JOEL 2:1 - DAÜLANGPÜ LAIHING (BSI)

¹ Zionlei amit vüngtuh; ngelei daülangpü kahshangei vebaong shemm kaongtuh. Kahmük kü nyupüthü peü kheütuh; mehenangkü Shembüpalei nyih ngoikünyüke; hapa longi yopailei nyüke.

JOEL 2:1 Iomraidhean Croise

1 SHÜPPÜKENGPÜ 15:28

Hanangkü Israel am peüi Shembüpalei Vangpüshuwpü Pela kotü leneiwongei, nyavaung, amit hatü cymbal, lyre hatü harp vüngei anteke.

MENVIH KESHO 119:120

Nüng kü nyempai ngelei büm kheünyüke, hatü ngei nüngei shahphenpü kü nyemnyeih.

MENVIH KESHO 87:1

Shembüpai büpalei chingnyü daülangpü kahshangei chongnyiam lingpeih;

MÜLANGPÜ 10:14

Ijip kahdok kempülei shoukhanbaong peiyei ma, hatü kahmük kempülei bakteke. Hapa keipü shoukhanbaong shelei mechemao nevam, nevaijü hapakei ne-eehen.

ISAIAH 13:6

Theptuh, mehenangkü Shembüpalei nyih yopailei nyüke; hapayü Shembüpai mahpüchahpü koei peipü nyih vaihen.

ISAIAH 13:9

Veituh, Shembüpalei nyih peikünyüke; mongshihpü hatü longi mongmangpü, mangpü nyih peikünyüke; Hapai kahdok lavüngtoiyei leitükhen, hatü haleipü mang shennyakthü mahtükhen.

ISAIAH 2:12

Mehenangkü changmeipü hatü ngei longpeih shei deihpüthü, hatü shaoshi longei aongpüthü khüei Shembüpalei nyih hük nyüpeih, hatü jom peü bhih-ei maantükhen;

ISAIAH 66:2

Hathü douthü kemei ngelei laki lingpeih; hanangkü hathü kemei ngelei shei Shembüpai enyüke. Shejao üpai maanpü leiyei mong lepnya, hatü nyemei ngelei shah bangnya, ngei henüng shennyak lümnyeih.

ISAIAH 66:5

Am üami Shembüpalei shah kü nyemnya, büpalei shah bangtuh: “Ammei jeihinaüthü üami am kü jiühitnya, hatü ngelei men kü amphong laktük hathüi eteke, ‘Hami am mongongpü eehen shingvaishi Shembüpa müknyinshekhanghütuh’ shejao jomphongü veühühen.”

JEREMIAH 16:10

Mechem nüngi hathü shah hapa nanglakthü kü eshuohhen, jomi nüng kü, “Mehekei Shembüpai ham khüei hajük longpü shanghah shuohpa? Hami mehe mang dükpa? Shembüpa, hamei Kahvang khüei mehe mang hami thahpa?” shei ephüjema,

JEREMIAH 16:7

Mahng theppüthü nyiushem meihühen nangkü üpaiyao hahying demei neshuohhen. Üpaiyao nyü vaijao pa vaijao mongmeihen nangkü yinghen meheyao neshuohhen.

JEREMIAH 4:5

Judahlei leneishuoh, Jerusalemei baongeishuoh, Kahmük kempülei amit vüngtuh, wongmü lenei etuh, “Thaikemtuh, hatü penyü showtükpü chingnyü mongei shütuh” shei etuh.

JEREMIAH 5:22

Ngei kü nenyemnyu je? shei Shembüpai enyüke. Nüngi ngei touei nekheünyu je? Ngei yungching kü viongü bhih moni kungtü tuhpeih; lenei neheihhen mü denshing viong lingpeih; yungmoki yung lemei heihjao hapai neaoknyu; jom ngüngjao jomi ha peih-ei neheih-aoknyu.

EZEKIEL 12:23

Hanangkü hathü kü, “Shembüpai hapakei enyüke shei etuh: Ngei hapa kandok shah dohtükhen, hatü Israel kahdok kü hajük kü hapa kandok shah nenoteihen nyihthü yopailei peikünyüke, hatü tetpüvanpü kemei dhaümkahen” shei etuh.

EZEKIEL 21:12

Mong kü tüngei theptuh, Oh shennyak ha; mehenangkü hapayü ngelei nanglak khüei nyüke; Hapayü Israel ongthü khüei nyüke; Jomphongü ngelei nanglakthü mü chemi jühen yepei shüktüknyüke. Hanangkü jaaba kü daüpei theptuh.”

EZEKIEL 30:3

Mehenangkü nyih hük yopailei peikünyüke, Shembüpalei nyih ngoikünyüke; Hapayü phumnyaki jümpü nyih hük, jatthü shingvaishi vongshüh nyih hük vaikahen.

EZEKIEL 33:3

hatü büpai vepa peijapü eeyei nanglakthü hakahen shingvaishi amit vüngjema,

EZEKIEL 33:6

Shejao yombüi vepa peipü eetüktü nanglakthü hakahen amit nevüngjema hatü vepa peiyei jomphong khong kübü hük dangkao mahjema, büpa laophülei mang homei dinyüpeih, shejao büpalei iy yombü leipü yühen.”

EZEKIEL 7:10

Veituh, hapa nyih peiteke! Lomoh-aühaühen ngaiheyei vamteke. Üpteilenteipü madaiteke, changmeileüpüpü vangsho kü shongdaiteke.

EZEKIEL 7:12

Hepak ngoiteke, nyih yopailei nyüke; shakhahpü amao mongteong nevaijü yupü amao mongtemei; mehenangkü Kahvangei hanghi shennyak peü kü peikahen.

DANIEL 6:26

Ngei hapa shahkungnyü yannyüpeih; ngelei ong ongching kü nyupü nanglak peü Danielei Kahvang kü nyemtuh hatü dhüm shuohtuh: ‘Mehenangkü büpayü vanyangyem Kahvang nyüke, hatü büpai denden vanglem lemkahen; Büpalei ongching mechemao nemahhen, büpa vanglem lempü dohpütenpü neshiüküpih.’

DANIEL 9:16

Oh Shembüpa, peihdaipü hepak kü nüngi dükpü daülangpü douthü keiha, nüngi Jerusalem chingnyü kü, nüngei daülangpü kahshang kü hamei mang hatü bühipa ami pungpü nangkü nüng mongshihpü yahlangshihma. Mehenangkü hami mang thahpü nangkü chingyowyüpi jatthü touei ham hai dangteke.

DANIEL 9:20

Mechem ngei shah eyei, phopei, ngelei mang hatü ngelei nanglakthülei mang lah-ei, hatü Shembüpa, ngelei Kahvang kü büpalei daülangpü Phopshem nangkü ngei phopei nyupa,

HOSEA 5:8

Gibeahlei vehok amit vüngtuh, Ramahlei veshemm kaongtuh. Beth-Avenlei men dhüngtuh, thepju kü heihtuh, Oh Benjamin.

HOSEA 8:1

Shembüpai enyüke, “Amit vüngtuh! Alang kei vepathü Shembüpalei phopshemei laongkünyüke; Mehenangkü ngelei nanglakthüi vangteipü mangtük, hatü ngelei shahkung khüei yaongteke.”

JOEL 1:15

Hapa nyih shingvaishi Onyükei! Mehenangkü Shembüpalei nyih yopailei nyüke; Jeiyong Kahvangi mangtükhen yah-ei peikünyüke.

JOEL 2:11

Shembüpai vangmuk kei büpalei veshanthü kü enyüke; büpai epü bangpü veshanthü iejü ieyei nekemi hatü wong kohshi nyüke. Shembüpalei nyih longshi; hayü nyemshi nyüke; Üpai ha munenaokhen?

JOEL 2:15

Zionlei amit vüngtuh; daülangpü thaihiyu hük nyüktuh.

JOEL 2:31

Shembüpalei nyih longpü, hatü nyempü peishekü, vanghenyü manghdaihen, hatü lennyü iy leidaihen.

JOEL 3:14

Haja dok kü haja Baong Hanpü Kahjilei nyüke! Baong Hanpü Kahjilei Shembüpalei nyih yopailei nyüke.

JOEL 3:17

Hanangkü ngeiyü Shembüpa, ammei Kahvang, Zion, ngelei daülangpü kahshangei nyunyeih shei ammi nyinghen, hatü Jerusalemü daülangpü shing vaihen, hatü kong ami hajük kü ha ching nehahhen.

AMOS 3:6

Mechem vebaong shemm kaonghenshang, nanglakthü nenyemnyu hiang? Shembüpai neshompheikü chingnyü hük kü vongshüh peinyu hiang?

AMOS 5:18

Shembüpalei nyih ongyangpüthü Onyükei! Mehekei ammi Shembüpalei nyih ongyangnya? Hapayü vangngai nevai, vangnyak nyukahen.

AMOS 8:2

Shembüpai ngei kü, “Amos, nüngi mehe eenyüke?” shei phe, hatü ngei, “Betjükshüm mühdow hük eenyüke” shei e. Hahepak kü Shembüpai ngei kü, “Ngelei nanglak Israel am shingvaishi dohpü ngoikünyüke; Hajük kü ngei jom neyangpih.

OBADIAH 1:15

Jatthü peü khüei Shembüpalei nyih ngoikünyüke. Ammi mih kü dükshuohpükei am kao dükphahen, ammi dükpü douthü ammei shangjingei nyokei leikahen.

ZEPHANIAH 1:14

Shembüpalei nyih longpü yopailei nyüke, yopai-i hatü lomi peikünyüke. Bangtuh! Shembüpalei nyih kü theppeyü shahyaki nyukahen. Ha nyih wong kohpü veshanthüiyao nyempai thephen.

ZEPHANIAH 1:16

Penyü showtükpü chingnyüthü, hatü veyomdü khüei amit vüngpü, hatü veshanthü hok chengpü nyih hük vaikahen.

ZEPHANIAH 1:7

Shembüpa tou kü nenmü nyutuh; mehenangkü Shembüpai shahphenhen nyih ngoikünyüke. Shembüpai jakpü moila shuohhen temnyüke; büpai laophülei nanglakthü ha kü jakhen.

ZEPHANIAH 3:11

Hapa nyih, ammi ngei kü nejiüpü dükpü nangkü amneveühüpih; mehenangkü amphong khong kübü changmeipüthü ngei changtükhen. Hajük kü am ngelei daülangpü kahshangei nechangmeihen.

ZEKHARIAH 14:1

Veituh, Shembüpalei nyih peikünyüke; am leipü aetpüshepü douthü ammei müki eeshi hanteikahen.

ZEKHARIAH 8:3

Shembüpai hapakei enyüke: “Ngei Zionlei nyokei leihen hatü halei nyuhen; Jerusalem kü shahhing chingnyü shei nyükhen, hatü Jeiyong Shembüpalei kahshang kü daülangpü kahshang shei nyükhen.

MALAKI 4:1

Veituh, hingmei changmeipüthü hatü douten dükpüthü peü aw kü hahtang kei jaktükhen nyih ngoikünyüke; hapa nyih jom peü tünglang hatü kaohilakao ne-ao-i jaktükhen shei Shembüpa Kahvangi enyüke.

BHEI-IE 10:2

“Ngin dhüngei amit nyi shüktuh, hatü nanglakthü nyükei thaihen hatü baümtap chaiyei daihen shingvaishi hathü noteituh.

BHEI-IE 10:3

Mechem amit nyiphen luangi vünghenshang, Israel am khong peü nüng touei ashakshem shadenei thaihen,

1 KORINT 14:8

Amit ngeü lekei nevüngjema, üpai vehokei daihen temhen?

PHILIPPI 2:12

Hanangkü ngei bampüthü, ngei nyushi mon nevai, ngei neshiüpü hepak kü nyeishi ammi düngei ngelei shah bangpükei nyemei kheüei laophülei yemleipü düklangtuh;

1 THESALONIKA 5:2

mehenangkü Shembüpalei nyih-ü yanüng gühpa hük peipü keiha peikahen shei ammi meishi nyingei nyüke.

JAKOB 5:8

Amao munentuh. Ammei mong wong kohtuh; mehenangkü Shembüpa peikahen yopailei nyüke.

1 PETER 4:7

Dou peü dohhen yopailei nyüke; hanangkü ammi phoppü men kü am nyingi kenhingei ungei-aeiyei nyutuh.

SHAKEI VAMPÜ 6:17

Mehenangkü jomei mongshihpü longpü nyih peiteke, hatü üpai hapa khüei yaongaokhen?” shei eteke.