JOEL 2:19 - DAÜLANGPÜ LAIHING (BSI)

¹⁹ Shembüpai laophülei nanglakthü kü jangei eteke: Ngei am kü aung, yiü, mainga shomnyüpeih; hapai am hüshemei hahhen, hatü ngei hajük kü am lebü jatthü toumü ne-ienelemi neleihüpih.

JOEL 2:19 Iomraidhean Croise

JEREMIAH 31:12

Jom peiyei Zion Kahshang shaopülei mongongpai lenhen; Shembüpai hah, yiüja, mainga, mi hatü mohoh chehathü changshi shuohpü nangkü jom mongonghen. Jomphongü yung meishi üpü pemong kei nyuhen, hatü jom hajük kü mongnemanghen.

EZEKIEL 34:29

Ngei jom kü kahcheü kohpü kahdok shuohhen, hatü kahdok kübü aeipülepü dohtükhen, hatü lebü jatthüi neienelempü kü jom nehanghihen.

EZEKIEL 36:15

hatü hajük kü lebü jatthüi am kü yaüeilungei epü nedanhühen; hajük kü shennyakthülei mongmang nekohühen, hatü ammi laophülei jat huluh neshuohhühen shei Shembüpa Kahvangi enyüke.

EZEKIEL 36:29

Ngei am nedaünelang peü kübü yanghen, hatü ngei lemphü moihiman nyükhen, hatü am changeishaei nyuhen, hatü am kü shaühile nepeihühen.

EZEKIEL 36:30

Ngei betjük püthü kü betjük jükpü, hatü kah kü hahying changshi vamhühen; hapai jatthü khongkü am kü shaühile shanghah-i nehanghihühen.

EZEKIEL 39:29

Hajük kü ngelei dhe jom toueipü nejodaihen; mehenangkü ngelei laangha Israel phang kü khüpshuohhen shei Shembüpa Kahvangi enyüke.

HOSEA 2:15

Halei ngei pinnyü kü pinnyülei nyalingngupai yahshuohhen, hatü Akhor kahjiyü monglempü kahji leihühen. Halei pinnyüi nela hepak kü keiha, hatü pinnyü Ijip leipü vamei daipü nyih kü kei ngei kü ephahen.

HOSEA 2:21

Hapa nyih ngei janghen shei Shembüpai enyüke, ngei vangshothü kü janghen, hatü jomi kahdoknyü kü janghen;

HOSEA 2:22

hatü kahdoki sheilithü, yiünaü, hatü olive mainga kü janghen, hatü jomi Jezreel kü janghen.

JOEL 1:10

Kahthü mangdai, kahdok vandai; hah peü mangtük, yiü ja üdai, hatü olive püthü kaudaikem.

JOEL 2:24

Hah tenshingei hah aümshung kü hahnih mahühen, yiü-üm kü yiü, hatü mainga aüh-ei yenkahen.

LEVI 26:5

Nyalingngupai vaümhen hepak thahshi am hah vetpü nedoh-i nyuhen, hatü hah sheipü hepak thahshi nyalingngupai vaümpü nedoh-i nyuhen, hatü ammi hahhüpü hahying lemphüli hahhen; ammei kahdok chingmei nyiushemmei kü nyuhen.

ZEKHARIAH 8:12

“Jomi chingmeivangmei kü sheili haihen, nyalingngupai-i betjük jükhen, kahdoki sheili kohhühen, hatü vangshothü nyien yethühen. Hathü dou kemei aopü nanglakthülei mükjüp vaihühen.

MATHI 6:33

Shejao shongei Kahvang ongching hatü büpa daülangshemshepü yemtuh, hatü hathü douthü peü am kü yahphahen.

SHAHKÜP 11:14

ammi hahying, yiü hatü mainga bhashahshi danghen shingvaishi ammei Kahvangi hepak vangpan jiüshi banghilem kü vang keiphahen.

RUTH 1:6

Mechem pinnyü Moab kahdokei nyupa, Shembüpai laophülei nanglak kü hahying moihiman longi shuohnyuja shei danei Naomi hatü cheha nyilei nyüha nyi müei Moab leipü layaongei leihen tem.