JOEL 2:11 - DAÜLANGPÜ LAIHING (BSI)

¹¹ Shembüpai vangmuk kei büpalei veshanthü kü enyüke; büpai epü bangpü veshanthü iejü ieyei nekemi hatü wong kohshi nyüke. Shembüpalei nyih longshi; hayü nyemshi nyüke; Üpai ha munenaokhen?

JOEL 2:11 Iomraidhean Croise

MENVIH KESHO 18:14

Büpai laophülei lahhan kap, hatü jom yantük, büpai klang nyephü, hatü hathü changtük.

MENVIH KESHO 46:6

Jatthü nyempühanpü kü nyüke, ongchingthü dodainyüke; büpai ngeü anjü kahdoknyü nyaüdainyeih.

MENVIH KESHO 68:18

Mechem nüng shaopü kahshangei aongpa, nüng mü khoklat kü longi müei aong. Nüng khüei yaongpüthü leipao nüngi laklei yah; Shembüpa Kahvang halei nyuhen aongteke.

ISAIAH 13:4

Khongnyü longpülei ngeü keiha, kahshang leipü ngeü kü banghümao! Ongchingthü hatü jatthü thaipü ngeü kü banghümao, Jeiyong Shembüpai vehok hokhen veshanthü longi temnyüke.

ISAIAH 42:13

Shembüpayü hampa hük kei dainyüke, veshan hük keiha büpai hokhen temnyüke; Büpai lenei thep nyüknyüke; Büpai laophülei vepathü kü laophülei wong hunyüke.

ISAIAH 7:18

Hapa nyih kü Shembüpai Nile yungyen leipü maanhayow kei Ijip am, hatü nyahnyüyow kei Assyria am nyükei thaikahen.

JEREMIAH 25:30

Hanangkü jom khüei hathü shah teteivanei etuh: Shembüpai vangsho leipü ngünghen; Büpai büpalei daülangpü nyushing leipü vangmuk kei ngeü vamhen, hatü büpalei kahdok khüei büpai ngünghen. Nyalingngupai ngümpüthüi keiha büpai hapa kahdokei nyupüthü peü khüei lenhen.

JEREMIAH 30:7

Hapa nyih meshük nyembenüng nyuhenang! Mepa nyih-ao hapa mü shetteihen neaokpih. Hapayü Jakob shing shanghah hepak nyuhen, shejao ha kübü büpa yangdaihen.”

JEREMIAH 50:34

Jom Yemleipüba wong kohshi nyüke; Jeiyong Shembüpayü büpalei men. Büpai hingmei jom kü khüambakei ehen, shejüang büpai kahmük kü nyiushemmei koei peiaokhen, shejao Babylon am shing nelingi tuhhen.

EZEKIEL 22:14

Ngei am kü dou dükei yaongpü nyih am monglongei nyuaokhen je nevaijü ammei lak wong kohshi nyuaokhen je? Ngei, Shembüpai ha etepih, hatü ngei hapa dükhen.

JOEL 1:15

Hapa nyih shingvaishi Onyükei! Mehenangkü Shembüpalei nyih yopailei nyüke; Jeiyong Kahvangi mangtükhen yah-ei peikünyüke.

JOEL 1:6

Shouki jenei kahmük mangtükteke; jom wong kohshi hatü iehen neaoki longi nyüke; jomei bha mailangei bha kei nyüke, hatü mailang chenyülei bhataüm kei nyüke.

JOEL 2:1

Zionlei amit vüngtuh; ngelei daülangpü kahshangei vebaong shemm kaongtuh. Kahmük kü nyupüthü peü kheütuh; mehenangkü Shembüpalei nyih ngoikünyüke; hapa longi yopailei nyüke.

JOEL 2:2

Hapayü vangnyak hatü vang yimpü nyih hük, phumnyaki jümpü shangmang nyih hük vaikahen! Vang mangei kahshangthü banglangpü keiha, longpü, hatü wong kohpü veshanthü kei shouk peikünyüke; Aivang den kao jom mechemao hapakei nenyu, nevaijü ngoikahen denhivan kao hapakei nechongkahen.

JOEL 2:25

Ngei am khüei shompü ngelei veshan longpü, haümei hahpü, khongmü peipü, phaukei daipü, hatü ngaüh-ei hahpü shoukthüi ammei sheili peü hahtükpü nangkü ngei nyokei am kü shemhen.

JOEL 2:31

Shembüpalei nyih longpü, hatü nyempü peishekü, vanghenyü manghdaihen, hatü lennyü iy leidaihen.

JOEL 3:14

Haja dok kü haja Baong Hanpü Kahjilei nyüke! Baong Hanpü Kahjilei Shembüpalei nyih yopailei nyüke.

JOEL 3:16

Shembüpai Zion Kahshang leipü ngüngnyüke, hatü Jerusalem leipü lennyüke; kahdok vangsho kheünyüke. Shejao Shembüpayü laophülei nanglak loishing, hatü Israel nanglakthü sho joshing vaihen.

AMOS 1:2

Amos-i e: Shembüpai Zion Kahshang leipü ngüngnyüke, hatü Jerusalem kübü büpalei ngeü annyüke; mi yombüthülei het ühshing phenha kaudaiteke, Karmel kahshang leipü thüng vandaiteke.

AMOS 5:18

Shembüpalei nyih ongyangpüthü Onyükei! Mehekei ammi Shembüpalei nyih ongyangnya? Hapayü vangngai nevai, vangnyak nyukahen.

AMOS 5:20

Shembüpalei nyih-ü vangngai nevai, vangnyaknyukahen. Hapayü ngaiphapü nevai yimyuipü nyih vaikahen.

OBADIAH 1:15

Jatthü peü khüei Shembüpalei nyih ngoikünyüke. Ammi mih kü dükshuohpükei am kao dükphahen, ammi dükpü douthü ammei shangjingei nyokei leikahen.

NAHUM 1:6

Büpa mongshihjü üpa yaongaokhenang? Büpa nemei-i mongshihpü üpai nenaokhenang? Büpa mongshihpü awlom kei vamnyüke; büpa tou kü yaongnyüthüao bhihla kei nihdainyeih.

MALAKI 3:2

Shejao büpa yiüpü nyih kü üpai munenaokhen, hatü büpa peishingkü üpa yaongaokhen? Mehenangkü büpayü nyiam oukbülei aw kei, hatü ashak dhobülei sapon kei nyukahen.

BHEI-IE 24:23

Balaami hapa tetpüvanpü shah eteke: “Oh mechem Kahvangi hapa dükhenshang, üpa yemmü nyuaokhen?

1 THESALONIKA 4:16

Mehenangkü Shembüpa laophü nyingi vangsho leipü ngeü longpü mü vangsho phongshan longpülei ngeü mü, hatü Kahvangei amit ngeü mü yiükahen, hatü Khrista kü shiyei nyupüthü shongei paohen.

SHAKEI VAMPÜ 18:8

Hanangkü pinnyülei cham nyih cha kü peihen, dipü, theppü hatü shaühile; hatü pinnyü awi hahtükhen, mehenangkü pinnyü kü shahphenpeyü wong kohpü Shembüpa Kahvang.”

SHAKEI VAMPÜ 6:17

Mehenangkü jomei mongshihpü longpü nyih peiteke, hatü üpai hapa khüei yaongaokhen?” shei eteke.