JAKOB 3:9 - DAÜLANGPÜ LAIHING (BSI)

⁹ Hapai-üng jeni Shembüpa, hatü Pa men vihnyüke, hatü hapai-üng Kahvang leshi lingtükpüthü kü jeni thaüvaünyüke.

JAKOB 3:9 Iomraidhean Croise

KAHBHAO 5:1

Hapayü Adamei hühihathülei men nyangpü: Mechem Kahvangi hangkuli ling, büpai büpayü Kahvang lepü kü ling.

KAHBHAO 9:6

Üpai hangkulei iy yenhühen, büpalei iy-ao yenhühen; Mehenangkü Kahvangi shennyakü Kahvang lepü kü lingpeih.

2 SAMUEL 16:5

Mechem David Bahurim ngoipa, Saul am phang shennyak hük Geralei cheha Shimei vamei David kü thaüvaüteke.

2 SAMUEL 19:21

Hahepak kü Zeruiahlei cheha Abishai-i, “Shembüpai jepü ongpa kü thaüvaüjao ha tata kü Shimei tejütük” shei e.

1 SHÜPPÜKENGPÜ 29:10

Hahepak kü nanglakthü peü nyushi Davidi Shembüpa kü moihimanei e, “Nüng men vihnyeih, Oh Shembüpa, nedohnetenpü hamei pa Israel Kahvang.

1 SHÜPPÜKENGPÜ 29:20

Hapheikü Davidi thaipü nanglakthü kü, “Shembüpa, ammei Kahvangei men longtuh” shei e. Hanangkü jom peüi Shembüpa, jomei bühipa Kahvang kü menvih; jomi Shembüpa hatü ongpa touei kahdok kü aümei shateke.

MENVIH KESHO 10:7

Büpalei ju-ü thaüvaü, shahshem hatü shüveidoideipai maei nyüke; büpalei yeijaang kü shanghah, hatü ten mon nyüke.

MENVIH KESHO 108:1

Ngei nüng kü monglemnyeih, Oh Kahvang! Ngei lokhen hatü ngelei laanghai ünghinyah meipai lokhen. Paotuh, ngelei laangha.

MENVIH KESHO 145:1

Ngei nüng vihhen, ngelei Kahvang, ngelei ongpa, hatü düngei ngei nüngei men longhen.

MENVIH KESHO 145:21

Ngelei jui Shembüpa menvihpü jung ehen, hatü phai peüi büpalei daülangpü men den dok kü den moihimanhen.

MENVIH KESHO 16:9

Hanangkü ngelei mong mongongnyeih; ngelei laangha mongmeinyeih; ngelei bümao nyiushemmei kü yangei nyunyeih.

MENVIH KESHO 30:12

hanangkü ngelei mongdang nenmü nenyui nüng kü kesho loknyeih. Oh Shembüpa, ngelei Kahvang, ngei nüng kü düngei menvih shuohhen.

MENVIH KESHO 34:1

Ngei düngei Shembüpa kü men vihhen; büpa vihpü düngei ngelei ju kü nyuhen.

MENVIH KESHO 35:28

Shejüang ngelei yeijaangi nüng daülangshemshepü, hatü helu shoei nüng menvih jung ehen.

MENVIH KESHO 51:14

Iy yenhüpü mang kübü ngei yangshih, Oh Kahvang, ngei yangpü Kahvang, hatü ngelei jui nüngyemleipü jung kesho wongmü lokhen.

MENVIH KESHO 57:8

Paotuh, ngelei Kahvang! Paotuh, Oh harp hatü lyre! Ngei vanghe aonghühen.

MENVIH KESHO 59:12

Jomei ju kübü mang nangkü, jomei juben kübü shahthü nangkü, jom changmeipai jom yephütuh; mehenangkü jomi thaüvaü hatü shahshem enyüke.

MENVIH KESHO 62:4

Jomei küpjan kempeyü shongnyü shennyakthü vütükhen temnyüke. Jomü shahshem kü mongongnyüke; ju-i mon vih-ei enyüke, shejao mongeiyü thaüvaünyüke.

MENVIH KESHO 63:4

Ngei yemmü nyupü thahshi ngei nüng vihhen, hatü nüngei men kü ngelei lak haonghen.

MENVIH KESHO 71:24

Helushoei ngei nüng daülangshemshepü jung ehen, ngei kü lak shihhen khepüthü veüteke hatü mongmangnyüke.

CHONGVENBÜ 7:22

mehenangkü nüngiyao hepak longi kü mih kü thaüvaütih shei nyingei nyüke.

ISAIAH 29:13

Shembüpai enyüke: “Hathü shennyakthüyü jomei jui mon ngei yopailei peinyüke, hatü jubenyeijaangi mon ngei kü dhüm shuohnyüke, shejao jomei mong ngei toueipü longi taishi lüdaiteke. Jomi ngei kü khümpeyü shennyaki nyuhshuohpü vanglem kü mon khümnyüke.

MATHI 26:74

Hahepak kü büpai thaüvaühen pang, hatü büpai vangei, “Ngei hapa shennyak nenyingnyih” shei e. Hahepak kü ou gateke.

MATHI 5:44

Shejao ngei am kü enyeih, ammei vepa kü bamtuh hatü am kü shüveipüthü shing phopeishuoh;

PHONGSHANTHÜ DOU 2:26

Hanangkü ngelei mongei mongongpeih, hatü ngelei jui mongmeipeih; nyeishi ngelei bümao monglempü kü nyuhen;

ROM SHAHSHA APPÜ 3:14

“Jomei ju kü thaüvaü, hatü shahyakpai maei nyüke.

1 KORINT 11:7

Baha hüki shokuh kuhhen napü neshiü; mehenangkü büpayü Kahvang lajei hatü müknyinshekhang, shejao nyühayü bahalei müknyinshekhang.

EPHESIA 1:3

Jen kü vangsho nyuichingei Khrista kü lemphü laangha moihiman shuohpü Kahvang hatü Shembüpa Jisu Khristalei Pa men longtuh.

JAKOB 1:27

Kahvang jenei Pa-i yahhüpü daülangpü hatü pungpü neshiüpü vaipü vanglemü hapa hih: hashihhathü hatü vaümnyüthü shanghahpü kü veihen hatü kahdoknyüi sheihtükhen kübü laophü yangei nyupü ha hih.

JAKOB 3:10

Ju hük kübü-üng menvih hatü thaüvaü vamnyüke. Ngelei jeihinaü nyahinaüthü, hapakeiyü nevaihen vaipü khih.

1 PETER 1:3

Kahvang hatü jenei Shembüpa Jisu Khristalei Pa moihimantuh! Jisu Khrista dipü kübü yangei leipü homei büpa phahji longpai büpai jen kü yangnyuyem monglempü kü jen kü ja bühpü hük shouhteke,

SHAHPHENBÜTHÜ 9:27

Jomi kahlei shaei jomei kah leipü nyalingngupai vaümei yiü lingtü mo moteke. Hapheikü jomi jomei kahvangthü khümshemei daiyei hahtü yingtü Abimelekh kü yaüeilungei eteke.