JEREMIAH 2:3 - DAÜLANGPÜ LAIHING (BSI)

³ Israel amü Shembüpa kü daülangpü, shongpü betjük nyuhampeih. Üami hapa hah, mang thahteke, hatü jom kü shanghah peihampeih shei Shembüpai enyüke.

JEREMIAH 2:3 Iomraidhean Croise

MÜLANGPÜ 22:29

Nepheidai-i hepak jiüshi ammei puongmong kübü hahying hatü olive mainga moila shuohtuh. Ngei kü ammei hashongpathü moila shuohtuh.

MÜLANGPÜ 23:16

Ammei kah kü sheipü shongpü betjük vetei ammi Hatvet Mo motuh. Ammi kah kü sheipü betjük thailangkempheikü vangbong dohpülei Bang Mo motuh.

ISAIAH 41:11

Üami am khüei yaongnya, hingmei mü veü ponghen, hatü lomohhen; Üami am khüei hoknya, mahhen hatü kong leidaihen.

ISAIAH 47:6

Ngei ngelei nanglakthü kü mongshih-ei nyupeih; Ngelei mükjüpao nevaipükei ngei jom yakphongpeih; Ngei ammei lak kü jom shuohpeih, shejao amphongi jom kü phahji nehu; Viünyü viüpa kao ammi hanggovih kohüpeih.

JEREMIAH 12:14

Ngei ngelei nanglak Israel am kü shuohpü kahdok mangtükpü Israel amei chingyowthü kü Shembüpai ha enyüke: Ngei jomphong jomei kahdok leipü bhitükhen hatü jom toueipü Judah am yanglanghen,

JEREMIAH 2:4

Shembüpalei shah bangtuh, Oh Jakob am shem, hatü Israel am phangthü kemei.

JEREMIAH 30:16

Shejao üami am lühtükpa jomao lühtükhen, hatü ammei vepathü jom peü wüpküpei daihen. Üami am leipü aeteishepa jom kao aeteishehen, hatü üami am kü shüvei, jom kao shüveihen.

JEREMIAH 50:7

Üami jom heü, hathüi jom lühtükpeih; jomei vepathüi, “Hami pungpü nevai; mehenangkü jomü Shembüpa, hingshangpü jomei phenni, jomei bühipai monglempü Shembüpa khüei mang thahpeih” shei eteke.

JOEL 1:3

Ammei hapeüthü kü hapa jung eyeishuoh; jomi jomei hapeüthü kü ehen, shao jomei hühihathü kü ehen.

AMOS 6:1

Zionlei mong hüshemei nyupüthü, hatü Samaria kahshang kü mong nyaangpüthü, jatthü khongkü shongpü hamhiman vamshing, üam touei Israel nanglakthüi sheühpü yemei peinya, Onyükei!

HABAKKUK 1:11

Jomü vanglüki kei maoei lüdainyüke, jom mang thahnyüke, hatü nejiüi leinyüke; jomei wongü jomei kahvang leitüknyüke.

ZEKHARIAH 1:15

Shejao ngei nyüshulüki nyupü jatthü kü ahshi-üng mongshihnyüke. Mechem ngei maani mon mongshih-ei nyupa, jomi hanghi nyeinya nemeipüba vamhüpeih.”

ZEKHARIAH 2:8

Üpai am kü hongtepa, büpai ngelei mük kü hongteke. Hanangkü Jeiyong Kahvangi büpalei nanglak kü aetpüshepü jatthü touei hapa shahjang koei ngei shomteke.

BHEI-IE 18:12

Israel ami Shembüpa kü shuohpü peü mü meipü olive mainga, yiüja hatü hahying jomi shongei vaümpü betjük, ha ngei nüng kü shuohpeih.

ROM SHAHSHA APPÜ 11:16

Shongpü hahying kübü aan moila daülangpü vaijema, aopü aan kemei daülangpü nyüke; hatü tünglang daülangpü vaijema kaothüao daülangi nyüke.

ROM SHAHSHA APPÜ 16:5

Jomei shemei nyupü attoi am kao selam ete. Asia kü Khrista touei shongei mong leppü ngei kenpü Epaenetus kü selam ete.

EPHESIA 1:4

Mehenangkü büpai kahdoknyü lingshekü büpa touei daülangi hatü eela neshiüi bampü kü nyuhen shingvaishi jen jepeih.

SHAHKÜP 14:2

mehenangkü amphongü Shembüpa tou kü daülangpü nanglakthü nyüke. Kahdok shak kübü hangkuli peü khongkü Shembüpai amphongü büpa lompü vaihen jepeih.

SHAHKÜP 26:19

Büpai lingpü lebü jatthü peü shak kü büpai amphong vihpülüpü, menmei hatü dhüm kü tuhhen hatü Shembüpa, ammei Kahvangi lahpükei amphongü büpa lompü daülangpü nanglak vaihen.

SHAHKÜP 7:6

Mehenangkü amphongü Shembüpa, ammei Kahvang touei daülangpü nanglakthü nyüke. Shembüpa, ammei Kahvangi kahdok shak kü nyupü hangkuli peü mü amphongü büpalei lompü hayaoha nanglak vaihen jelangpeih.

JAKOB 1:18

Jenphong büpai lingpü peü mü shongpü betjük leihen shingvaishi büpalei mükhong jiühüei büpai jen shahhing shah-i bühpeih.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

SHAKEI VAMPÜ 14:4

Jomphongü nyüha mü nesheihpüthü; mehenangkü jom daüeilangei nyu; jomi Mi Cheha melei dai, halei müei dainyüke. Jomphongü hangku khong kübü Kahvang hatü Mi Cheha shingvaishi angei leilangpü shongpü betjükthü nyuteke,