JOEL 2:17 - DAÜLANGPÜ LAIHING (BSI)

¹⁷ Shembüpa chongphopü ngongpathüi phopshem shakung hatü moidü aa kü theptuh. Jomi, “Oh Shembüpa, nüngei nanglakthü yangtuh” sheiehütuh. Nüngi nüngei nanglakthü kü mih jatthüi ne-ienelemhen mü tetuhphong. Lebü shennyakthüi, “Ammei Kahvang melei nyüpa?” shei mehekei ehühen?

JOEL 2:17 Iomraidhean Croise

1 ONGPATHÜ 6:3

Phopshem mongei shüpü shongnyü shaden chingshe kü shemshom hük ba kü meter 9 hatü chüpü kü meter 4.5 veteke; ba kü daülangpü shing hük kohshi ve.

1 ONGPATHÜ 9:7

ngei Israel nanglakthü kü shuohpü kahdok kübü jom changtükhen, hatü ngelei men kü khümhen shingvaishi ngei daütükpü hapa Phopshem ngei yaktükhen. Hahepak keyü mih jathili touei mihnyipü leihen, hatü peüi yaüeilungei ehen.

2 SHÜPPÜKENGPÜ 7:20

ngei Israel am kü shuohpü kahdok kübü bhitükhen, hatü ngei kü khümhen daütükpü hapa phopshem yaktükhen. Ngei ha ngei toueipü yaktükhen, hatü mih jatthü touei kandok hük nevaijü shahsho kü shihhen mü leitükhen,

2 SHÜPPÜKENGPÜ 8:12

Solomoni büpai vepü phopshem chingshelei Shembüpalei moidülei Shembüpa kü jakpü moila shuoh.

NEHEMIAH 9:36

Shejao veituh, shinnyih-ü hamü aa khih. Nüngi obü opa kü hapa kahdok kü vampü bejükvungjük hatü lebü doumei kemei hahtuh shei shuohpü kahdok kü hamü aa khih.

MENVIH KESHO 115:2

Jatthüi, “Ammei Kahvang melei nyüpa?” shei mehekei ehühen.

MENVIH KESHO 42:10

Ngelei büm kü dihen mü ma yahtü nyüpeih; ngelei vepathüi ngei kü yaüei, “Nüngei Kahvang melei nyüpa?” shei düngei enyüke.

MENVIH KESHO 42:11

Oh ngelei laangha, nüng mehekei mongmangnya? Ngelei mongei mehekei hajük mongshangnya? Kahvang kü monglemtuh; mehenangkü ngei büpa kü vihhen, ngelei sheühbü, ngelei Kahvang.

MENVIH KESHO 42:3

Ngelei vepathüi nedoh-i ngei kü, “Nüngei Kahvang melei nyüpa?” shei pheshingkü ngelei hahyingü ngelei mükphi nyuhampeih.

MENVIH KESHO 42:4

Ngei khong mü daipü, hatü Kahvangei shemei khong mütü mongong kesho, hatü menvih kesho lokei daihampü deihshuohjü ngelei mong mangdainyüke.

MENVIH KESHO 74:10

Oh Kahvang, hepak meshük vepathüi nüng kü nyihen? Jomi düngei nüngei men yaühen je?

MENVIH KESHO 79:10

“Jomei Kahvang melei nyüpa?” shei mehekei jatthüi ehühen? Nüngei nanglakthülei bhüh yempü kü iy yenpü hamei müki eeshi jatlithü kü nyinghütuh.

MENVIH KESHO 79:4

Hamü hamei chingyowthü touei ne-ienelempü, hatü ham shinei nyupüthü touei yaüeilungtükpü douthü leidaiteke.

MENVIH KESHO 89:41

Peihpü leipü peüi büpalei douthü gühlangnyüke; büpayü büpalei chingyowthüi nyiteihen leidaiteke.

MENVIH KESHO 89:51

Mepa homei nüngei vepathüi ne-ienelemnya, Oh Shembüpa, mepa homei jomi nüngi jelangpülei lameen kü yaünya!

MÜLANGPÜ 34:9

“Oh Shembüpa, nüngi ngei kü monghahjema, Shembüpa, nüng ham mü daikütuh shei khümnyüpeih. Hayü mong vaanpü nanglakthü vailangmao ham pungpü shaipü hatü hamei mang tükshih, hatü nüngei mükjüp yahhen nanglak leihüshih” shei büpai e.

ISAIAH 22:12

“Shembüpa, Jeiyong Kahvangi hapa nyih am kü thephen younghen, hatü sho chaei kuptüktü dhoila ashak ümhen nyükteke.

ISAIAH 37:20

Oh Shembüpa, hamei Kahvang, kahdoknyü ongchingthü peüi nüng monha Kahvang khih shei nyinghen shangmü nüngi büpalei lakmong leipü ham yangshih, Oh Shembüpa” shei phop.

EZEKIEL 20:9

Shejao ngei ngelei men kü, jom mü nyupü jatthüi eeshi ngelei men netenhühen, hatü jomi eeshi ngei jomphong Ijip leipü müei leihen shei nyinghütükpü nangkü ngei ha nedükpeih.

EZEKIEL 8:16

Hatü büpai ngei phopshem pekon mongei müei shü. Halei phopshem shaden touei shemshom hi moidü nyi aa kü baha jom hapünga hükshing phopshem philei dok mee, heong philei dhe meetü vanghe kü aümei shatü shatü khümei eeteke.

HOSEA 14:2

Hapa phoppü yah-ei Shembüpa touei mong leptuh, hatü büpa kü eyeishuoh: “Hamei mang peü tükshih, hatü phahjipai ham yahtuh. Hamei jubenyeijaangi nüng kü jakpü moila shuohhen.

JOEL 1:13

Dhoila ashak ümtuh hatü theptuh, Oh ngongpathü; youngtuh, am moidülei chongphopüthü. Peikei, vangnyak dhoila ashak ümtü phoptuh, amphong ngelei Kahvang chongphopüthü; Mehenangkü Shembüpalei phopshem kübü hahying, hatü yiü moila shümlangteke.

JOEL 1:9

Shembüpalei phopshem leipü hahying moila, hatü yiü moila dohdaipü nangkü, Shembüpa chongphopü ngongpathüi mahng thepnyüke.

AMOS 7:2

Mechem jomi kahdok kübü phenha cha-ei hahtüki eepa, ngei eteke, “Jeiyong Shembüpa, mang tükshih! Mekei etü Jakob yemmü nyuaokhen? Jomü ahshi-üng maanpü am nyüke!”

AMOS 7:5

Hahepak kü ngei eteke, “Oh Shembüpa Kahvang, ngei khümei enyüpeih, dohtuh! Jakob mekei etü yemmü nyuaokhen? Büpa ahshi-üng maanpü nyüke!”

MIKA 7:10

Hahepak kü ngelei vepai ha eehen, hatü ngei kü, “Shembüpa, nüngei Kahvang melei nyüpa shei epüthü veüpai dhe kü jümlanghen. Ngelei müki lekei pinnyü lomohpü eehen, hatü shaangao pinnyü-ü lemnyüvang kübü nyaühut kü nyeüpükei nyeütükhen.

MALAKI 1:9

Shaang, jen kü jangphahen shingvaishi Kahvang kü phopeishuoh. Henüng keipü moila shuohjü büpai am yahhen je? Büpai ammi phoppü kü nejangphapih, hatü hayü am pungpü vaikahen. Büpai am kü phahji huphahen je? shei Shembüpa Kahvangi enyüke.

BHEI-IE 25:6

Hahepak kü jom ashakshem shadenei thepeiyoungei yaongshi nyushingkü Israel am shennyak hüki Midian am nyüha hük Mosa hatü Israel ami eeshi baümtap mongei müei leiteke.

MATHI 23:35

shejüang kahdok shak kü daülangpüthülei iy yenpü am shak kü nyuhen; Abel kübü heihdaipü phopshem hi moidü nyi aa kü ammi jüpü Barakhiahlei cheha Zekhariahlei iy thahshi nyuhen.

MATHI 27:43

Büpai Kahvang kü hinglemnyüke; shaang Kahvangi mongjema büpa nyemyangshuoh; mehenangkü büpai, ‘Ngeiyü Kahvang Ha’ shei epeih” shei eteke.

SHAHKÜP 28:37

Shembüpai am haitükhen kahmükthü kübü nanglakthüi am ponghahpü eetü haneitophen hatü am kü nyennyangei naamnyi nyiphahen.

SHAHKÜP 32:27

Shejao jomei vepathüi pungei, “Hamei laki jom neütükpeih, Shembüpai hathü nedükangpih” shei changmeihen khih shei ngei yingei deihküpeih.

JOSHUA 7:9

Kanan am hatü lebü kahmükthü kübü shennyakthüi hapa jung danlanghen, hatü jomi ham shonlanghen hatü hamei men kahdoknyü kübü thittükhen khih. Nüngei men longpü nyuhen shingvaishi nüngi mehe dükhenang?” shei e.