JAKOB 5:3 - DAÜLANGPÜ LAIHING (BSI)

³ Ammei hon hi ngin kü diü hetdaiteke, hatü hathü diü am khüei denpü nyuhen, hatü hapai awi kei ammei phai hahtükhen. Ammi dohpü nyihthü shing mop jaoei tuhteke.

JAKOB 5:3 Iomraidhean Croise

KAHBHAO 31:48

Labani, “Shinnyih hapayü ji aa kü denpü yaong khong” shei e. Hanangkü hapa kü Galeed shei men.

KAHBHAO 31:52

Hapa yaong khong hatü shemnyü-ü denpü hük; ngei hapa yaong peih-ei nüng mü hoknüng neheihhen, hatü nüngiyao hapa yaong peih-ei ngei mü hoknüng neheihhen.

KAHBHAO 49:1

Hapheikü Jakobi chehathü peü kü nyüktü, “Ngei shonei thaikei, hatü ngei ngoikahen nyih kü mehe vamkahen ngei ha amphong kü ephüshah” shei e.

JOB SHAHSHA APPÜ 16:8

Nüngi ngei yepei shatükteke, hatü hapayü peüi eeshi denpü leidaiteke; ngei koihdaipeyü ngei nang denpü khih.

ISAIAH 2:2

Ngoikahen nyihthü kü Shembüpalei shem nyupü kahshangü, kahshangthü peü mü shaopü vaihen; hatü shangchingthü peü mü shaopüba longei anshihhen, hatü jatthü peü yung yenpükei halei peihen.

JEREMIAH 19:9

Ngei jomi laophülei hapeüthülei phai hahhühen, hatü jom jühen yempü vepathüi ching shümlangpü hepak kü jom hüki hükei phai hahhen.

MIKA 3:3

Ammi ngelei nanglakthülei phai hahnyüke, hatü jomei shuw nyiuknyüke, hatü jomei vang khih mü nihtüknyüke, hatü haodük leipü phaiphukei khih mü dehtüknyüke.

MIKA 4:1

Dohpü nyih kü hapa vamkahen: Hakei-üng Shembüpalei phopshem kahshangü peü mü shaopü kahshang leihen; Kahshangthü peü khongkü shaoshi linghen, hatü shennyakthü halei bhümei shühen.

PHONGSHANTHÜ DOU 2:17

Dohpü nyihthü kü hapakei nyuhen shei Kahvangi enyüke: ‘Ngei nanglak peü kü ngelei Laangha khüpshuohhen, ammei yiükha yeshangthüi teteivanhen; nethethüi manghkhang eehen, hatü behethüi mangh manghhen.

ROM SHAHSHA APPÜ 2:5

Shejao mechem Kahvangei shahhing shahphenpü shakei vamhen, vaanpü hatü mong neleppü mongdangi mongshihpü nyih shingvaishi ammi laophü shing mongshih jaoei tuhhahnyüke.

2 TIMOTI 2:17

hatü jomei shah-ü maten kei daei daikahen. Hathü khongkü Hymenaeus hatü Philetus nyi nyüke;

JOSHUA 24:27

Joshua-i nanglakthü peü kü, “Veituh, hapa yaongü jen kü denpü hük. Shembüpai jen kü epü shahthü kemei hapai danteke. Ammi Kahvang kü hingnelemjema hapayü jen kü denpü hük vaikahen” shei e.

2 PETER 3:3

Shongpüba kü ammi ha nyingtuh; dohpü nyih kü yaüpülungpüthü mih kü yaüei hatü jomei iyjeiphailei kü nyupüthü peikahen,

SHAKEI VAMPÜ 17:16

hatü nüngi eepü vaung an, jomphong hatü yemhai hapa büm yupü nyüha kü jiühithen; jomi pinnyü lavüngtoiyei bümkong tuhhen; jomi pinnyülei phai hahtükhen hatü aw kü jaktükhen.

SHAKEI VAMPÜ 20:15

Hapa yangnyu laitap kü men nyangei nenyupüthü hapa aw shemyungei shüktükteke.

SHAKEI VAMPÜ 21:8

Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”