JOEL 2:12 - DAÜLANGPÜ LAIHING (BSI)

¹² “Shaang dangkao ammei mong kempai shüaeiyungleyei, thepeiyoungei ngei touei mong leptuh” shei Shembüpai enyüke.

JOEL 2:12 Iomraidhean Croise

2 SAMUEL 24:10

Shejao Davidi veshanthü shangkuk iepheikü büpa longi mongshangei deih, hatü büpai Shembüpa kü, “Ngei dükpü doui nüng touei mang longi thahteke. Shejao shaang, Oh Shembüpa, nüngei chongphobüi thahpü mang tükshih shei phopnyüpeih; mehenangkü ngei ngadou dükpü khih” shei e.

2 SHÜPPÜKENGPÜ 30:6

Ongpai shah shuohpükei lai kopüthü Israel hatü Judah peü lemei ongpa hatü büpalei lakchongbüthülei lai hapakei nyangtü koei dai. “Israel nanglakthü, Shembüpa, Abraham, Isak hatü Jakob Kahvang touei mong leptuh, shejüang Assyria ongpalei lak kübü yangpü am touei büpa lepkahen.

2 SHÜPPÜKENGPÜ 6:27

Oh Shembüpa, nüngi vangsho leipü ha danei nüngei chongphobü, hatü Israel nanglakthülei mang tükshih. Nüngi jom kü jiüpü lem nyuheishuoh, hatü nüngei nanglakthü kü mükjüp shuohpü kahdok kü vang keihütuh.

ESTHER 4:16

“Leituh, Susalei nyupü Jehoda am peü thaituh, hatü ngei nangkü nyih jem ya jem nehahneyingi shüaeiyungletuh. Ngei hatü ngei mü nyupü chongpholathü peü am keiha hamao shüaeiyunglehen. Hapheikü mon shahkungi nemongjao ngei ongpa touei heihhen: ha kü dijao nyemdidai” shei e.

MÜLANGPÜ 33:5

Mehenangkü Shembüpai Mosa kü, “Amphongü mong vaanpü nanglakthü khih. Kansho hük dangkao ngei am mü daijema, ngei am jütükkemhen khih. Shaang ammei owhiai nyiuktüktuh, hatü ngei am kü mehe dükhen ngei baong hanpü yahhen shei eyeishuoh” shei eteke.

ISAIAH 22:12

“Shembüpa, Jeiyong Kahvangi hapa nyih am kü thephen younghen, hatü sho chaei kuptüktü dhoila ashak ümhen nyükteke.

ISAIAH 58:4

Veituh, amphong shüaeiyunglepeyü, deyeilaoei, üpteilenteiyei, hüki hük kü lak shihteiyeidohnyüke. Am shinnyihpü keiha shüaeiyunglepai ammi phoppü shang Kahvangi nedanlangphapih.

JEREMIAH 3:22

Mong leptuh, Oh hingnelempü Israel, ngei am hingnelempü meitükphahen. “Ham nüng touei peikünyeih; mehenangkü nüngü Shembüpa, hamei Kahvang.

JEREMIAH 36:7

Üpai nyingpa, Shembüpalei mongshih longpü hapa nanglak khüei shuohhen shei baongpü nangkü jomi Shembüpa touei mang lah-ei jom mang lem kübü mong lepei leikahen aokpeih” shei e.

JEREMIAH 4:1

Am mong lepei leijema, Oh Israel, ngei touei am lepei leijema, Ammi ngei toueipü jiühitnalai dou yaktükjema, hatü neleplüki nyujema,

JEREMIAH 4:2

hatü ammi, shahhing kü, hingshangpü, daülangpü kü, “Vanyangyem Shembüpa!” shei lahjema, büpai jatthü kü moihimanhen, hatü büpa kü jomi vih-eilühen, shei Shembüpai enyüke.

EZEKIEL 33:11

Ngeiyü vanyangyem Kahvang shei Shembüpa Kahvangi enyüke, ngei mang shennyak hük dipü kü mongneongnyih, shejao mang shennyak hük laophülei lem kübü mong lepei leiyei yangnyu yem dangei nyupü eehünyeih. Oh Israel phang, ammei mang lemthü kübü mong leptuh, mehekei am dihenang?

DANIEL 9:3

Hanangkü ngei Shembüpa Kahvang touei lepei leiyei büpa kü phopei, khümei, shüaeiyungleyei hatü dhoila ashak ümtü, depla nyiotü phop.

HOSEA 12:6

Hanangkü am Kahvang touei mong leptuh; bampü hatü shahhing kü shongtuh, hatü düngei ammei Kahvang om dantuh.

HOSEA 12:7

Bhei yupüthüi nejiüpü dok noteinyüke; büpai bhei shakpüthü kü lawlüpnyüke.

HOSEA 14:1

Oh Israel, Shembüpa, ammei Kahvang touei mong leptuh. Ammei mangi am dopeih!

HOSEA 6:1

Nanglakthüi enyüke, “Huoi, jeni Shembüpa touei mong lepei leishah, Büpai jen khih mü shaaktükteke, shejao hingmei büpai ha meiphahen; Büpai jen ma yahhüteke, shejao büpai makaw thüngphahen.

JOEL 1:13

Dhoila ashak ümtuh hatü theptuh, Oh ngongpathü; youngtuh, am moidülei chongphopüthü. Peikei, vangnyak dhoila ashak ümtü phoptuh, amphong ngelei Kahvang chongphopüthü; Mehenangkü Shembüpalei phopshem kübü hahying, hatü yiü moila shümlangteke.

ZEKHARIAH 7:3

hatü Jeiyong Shembüpalei phopshem leipü ngongpathü hatü thibüthü kü, “Hami bong luangi dükei heihpükei lenyang ngapabü kü shüaeiyunglehen hiang?” shei phehen shingvaishi shom.

ZEKHARIAH 7:5

Ha kahmük kü nyupü nanglakthü hatü ngongpathü kü etuh, “Mechem ammi peihdaipü bong pejempüan shekü lenyang ngapabü, hatü nyetpabü kü shüaeiyungleyei hatü youngeinangpa, hingmei ha ngei shingvaishi shüaeiyunglepü hiang?

MALAKI 1:9

Shaang, jen kü jangphahen shingvaishi Kahvang kü phopeishuoh. Henüng keipü moila shuohjü büpai am yahhen je? Büpai ammi phoppü kü nejangphapih, hatü hayü am pungpü vaikahen. Büpai am kü phahji huphahen je? shei Shembüpa Kahvangi enyüke.

PHONGSHANTHÜ DOU 26:20

shejao shongpüba kü Damaska, hapheikü Jerusalem, hatü Judea kahmük kempülei hatü Kung am kao jom mong lepei Kahvang touei leihen, hatü jom mong leppü doui huhen epeih.

SHAHPHENBÜTHÜ 2:4

Mechem Shembüpalei phongshani ha eyei kempa, Israel am kemei vaüei thepteke.

SHAHPHENBÜTHÜ 20:26

Hahepak kü Israel shennyakthü hatü veshanthü kemei Bethelei aongei Shembüpa touei thepei uo, hatü om dhüshi jomphongi shüaeiyungleyei Shembüpa kü lanei jakpü moila hatü mongjempü moila shuoh,

1 SAMUEL 7:3

Hahepak kü Samueli Israel phang kempü kü, “Ammi ammei mongdang kempai Shembüpa touei lepei leipü vaijema, am toueipü kung amei kahvangthü hatü Astartes kahvangthü yaktüktuh, hatü Shembüpa kü lanei shuohtuh hatü büpa mon chongphotuh; shejema büpai am Philistia amei lak kübü yangphahen” shei e.

1 SAMUEL 7:6

Hanangkü jom Mizpahlei thaiyei yung shoei anei Shembüpa touei langteke. Ha nyih jomi shüaeiyungleyei, “Hami Shembüpa khüei mang thahteke” shei mang lah, hatü Samueli Mizpahlei nyuei Israel am kü vanglem lemteke.