JOEL 1:9 - DAÜLANGPÜ LAIHING (BSI)

⁹ Shembüpalei phopshem leipü hahying moila, hatü yiü moila dohdaipü nangkü, Shembüpa chongphopü ngongpathüi mahng thepnyüke.

JOEL 1:9 Iomraidhean Croise

2 SHÜPPÜKENGPÜ 13:10

“Ham shingvaishi Shembüpayü hamei Kahvang, hatü hami büpa neyakphong. Shembüpa chongphopüthüyü Aaronei hühihathü, ha kü Levi ami sheühnyeih.

MÜLANGPÜ 28:1

Israel am khong kübü ngei shing ngongdou dükhen shingvaishi anjei Aaron hatü chehathü Nadab, Abihu, Eleazar, hatü Ithamar hathü nyükei nüng touei peihütuh.

ISAIAH 61:6

Shejao amphong keyü Shembüpalei ngongpathü shei nyükhen, hatü jenei Kahvang chongphobüthü shei menhen. Ammi jatthülei mopi mohmeihen, hatü jomei nükhinyiami am changmeihen.

YOUNG LAI 1:16

Hanangkü ngei youngnyüpeih; ngelei mük kü mükphi yennyüpeih. Ngei nyiushem meihühen, ngei mongyanghühen üpayao neshiü; Ngelei hapeüthü lakkong nyüke; Mehenangkü vepathüi aoklangteke.

YOUNG LAI 1:4

Zionlei aongpü lemnyüao youngteke; Mehenangkü üpaiyao hapa lemnyü kü mohitap kao nelingleinyu. Pinnyülei penyüsha vüngmaki küpdai, haleipü ngongpathüao youngnyüke; haleipü nelathüao mongshangnyüke, hatü pinnyü-ü shahyakpü mongshang kü nyüke.

HOSEA 9:4

Jomi Shembüpa kü yiü moila neshuohhen, nevaijü moila koei nepeiaokhen. Hakeipü moilayü jom shingvaishi mangh kü jeetükpü hahying kei nyuhen; Hapa hahpüthü peü nedaü-i leihen. Hapa hahyingü jom shingvaishi mon chongkahen, hapa Shembüpalei phopshemei noei nepeikahen.

JOEL 1:13

Dhoila ashak ümtuh hatü theptuh, Oh ngongpathü; youngtuh, am moidülei chongphopüthü. Peikei, vangnyak dhoila ashak ümtü phoptuh, amphong ngelei Kahvang chongphopüthü; Mehenangkü Shembüpalei phopshem kübü hahying, hatü yiü moila shümlangteke.

JOEL 1:16

Jenei müki eeshi hahying, hatü jenei Kahvangei phopshem kübü mongongmongle nedohdaiangpü je?

JOEL 2:14

Üpai nyingpa, büpa mong leiyei Shembüpa, ammei Kahvang kü hahying, hatü yiü moila shuohhen am kü moihiman changshi yahphahen aokpeih.

JOEL 2:17

Shembüpa chongphopü ngongpathüi phopshem shakung hatü moidü aa kü theptuh. Jomi, “Oh Shembüpa, nüngei nanglakthü yangtuh” sheiehütuh. Nüngi nüngei nanglakthü kü mih jatthüi ne-ienelemhen mü tetuhphong. Lebü shennyakthüi, “Ammei Kahvang melei nyüpa?” shei mehekei ehühen?