JOEL 1:7 - DAÜLANGPÜ LAIHING (BSI)

⁷ Hathüi ngelei nyalingngupai kah kowtük, hatü ngelei adhapüthü peü jangtükteke. Hathüi püshuw ngaüh-ei hahtük, hatü pükaobüm mon shotoh-i tuhphongteke.

JOEL 1:7 Iomraidhean Croise

MENVIH KESHO 105:33

Büpai jomei nyalingngupai, hatü adhapüthü mangtük, hatü jomei kahmük kübü püthü tentük.

MÜLANGPÜ 10:14

Ijip kahdok kempülei shoukhanbaong peiyei ma, hatü kahmük kempülei bakteke. Hapa keipü shoukhanbaong shelei mechemao nevam, nevaijü hapakei ne-eehen.

MÜLANGPÜ 10:15

Kahdokao manghshi shoukhanbaongi jüm, hatü shüyaongi mangtü aopü kahmük kübü pühivung hatü betjükvungjük kemei hathüi hahtükkem; Ijip kahdok kemeilei meheyao phenha vunglak ne-ao, hatü kahmük kü pühivung neshiüi hahtükkem.

ISAIAH 24:7

Yiüao vandai, nyalingngupaiyao üdai, mongongpü mongdang peü mongmangdaiteke.

ISAIAH 32:12

Nyalingngupai kah kü betjük nejükpü nangkü jaaba kü daüptuh;

ISAIAH 5:6

Ngei hapa shingü lavüngtoiyei yakphonghen, üpaiyao phenha nedakhen nevaijü kah nelinghen, Shejao hapa shingkü hühhihang mon kohhühen; hapa shing kü vang nekeihen ngei phum kü ngeükhüam shuohhen.

JEREMIAH 8:13

Nyalingngupai vaümpükei ngei jom thaiyei leilanghüei deihpeih, shejao nyalingngupai kü betjük neshiü, nevaijü adhapü kü adhajük neshiü; lak dangkao kaudaitü nyu; hanangkü ngei mehe jom kü shuoh, hayü jom leipü yahlangpeih.

HOSEA 2:12

“Ngelei maithüi yahphopeih shei pinnyüi epü nyalingngupai kah, hatü adhapüthü peü ngei mahtükhen, hatü ha phaükong leitükhen, hatü phaüyemthüi hahtükhen.

JOEL 1:12

Nyalingngupai vü vandai, hatü adhapüthü kaudai; Pomegranat, palm hatü apple kah kübü betjük peü didaiteke. Hingmei, shennyakthülei mongong mongle mahdaiteke.

AMOS 4:9

Ngei ammei pe hatü nyalingngupai kahthü chami jütükteke; shoukhanbaongi ammei adhapü, hatü olive püthü hahtükteke, shejao am ngei touei mong nelep shei Shembüpai enyüke.

HABAKKUK 3:17

Adhapü kü betjük nejükjao, hatü nyalingngupai kü betjük nejükjao; Olive pü kü betjük nejüklangmao, hatü kahdoki hahying nevamphüjao; mi khaok kü mi neshiülangmao, hatü mohoh khaok kü mohoh nenyulangmao;

MALAKI 3:11

Yemhimaki ammei sheilivungla mangtükhen kübü ngei yangei tuhphahen, hatü ammei nyalingngupai kah kübü betjük niha mü nekaongdaipih shei Shembüpa Kahvangi enyüke.