JAKOB 4:1 - DAÜLANGPÜ LAIHING (BSI)

¹ Amphong khongkü depülaopü hatü neshetnephen meleipü vamhünya? Hathüyü yahhahhüpai ammei mongei deyeilaoei nyupü kübü vamnyu nevaipü je?

JAKOB 4:1 Iomraidhean Croise

JEREMIAH 17:9

Peü meyü mongdang-üng ühing kohshi, hatü nyeinya-üng nemei-i nyüke, hatü ha meihühen neaoknyu. Üpai ha yaoei aokhen?

MATHI 15:19

Mehenangkü mongdang kübü mang chudeih, jüpü, mükbongjuyung, iyjeiphailei, gühpü, shahshem denpü hatü lueilempü vamnyeih.

JOHAN 8:44

Amphongü ampapa am kahshihthü leipü khih, hatü ammei ampapa ami lümpü dükhen jenyüke. Büpayü panghinüng shennyak jüpü am nyupeih; shahhing kü neshoung; mehenangkü büpa kü shahhing nenyu. Mechem büpai shahshem ehen, büpai büpalei nyingnyoi aimü enyüke; mehenangkü büpayü shahshem ebüthü hatü shahshemei pa.

ROM SHAHSHA APPÜ 7:23

shejao ngelei büm kü lebü shahkung hüki ngelei mong kübü shahkung mü hokei ngelei büm kü nyupü mang shahkung kü ngei yepei küptükpü ngei eenyüke.

ROM SHAHSHA APPÜ 7:5

Mechem jen phai kü nyupa, shahkung homei vamhüpü jenei mangi yahhahhüpai dihen shingvaishi betjük jükhühen nangkü jenei phaihan kü dou dükei nyuteke.

ROM SHAHSHA APPÜ 8:7

Ha vaipü nangkü phai kü mong shuohpeyü Kahvangei vepa; hapai Kahvangei shahkung ven nebangnyu– hingmei büpai nebangaokhen,

GALATIA 5:17

Mehenangkü mehe phai-i yahhü, ha Laangha khüei, hatü mehe Laanghai yahhü, ha phai khüei nyüpeih; mehenangkü ammi napü nedükhühen jiji hüki hük mü khüteinyeih.

KOLOSI 3:5

Hanangkü am kü nyupü kahdoknyü nyingnyoilei douthü peü dihütuh: iyjeiphailei, nedaüpü, iyhiphai-i napü, ten vaüpü, hahnempü (mepa yaongnaüya khümpü nyüpa),

2 TIMOTI 2:23

Yoishah hatü sholi neshiüpü shah teshüktei; hathüi dehilao vamhünyeih shei nüngi nyingei nyüke.

TITUS 3:3

Mehenangkü jenao chemü ngapa, ven nedanpü, lawlüppü hatü yahhahhüpü hatü mongongmongle lemphülei aa vaishi nyuhampeih. Jenao ten dükpü, mükhakpü, jen kao jiühithahpü hatü jeni mih kü jiühitpü kü yangnyu nyuhampeih.

TITUS 3:9

Shejao ngashah shükteipü, bülem yemteipü, dehilao hatü shahkung nangkü depülaopü peü tuhtüktuh; mehenangkü hathüyü nanglei hatü yahlak neshiü.

JAKOB 1:14

Shejao shennyak hük mechem laophü yahhahhüpai yawh-eiyangei lüdaihenshang dokpü peinyüpeih.

JAKOB 4:3

Ammi yünyüke shejao nedangnyu; mehenangkü ammi dangpü yah-ei mongongmongle kü tükhen deihshi pungei yünyüke.

1 PETER 1:14

Ven danpü hashihthü keiha nenyingi shelei am kü nyupü ten yahhahhüpü kü tevukdai.

1 PETER 2:11

Bampü küphüthü, kahdoknyü kü yenpa hük keiha ngei am kü enyeih, laangha khüei hokpü phai-i yahhüpü peü kübü yanei nyutuh.

2 PETER 2:18

Mehenangkü jomi changmeipü hatü ngashah enyüke, hatü phai yahhahhüpü jiühitnalai homei pungei nyupü khong kübü yangei daijapü shennyakthü yawh-ei yahnyüke.

2 PETER 3:3

Shongpüba kü ammi ha nyingtuh; dohpü nyih kü yaüpülungpüthü mih kü yaüei hatü jomei iyjeiphailei kü nyupüthü peikahen,