JAKOB 4:6 - DAÜLANGPÜ LAIHING (BSI)

⁶ Shejao büpai phahji nyeinya shuohnyeih; hanangkü Laihingi enyüke: “Kahvangi changmeipüthü khünyeih, shejao nenteiaokpüthü kü phahji shuohnyeih.”

JAKOB 4:6 Iomraidhean Croise

2 SHÜPPÜKENGPÜ 32:26

Shomshi Hezekiah hatü Jerusalem nanglakthüi jom changmeipü nangkü maanpü lei; hanangkü Hezekiahlei nyih kü Shembüpa mongshihpü jom kü nepei.

2 SHÜPPÜKENGPÜ 33:12

Büpa shanghahpü nangkü büpai Shembüpa büpalei Kahvangei dhe yem, hatü chebü chepalei Kahvang touei longi maanpü lei.

2 SHÜPPÜKENGPÜ 33:19

Büpai phoppü, hatü mekei Kahvangi büpai phoppü yahpa, büpalei mang peü hatü büpa hingnelempü, hatü büpa mong lep shekü vaümchongthü hatü Asherah nyüha kahvangei lajeithü hatü lebü lajeithü lingei tuhpa, hathü kemei thibüthülei laitap kü nyangei nyüke.

2 SHÜPPÜKENGPÜ 33:23

Shejao chepa Manasseh-i mong leppü keiha büpa Shembüpa touei mong lepei nelei; Amoni mang nyeinya thah.

2 SHÜPPÜKENGPÜ 34:27

nüngi hapa shing hatü haleipü nanglakthü nangkü nüng mong lepei Kahvang touei maanpü leipü nangkü; nüngi maanpü leiyei nüngei ashakviha shaakei ngei touei theppü nangkü ngeiyao nüngi phoppü dantepih shei Shembüpai enyüke.

JOB SHAHSHA APPÜ 22:29

Mehenangkü Kahvangi changmeipüthü bhihhah yungyinghünyeih, shejao maanpü leipüthü büpai yangnyüpeih.

MENVIH KESHO 138:6

Shembüpayü longi shaopülei nyujao, büpai phangpa kü nyupüthü kü veinyeih. Shejao changmeipü am kü büpai tai leipü veinyeih.

MENVIH KESHO 9:12

Büpai iy yenshi bhüh yemhahpüthü deih-ei dangnyüpeih; büpai bonghahpüthü lenpü nebetüknyih.

MÜLANGPÜ 18:11

Shaang, Shembüpayü lebü kahvangthü peü khongkü longpüpa shei ngei nyingteke; mehenangkü mechem Ijip ami Israel am kü naamei dükpa, büpai nanglakthü Ijip am lak kübü yangpeih” shei e,

KANDOK 15:33

Shembüpa kü nyempai shennyak hük kü kihikon nyuhnyüke, hatü dhüm dangshekü nenteiaokpü peinyüke.

KANDOK 18:12

Lomoh mangpong shekü shennyakei mongkü changmeiyei deihnyeih; shejao nenteiaokpüthü kü dhüm shuohnyüpeih.

KANDOK 22:4

Nenteiaokpü hatü Shembüpa nyempülei thintho-ü mop, dhüm, hatü yangnyuyem nyüke.

KANDOK 29:23

Shennyak hük changmeipai laophü-üng vünyüpeih, shejao maanpü leipü shennyaki dhüm dangnyüpeih.

KANDOK 3:34

Changmeiyei naamshah epüthü kü büpai naamnyüpeih; shejao nenteiaokpüthü kü phahji yahyang hunyüpeih.

ISAIAH 2:17

Shennyakthü bhongeingampü dohtükhen, hatü hangku changmeipü bhih-ei maantükhen. Hapa nyih Shembüpa mon longei anshihhen.

ISAIAH 54:7

Shohük shingvaishi ngei am tuhphongpeih, shejao phahji yahyang longpai ngei am müei leihen.

ISAIAH 57:15

Peü mü shopü hatü daülangpü Kahvang, üpa denden kü nyu, hatü büpalei men daülangpü, büpai hapakei enyüke: “Ngeiyü shaopü hatü daülangpü shingei nyuhen, shejao maanpü leipü shennyak jatonghühen, hatü mong leppüthü ja linghühen shingvaishi üpai mongmangei mong lepnya, ngeiyao büpa mü nyuhen.

DANIEL 4:37

Hanangkü shaang, ngei, Nebukadnezzari vangsho ongpa kü men long, vihpülüpü hatü dhüm shuohnyüpeih; mehenangkü büpai dükpü lemphüli jiüshangi hatü büpalei lem shahhing nyüke, hatü büpai changmeipüthü maanpü leitüknyüke.

MATHI 13:12

Üami ang, hathü kü nyeishi shuohhen, hatü jom nyeishi anghen; shejao meheyao ne-angpü am leipü maani nyupeyao yahlanghen.

MATHI 23:12

Üpai laophü nyingi longpü leihenshang maanpü leihen, üami laophü nyingi maanpü leihenshang, longpü vaihen.

LUK SHAHSHA APPÜ 1:52

Büpai wong kohpüthü ong uoshing kübü shüei vütük, hatü maanpüthü longei anshihteke.

LUK SHAHSHA APPÜ 14:11

Mehenangkü üami laophü nyingi longpü leinya, maanpü leidaihen, hatü üami laophü nyingi maanpü leinya, longpü leihen.”

LUK SHAHSHA APPÜ 18:14

Ngei am kü enyeih, lebü leimeyü hapa shennyakang dahshakei shemei leidai; mehenangkü üami laophü nyingi longpü leinya maanpü leihen, shejao üami laophü nyingi maanpü leihen, longpü vaihen.

JAKOB 4:10

Shembüpa touei am nyingi maanpü leituh, hatü büpai am longei anshihhen.

1 PETER 5:5

Ha aihük mü am nethethüi behethü phangkü nyutuh. Am peüi hüki hük touei maanpü leipü ow owtuh; mehenangkü “Kahvangi changmeipüthü khünyeih, shejao maanpü leipüthü kü phahji shuohnyeih.”

1 SAMUEL 2:3

Hajük ahshi changmei shah te-e; nüngei ju kübü changmei shah tevamhü; Mehenangkü Shembüpayü kihikon Kahvang, hatü büpai dükpü douthü peü doknyüpeih.