JAKOB 4:4 - DAÜLANGPÜ LAIHING (BSI)

⁴ Mükbongjuyungpüthü! Kahdoknyü mü mongjem pongpeyü Kahvang mü vepa shei ammi nenyingnyu je? Hanangkü üami kahdoknyülei küphü vaihünya Kahvangei vepa leidainyeih.

JAKOB 4:4 Iomraidhean Croise

KAHBHAO 3:15

Ngei nüng hatü nyüha aa kü, hatü nüngei li hi pinnyülei li aa kü ve vaihühen. Büpai nüngei shangjing ngümtükhen, hatü nüngi büpalei la-ong kü bheihen” shei e.

MENVIH KESHO 21:8

Nüngei laki vepathü peü neüaokhen, büpa kü jiühitpüthü peü büpalei lakdahphi-i yephen.

MENVIH KESHO 50:18

Gühpa eejü nüngi büpa mü dhaonyüke, hatü mükbongjuyungpüthü mü jemnyüke.

MENVIH KESHO 73:27

Nüng mebü yanei nyupüthü peü mahhen; nüng kü shahshem epüthü nüngi dohtükhen.

ISAIAH 57:3

Peikei, amphong thibülanyülei hapeüthü, mükbongjuyung hatü büm yupüthülei lihilathü.

JEREMIAH 2:2

Daituh, hatü Shembüpai hapakei enyüke shei Jerusalem am danshi etuh: Am thehila hepak kü meshük ngei kü bamshi nyupa! Doidaila keiha am meshük ngei kü kenpa, chemao kah nelingpü phaü kü mekei ngei müpa!

JEREMIAH 9:2

Oh ngei paoh bhih kahdokei yendai am paümhen shing nyulangmeyü, ngei ngelei nanglakthü tuhphongtü lüdaihah shepeih. Jom peü mükbungjuyungpüthü, hatü peileipüthü mon nyüke.

EZEKIEL 16:32

Amü nyüha hük laophülei baha tuhtü lebü yenpa mü mükbongjuyungpükei shüke.

HOSEA 3:1

Shembüpai ngei kü, “Shao chem daituh, hatü pinnyü mih mü bamteiyei mükbongjuyung düklangmao hapa nyüha kü nüngi bamtuh. Israel am lebü kahvangthü lemei lepei hapa kü jeetükpü nyalingngupai aan kü kenlangmao, ngei jom kü bampükei bamtuh” shei e.

MATHI 12:39

Shejao büpai jomphong kü, “Hapa mang hatü mükbongjuyung denhivani nyangeihepü yemnyüke, shejao Jonah thibü homei vampü nyangeihepü mü lenei meheyao neshuohpih.

MATHI 16:4

Mang hatü mükbongjuyung denhivani yashanyalepü nyangeihepü yünyüke, shejao Jonah homei yashanyale nyangeihepü shuohpü mü lenei meheyao neshuohpih” shei e. Hapheikü büpai jomphong tuhtü lüdai.

MATHI 6:24

Üpaiyao shembü nyi chongphonüng neaok; mehenangkü aa hüki shembü hük kü jiühithen hatü hük kü bamhen, nevaijü shembü hük kü lanei shuohhen, hük ne-ienelemi yakphonghen. Nüngi Kahvang hatü mop nyi chemi chongphonüng neaok.

LUK SHAHSHA APPÜ 19:27

Shejao ngelei vepathü üami jom shak kü ngei ong nevaihahhü, hathü hatouei deiyei ngei touei jütuh” shei eteke.

JOHAN 15:19

Amphong kahdoknyülei vailangmeyü kahdoknyüi laophülei lompü kei bamphahen. Mehenangkü amphongü kahdoknyülei nevai, shejao kahdoknyü kübü ngei amphong jelangpü nangkü kahdoknyüi am kü jiühitnyüke.

JOHAN 17:14

Ngei jomphong kü nüngei shah shuohtepih, hatü kahdoknyüi jom kü jiühitteke; mehenangkü ngei kahdoknyülei nevaipükei jomphongao kahdoknyülei nevai.

JOHAN 7:7

Kahdoknyüi amphong kü nejiühithen, shejao ngei kü jiühitnyüke; mehenangkü ngei ha khüei hapalei douthüyü mang shei denpü shuohnyeih.

ROM SHAHSHA APPÜ 5:10

Mehenangkü jen Kahvangei vepa vaishi dangkao büpalei Ha dipü homei jen büpa mü mongjem pongpü vaijema, meshük nyeishi mongjem pheikü büpalei yangnyu homei jen yanghen!

ROM SHAHSHA APPÜ 8:7

Ha vaipü nangkü phai kü mong shuohpeyü Kahvangei vepa; hapai Kahvangei shahkung ven nebangnyu– hingmei büpai nebangaokhen,

1 KORINT 1:20

Shejema nahpülangpü shennyak melei nyüpa? Lai longi manpü melei nyüpa? Hapa den jung nih-ei khoei nyingpü melei nyüpa? Kahvangi hapa kahdoknyülei kihikon ngadou neleitükangpü je?

1 KORINT 1:21

Mehenangkü Kahvangei kihikonü kahdoknyüi laophülei kihikon homei Kahvang nenyingpü nangkü, ngapükei chongvenpai hinglempüthü yanghen Kahvangi temtükpü nyuteke.

GALATIA 1:10

Ngei shaangü hangku leipü meiangke shei ehahpü yemnyu hi Kahvang leipü danghen khenya? Nevaijü ngei hangku mongmeihühen khenyu je? Shaang thahshi ngei hangku mongmeihühen khejema, ngeiyü Khristalei chongphobü hük nevai.

JAKOB 1:27

Kahvang jenei Pa-i yahhüpü daülangpü hatü pungpü neshiüpü vaipü vanglemü hapa hih: hashihhathü hatü vaümnyüthü shanghahpü kü veihen hatü kahdoknyüi sheihtükhen kübü laophü yangei nyupü ha hih.