüshi keiphahen hatü ammei lakdou peü kü moihimanphahen. Ammi mih jatthü kü lushuohhen, shejao ammi mih jat leipü nelunelakhen.

SHAHKÜP 32:2

Ngelei nyuhpü venpü vang keiha keikahen, hatü ngelei shahthü nyien keiha vükahen. Ngelei shah-ü phenni kü vanglah haipükei, hatü sheili bhao kü vang keipü keiha nyukahen.

PHILIPPI 3:1

Shompülei ngelei jeihinaü hatü nyahinaüthü, Shembüpa kü mongongtuh. Aihük douthü jung shao am touei nyanghenü ngei shingvaishi shanghah nevai, hatü hayü am shing yanglem nyüke.

PHILIPPI 3:3

Hingshangi japtükpeyü jenphong, Kahvang Laangha kü khümpü, hatü Khrista kü changmeihen hatü phai kü monglemhen changshi nyujao phai kü mong nenyangpeyü jenphong.

PHILIPPI 4:4

Shembüpa kü düngei mongongtuh; shao ngei enyeih, “Mongongtuh.”