JOEL 2:2 - DAÜLANGPÜ LAIHING (BSI)

² Hapayü vangnyak hatü vang yimpü nyih hük, phumnyaki jümpü shangmang nyih hük vaikahen! Vang mangei kahshangthü banglangpü keiha, longpü, hatü wong kohpü veshanthü kei shouk peikünyüke; Aivang den kao jom mechemao hapakei nenyu, nevaijü ngoikahen denhivan kao hapakei nechongkahen.

JOEL 2:2 Iomraidhean Croise

MENVIH KESHO 10:6

Büpai laophü nyingi, “Mepaiyao ngei nejenlenhühen; Ngei düngei mongongshi shanghah mechemao nepongi nyuhen” shei enyeih.

MENVIH KESHO 97:2

Büpa shonei phum hatü vangnyak nyüke; daülangshemshepü hatü shahhingi büpalei ong uoshing chongnyiam lingei nyüke.

MÜLANGPÜ 10:14

Ijip kahdok kempülei shoukhanbaong peiyei ma, hatü kahmük kempülei bakteke. Hapa keipü shoukhanbaong shelei mechemao nevam, nevaijü hapakei ne-eehen.

MÜLANGPÜ 10:6

Jomi nüngei shem hatü nüngei lakchongbüthü hatü nanglakthülei shemthü makahen. Ammei bühipathüi hapa kahdok kü nyuhinüng shinnyih thahshi mang-eepü ammi eehen” shei eteke, hatü Mosa nyokei Pharaoh toueipü lüdai.

MÜLANGPÜ 20:21

Mechem Mosai Kahvang nyushing phumthih yopailei heihpa, nanglakthüyü tailuei yaongshi nyudai.

ISAIAH 5:30

Yungching yungmok ngeü keiha hapa nyih jomi hapa nangkü ngünghen. Hanei-i kahdokei veijü vangnyak, hatü shanghah mon eehen, phumnyaki vangngaiyao vangnyak leitükhen.

ISAIAH 8:22

nevaijü jomi kahdokei veihen, shejao jomi shanghah, vangnyak hatü nyempühanpü mon eehen, hatü jomü shangmang vangnyakei shüktükhen.

JEREMIAH 13:16

Büpai vangnyak koei peikü shekü, hatü vangngai pibom kü nüngei la-i kahshangthü kü huluh shuohhü shekü, Shembüpa, ammei Kahvang kü müknyinshekhang shuohtuh. Mechem nüngi vangngai kü veihen, büpai shangmang hatü vangnyak leitüknyeih.

JEREMIAH 13:6

Nyih kanja angpheikü Shembüpai ngei kü, “Euphrates yungyenei daituh, hatü ngei nüng kü jotuh shei epü shing leipü shüng ashak yahlangtuh” shei e.

YOUNG LAI 1:12

Ngei kü veihümao, amphong peihpü leipüthü; Shembüpa, büpai mongshih anei ngei kü shuohpü hanghi kei üpaiyao nepongangpih.

EZEKIEL 32:7

Mechem ngei am mahtükhen, Ngei vangshothü jümtükhen, hatü lithathü manghtükhen; Ngei phumnyaki vanghenyü jümtükhen, hatü lennyüi laophülei vangngai neshuohhen.

EZEKIEL 34:12

Paüdaipü mithü khongkü mi yombüi laophülei mi yempü keiha ngei ngelei mithü yemhen. Baijüm vangyim nyih kü jom paüdaipü shingthü peü leipü ngei hathü yanglanghen.

EZEKIEL 38:9

Nüng hatü nüngei veshanthü mü jatthü longi nüng mü yinglükleisho keiha daiyei hahhen, hatü kahdok kemei phumnyaki keiha jümlanghen.”

DANIEL 12:1

Hahepak kü longpü vangsho phongshan Mikhael, üpai nüngei nanglak yomnya, büpa peikahen. Jatthü chongpanghinüng hapakei chemao mangvampü shangpong yakying hepak hük peikahen. Shejao shangpong hepak kü nüngei nanglakthü üamei men laitap kü nyangei nyu, yanghen.

DANIEL 9:12

Nüngi ham hatü hamei vanglem lembüthü khüei dükhen shei epü shahthü peü ham kü shangpong longpü shuohpai jiüteke, hatü mepa Jerusalem khüei nyüpa, hapa keiha vangsho phangkü mechemao nedükangpih.

JOEL 1:6

Shouki jenei kahmük mangtükteke; jom wong kohshi hatü iehen neaoki longi nyüke; jomei bha mailangei bha kei nyüke, hatü mailang chenyülei bhataüm kei nyüke.

JOEL 2:25

Ngei am khüei shompü ngelei veshan longpü, haümei hahpü, khongmü peipü, phaukei daipü, hatü ngaüh-ei hahpü shoukthüi ammei sheili peü hahtükpü nangkü ngei nyokei am kü shemhen.

JOEL 2:31

Shembüpalei nyih longpü, hatü nyempü peishekü, vanghenyü manghdaihen, hatü lennyü iy leidaihen.

JOEL 2:5

Vehok koyei mokpü ngeü keiha jomi kahshang shangchingei phaukei aongnyüke; Vungkah jempaan kü aw hapjü vung phaungpü keiha, wong kohpü veshanthü thepju kü ngeü anpü keiha annyüke.

JOEL 3:4

Oh Tyre, Sidon hatü Philistia moidoi kü nyupüthü! Ammi ngei khüei mehe dükhen khenyüpa? Ngei lemhük dükphopü ha kü shemhen khenyu je? Ammi ngei kü ha shemphüjema, ngeiyao shülangi am kü nyokei shemphahen.

AMOS 4:13

Veituh, üpai kahshangthü shüknya, hatü vanglük lingnya, shennyak kü büpalei mongdeih ngaiyei enya, dhomi vangnyak leitüknya, hatü kahdok shaopüthü kü kamnya, hapayü Jeiyong Shembüpa Kahvang, büpalei men nyüke.

ZEPHANIAH 1:7

Shembüpa tou kü nenmü nyutuh; mehenangkü Shembüpai shahphenhen nyih ngoikünyüke. Shembüpai jakpü moila shuohhen temnyüke; büpai laophülei nanglakthü ha kü jakhen.

ZEKHARIAH 14:6

Hapa nyih kü, wohongpü nevaijü kaongpüsheüpü meheyao nechongkahen.

MATHI 24:21

Mehenangkü hapa hepak keyü kahdoknyü chongpanghinüng shaang thahshi kü mechemao hapakei nenyupü hatü mechemao hapakei nenyukahen shanghah hük nyuhen.

MARK 13:19

Mehenangkü hathü nyih kü Kahvangi kahdoknyü linghinüng chemao mangvampü hatü shao mechemao nevamhen shanghah hük nyuhen.

SHAHKÜP 32:7

Peihdaipü nyihthü deihhahhümao, tendaipü denhivan leyei peihahhümao. Ammei pathü kü phehümao hatü jomi ephahen, behethü kü phehümao, hatü jomi nihphahen.

HEBREW 12:18

Amphongü laki honghen aokpü aw bahpü, shangmang, mongmang hatü vanglükpalei nyupü kahshangei nepei;

JUD SHAHSHA APPÜ 1:13

Jomphongü mangpü yungching yungmok, jomei veüpong yung-oup kei puoei aongnyüke; shing nenüngpü lithathü, den kü jom shingvaishi peü mü nyakpü vangnyak jaoei nyüke.

SHAKEI VAMPÜ 9:2

Mechem büpai shaongdoh neshiüpü kahsha appa, hapa kahsha leipü aw longi jakpü awshit kei vamei hapa kahsha leipü awshiti vanghe hatü phumshang manghdai.