JEREMIAH 26:3 - DAÜLANGPÜ LAIHING (BSI)

³ Üpai nyingpa, jomi ha bangei jom peü laophülei mang lem kübü mong lephen aokpeih. Shejema jomi dükpü mang nangkü ngei jom shangkü koei peihen shei tempü shanghah kübü ngei mong yeiyahen.

JEREMIAH 26:3 Iomraidhean Croise

1 ONGPATHÜ 21:27

Mechem Ahabi hathü shah danpa, büpai laophülei ashak shaaktüktü bümbai dhoila ashak ümtü shüaeiyungleteke. Büpai dhoila ashak ümtü shi, hatü mongshangei dhe yimdaitü nyu.

1 ONGPATHÜ 21:29

“Mekei Ahabi ngei touei maanpü leipa, ha nüngi nyingla? Büpai ngei touei maanpü leipü nangkü büpalei den kü ngei hapa shanghah neshuohpih, shejao ngei ha shanghah chehathülei shemong kü shuohhen” shei e.

JEREMIAH 26:13

Hanangkü shaang ammei lemthü hatü dükhiling yeiyatuh, hatü Shembüpa, ammei Kahvangei shah bangtuh. Shejüang am khüei Shembüpai shuohhen epü shanghah vongshüh neshuoh-i mong yeiyadaihen.

JEREMIAH 26:19

Judah am Hezekiah ongpa nevaijü Judah ami ha tata kü Mikah jüla? Hezekiah-i Shembüpa kü nenyem hatü büpa bampü neyemangpü je? Büpai koei peihen shei jom khüei epü shanghah vongshüh neshuohhen Shembüpalei mong neyeiyaangpü je? Shejao jeni jen nyingkü shanghah vongshüh koei peihahnyu khih!

JEREMIAH 36:3

Üpai nyingpa, mechem Judah ami ngei jom kü shuohhen shei tempü shanghah jung danhenshang, jom peüi jomei mang lemthü kübü mong lephen aokpeih; hapakei vaijema ngei jomei mang hatü jomi shaitükpü mang peü tükhen.”

JEREMIAH 36:7

Üpai nyingpa, Shembüpalei mongshih longpü hapa nanglak khüei shuohhen shei baongpü nangkü jomi Shembüpa touei mang lah-ei jom mang lem kübü mong lepei leikahen aokpeih” shei e.

EZEKIEL 12:3

Mehenangkü jomü dokteikhaungkheipü nanglakthü khih. Hanangkü shennyak ha, wüpküpei daihen hanggo temtuh, hatü jomi eeshi nyihnüng nüng wüpküpei dainyu keiha shing hük kübü shing hükei jomi eeshi daituh. Dokteikhaungkheipü jatli vaijao üpai nyingpa, jomi ha nyinghen aokpeih.

EZEKIEL 18:21

Shejao mang shennyak hük laophüi dükpü mang peü kübü mong lepei leiyei ngelei shahkungthü dükei, mehe shahhing hatü jiüpa, ha dükjema, hingmei hapa shennyakü nedi-i yemmü nyuhen.

HOSEA 11:9

Ngei ahshi mongshihpai ngei ne-yei Ephraim am nemahtükpih; Mehenangkü ngeiyü Kahvang, shennyak nevaipih. Ngeiyü am mü nyupü Daülangpü Kahvang hih. Ngei am touei mongshih-ei nepeiküpeih.

JOEL 2:14

Üpai nyingpa, büpa mong leiyei Shembüpa, ammei Kahvang kü hahying, hatü yiü moila shuohhen am kü moihiman changshi yahphahen aokpeih.

JONAH 4:2

Büpai Shembüpa kü, “Oh Shembüpa, ngei shem leipü layaonghinüng hapakei dükküshasha hih shei ngei epü ha nevaiang je? Hanangkü ngei shüshülangi Tarshish lemei lüdaipeih. Nüngü phahjipü hatü yahyang shinshangpü Kahvang, mongshihhen youngmü, hatü bampü kü bhashahshi, shangpong yakying shomhen kübüao mang tükpü Kahvang shei ngei nying.