JAKOB 5:5 - DAÜLANGPÜ LAIHING (BSI)

⁵ Amphongü kahdoknyülei hüshemei mongong kü nyuteke; mohitap kü jühen tuhpü yem keiha am nyingi nitshüh-i leiteke.

JAKOB 5:5 Iomraidhean Croise

MENVIH KESHO 17:14

Oh Shembüpa, nüngei laki henüng keipü shennyakthü kübü, hapa yangnyu kü mon laklei danghen kahdoknyü shennyakthü kübü nüngi ngei yangtuh. Nüngi jom shing jaoei tuhpü hanghi-i jom hanghihütuh; Jomei hapeüthü shing changei nyeishi; hüpeüthü shingao aoei tuh-eishuoh.

MENVIH KESHO 73:7

Jomei mongdang leipü ten bhuei vamnyüke; hatü küpjan nemeipü tempai jomei sholi nekongi nyunyüke.

KANDOK 17:1

Shem hük kü depülaopai maei mohitap leimeyü, mongongshi chingmeivangmei kü aanvan hahtü nyupü-üng meipüba.

KANDOK 7:14

“Shinnyih ngei shemei mongjempü moila shuohnyüpeih, ngei lahtükpü shinnyih düknyüpeih.

CHONGVENBÜ 11:9

Oh themei, lamei, nüngei thehila nyihthü kü mongongtuh, hatü thehila hepak kü nüngei mong mongonghütuh. Nüngei mongi lümpü lem kü kamtuh, hatü nüngei mük kü meipü düktuh, shejao hathü dou lemphü kü Kahvangi nüng shahphen shingei müei deihen shei deih-ei dangtuh.

ISAIAH 22:13

Shejao ha nangjeiyei mohoh, hatü mi jütü hahyingei, yiü yingei mongongmongleyei moeitapei, ‘Jeni hahshah, yingshah, jen ngenyih didaihen’ ” shei eteke.

ISAIAH 3:16

Shembüpai enyüke: “Zion nelathü aung neleipü nangkü, hatü üng domei domei veishi mükmo moei, ownyülangha bongmü, lüngnyü lüngha bongmü lakdük lateen kü kling klang mü longteipü nangkü;

ISAIAH 47:8

Hanangkü shaang ha bangtuh, am mongongmongle bampüthü; lakbowlayangei uotü mongei, “Ngei mon, hatü ngei mü lenei lebü üpayao neshiü. Ngei mechemao vaümnyü leiyei, nevaijü hühiha lomohdaipeih” shei nenyupih shei enyüke.

ISAIAH 56:12

“Peikei, yiü yemei leishah! jen peüi yiü chokshi yingshah! Ngenyih-ü shinnyihpü kei-üng chongkahen, ha mao meipüba chongkahen” shei peüi enyüke.

JEREMIAH 12:3

Shejao Oh Shembüpa, nüngi ngei nyingnyeih; Nüngi ngei kü veishih, hatü doktuh– ngelei mongdang nüng mü nyüpeih. Jühen mithü kei jom shüei ngaituh, hatü jühen nyih shingvaishi hayaoha khaatei tuhtuh.

JEREMIAH 25:34

Theptuh hatü youngtuh am mi yombüthü; bhihla kü duteituh, am mi khong müpüthü. Mehenangkü am jühen hepak ngoiteke; am dohen hatü dükbhaok haipükei haidaihen.

EZEKIEL 16:49

Anaü Sodom amei mangü hapa nyupeih: Pinnyü hatü pinnyülei yiükhathüyü changmeiyei moh-ei hahtü taopathü hanghipü kü neveihampeih.

EZEKIEL 39:17

“Shennyak ha, Shembüpa Kahvangi hapakei enyüke: Ouhiyüh hatü phaüyemthü peü kü nyüktuh: Israel kahshangthü kü ngei jakpü moila longpü am shingvaishi tempü hapa moila shingei peü lemeipü thaitü chemi peikei. Halei ammi phai hahhen hatü iy yinghen.

AMOS 6:1

Zionlei mong hüshemei nyupüthü, hatü Samaria kahshang kü mong nyaangpüthü, jatthü khongkü shongpü hamhiman vamshing, üam touei Israel nanglakthüi sheühpü yemei peinya, Onyükei!

LUK SHAHSHA APPÜ 16:19

Chem shemmeipa hük manghmepü ow, hatü nyemin ashak owtü nyihjeih mo moei mongongshi nyu,

LUK SHAHSHA APPÜ 16:25

Shejao Abrahami e, “Hapeü, nüng yemmü nyushingkü nüngi nüngei heanmei dangpü deihtuh, hatü Lazari nemeipü hean dangpeih. Shejao shaang büpa nyiushemmei kü nyüke, hatü nüngü hanghi kü nyüke,

ROM SHAHSHA APPÜ 13:13

jeni vangngai kü keiha deiaei meipü kü nyushah; hahngayungpe hatü nükchokyiümok nevai; mükbongjuyung hatü phai mongongmongle nevai; dehilao hatü mükhakmongyung nevai.

1 TIMOTI 5:6

shejao vaümnyü üpai phai mongonghen shingvaishi nyunya, pinnyü-ü yemmü nyujao mahngchang khih.

2 TIMOTI 3:4

vaipü kübü yandaipü, jiüjiükei dükpü, awdapü, Kahvang kü bamhen nangjei mongongmongle kü bampü,

2 PETER 2:13

Jomi nejiüpü dükpü nangkü jomao shanghahnyüke. Nyihnüng mongong monglehenü mong hambenüng shei jomi deihnyüke. Ammei mohitap kü jom hahyingei mongmeipeyü veübenüng hatü kawhikang nyüke.

JUD SHAHSHA APPÜ 1:12

Jomü ammei bambhaong kü kawhikang; maaniyao nenyemi am mü hahyingnyüke; jom mon moh-ei hahpü miyombüthü nyüke. Jomphongü vanglüki maoei deilangpü vang neompü phum; jomü bhitükpü betjük nejükpü ünyüdok pü, nyipa didaipü.

SHAKEI VAMPÜ 18:7

Pinnyü laophü nyingi duhah-ei, hatü nyiumei kü nyupükei pinnyü kü hanghi mongshang yah-eishuoh. Pinnyülei mongei pinnyüi, ‘Ngei onglanyü kei vanglem lemnyeih, ngeiyü vaümnyü nevai, hatü ngei mongshang mechemao nepongpih’ shei enyüke.

1 SAMUEL 25:36

Mechem Abigaili Nabal yemei leijapa, büpayü shemei ongpa kei moei chongjateke. Büpayü yiüi chokdaitü mongnyü mongha ongshi chongjateke, hanangkü pinnyüi büpa kü vang mangngai thahshi meheyao ne-eshuoh.

1 SAMUEL 25:6

Büpa kü, “Nüng yangnyu shoshoshi nyutuh! Nüng hatü am shem mü chingmei nyiushemmei nyutuh hatü nüngi angpü lemphü kü moihiman nyutuh! shei eyeishuoh.