JAKOB 3:13 - DAÜLANGPÜ LAIHING (BSI)

¹³ Amphong khongkü nahpü hatü danaokpü üpa nyüpa? Ammei douthüyü kihikon kübü bühpü inpünyaipü homei düknyu khih shei ammei yangnyu meipai hutuh.

JAKOB 3:13 Iomraidhean Croise

JOB SHAHSHA APPÜ 28:28

Hatü hangku kü büpai, “Shembüpa nyempeyü kihikon, hatü ten kübü yangpeyü danaokpü” shei eteke.

MENVIH KESHO 107:43

Kon kohpüthüi ha nyingei lituh, hatü Shembüpai bampü deih-ei dangtuh.

MENVIH KESHO 122:8

Ngelei shem am, hatü küphüthü men kü, “Nüng kü chingmei nyutuh” shei ehen.

MENVIH KESHO 149:4

Mehenangkü Shembüpai laophülei nanglak kü monghahnyeih; büpai maanpü leipüthü aokpü danghünyeih.

MENVIH KESHO 25:9

Büpai maanpü leipüthü jiüpü kü mülangnyeih, hatü büpalei lemthü nyuhnyeih.

MENVIH KESHO 45:4

Shahhing hatü daülangshemshepü men kü aokpü dangei müknyinshekhang kü daituh; nüngei lakdah-i nyembenüng dou dükhütuh.

CHONGVENBÜ 8:1

Kon kohpü shennyak kei üpa nyüpa? Üpai doulemthü nih-eikhoei nyingaoknya? Kihikoni shennyak hükei dhe ngaihünyeih, hatü nemeipü deiaeiyao yeiyahünyeih.

CHONGVENBÜ 8:5

Üami büpalei shahkungnyü bangnya, meheyao vongshüh neponghen, hatü lipühapü mongdangi hapalei hepak hatü lem nyinghen.

ISAIAH 29:19

Nentei-aokpüthüi Shembüpa kü mongonghen; nehahneyingpüthüi Israel amei Daülangpü Kahvangkü mongmeihen.

ISAIAH 60:6

Midian hatü Ephah leipü utthü leikahen, Shebalei nyupü kemei leikahen. Jomi hon hatü ayingshü koei leikahen, hatü Shembüpalei menvih baonghen.

ISAIAH 61:1

Shembüpa Kahvangei laangha ngei kü nyüpeih, mehenangkü Shembüpai ngei jepeih; Büpai ngei tokvaihanghipüthü touei shahjangmei kohen, mongdang mangdaipüthü meihühen, Wüpküpei nyupüthü kü bümei baonghen, hatü khoklatei nyupüthü laihühen;

JEREMIAH 9:12

Ha nyingaokhen mü üpa kü kon changshi nyüpa? Ha baongei ehen mü üpa kü Shembüpalei ju kübü vamei eshuohpa? Üpaiyao peih-ei nekamteihen mü mehekei hapa kahdokü lavüngtoiyei yakphongpa?

JEREMIAH 9:23

Shembüpai hapakei enyüke: Kon kohpüthüi laophülei kon kü techangmeihü, wong kohpüthüi laophülei wong kü mongtelemhü, shemmeithüi laophülei mop kü techangmeihü;

DANIEL 2:21

Büpai hepak vangpanthü yeiyahünyeih; büpai ongthü ong vaihünyeih, hatü jomphong nüngtüknyeih. Büpai nahpüthü kü kon shouhnyüpeih, hatü yao-aokpüthü kü nyingpühingpü shuohnyüpeih.

ZEPHANIAH 2:3

Kahdoknyü kü nenteiaokpü am peü, büpai epü dükpüthü peüi Shembüpa yemtuh. Daülangpü yemtuh, maanpü leihen yemtuh; Üpai nyingpa, Shembüpai mongshihpü nyih am hanghi kübü yanglanghen.

BHEI-IE 12:3

Shaang Mosayü longi nenteiaokpü shennyak, kahdoknyü kü nyupü shennyak peü mü nenteiaokpü shennyak nyuteke.

MATHI 11:29

Nüngi ngelei pang paituh, hatü ngei leipü nyinghahtuh; mehenangkü ngeiyü mongdangei nenteiaokpü hatü inyainyemi nyüpeih, hatü nüngei laangha shing nyiumei danghen.

MATHI 21:5

“Zion nela kü etuh, Veituh, ammei ong am touei, nenteiaokpai gadu dok shangkü, gadu cheha kü uotü peikünyüke.”

MATHI 5:5

Nenteiaokpüthü moihiman; mehenangkü jomi kahdoknyü mükjüp danghen.

MATHI 7:24

Hanangkü üami ngelei hathü shah bangei düknya, hathüyü kon kohpü shennyak hük yaong shangkü laophülei shem vepü hük leshi nyüke.

1 KORINT 6:5

Ngei hapayü am nyemveü shei enyeih. Vaipü am hüki hük aa kübü shahphenhen amphong khongkü kon kohpü hükao nenyupü je?

2 KORINT 10:1

Khrista nenteiaokpü hatü inpünyaipü homei ngei, Pauli am kü khümei enyeih– ngei am mü dhe dhe gongei thaijü veüpükei nyunyeih, shejao mechem yanei daihen am touei monglongshi nyunyeih.

2 KORINT 8:24

Hanangkü attoithüi eehen shingvaishi hathü kü ammi bampü, hatü am nangkü ham changmeiyei deihpü lekei hueishuoh.

GALATIA 5:23

inyainyempü hatü laophü nying ungei-aeipü. Hapa keipü douthü khüei shahkungnyü neshiü.

GALATIA 6:1

Jeihinaüthü, hanei ami mang dükei yepjema, am üami Laangha yah-ei nyu, inyainyempü laanghai hapa keipü shennyak müei leituh. Am laophü nyingi nedokhahhen lituh.

GALATIA 6:4

Peüi laophüi dükpü dou dokhen vongbong; shejüang mih-i dükpü kü neshettei-i meipü vaijema, laophüi dükpü dou kü changmeiyei deihhen.

EPHESIA 4:2

Nenteiaokpü, inyainyempü hatü peü munenpai bampü kü hüki hük mü nenteituh,

PHILIPPI 1:27

Khristalei shahjangmei-i napükei ammei yangnyu dei-aei nyutuh; ngei peiyei am mü pongjao nevaijü ngei nepeijao am jung danhen, shejüang amphong laangha hük kü mong hük leiyei shahjang meipü kü hinglemei wong kohshi yaongnyüke shei ngei nyinghen,

KOLOSI 3:12

Kahvangi jelangpü hük, daülangpü hatü bampü leshi phahji, bampü, maanpü leipü, nenteiaokpü, munenpü owtuh.

1 TIMOTI 4:12

Nüngei nethe yangnyu kü üpaiyao ne-ienelemi tenohah, shejao epü kü, dükpü kü, bampü kü, hatü daülangshemshepü kü lappü hük nyutuh.

1 TIMOTI 6:11

Shejao Kahvang shennyak nüng payü hathü peü yaktüktuh; daülangshemshepü, Kahvang nyingpü, hinglempü, bampü, munenpü, inyainyempü changei daituh.

2 TIMOTI 2:25

laophü kü khüpüthü kü inyainyemi yeanpü shuohaokpü vaihen vongbong. Üpai nying, jom mong lepei shahhing nyingei leihen Kahvangi shuohhen aok,

TITUS 3:2

üpa kao ten ne-ehen, depülaopü nenyuhen, inyainyemi nyuhen, hatü peü touei nenteiaokpü huhen eyeishuoh.

HEBREW 13:5

Nüngei yangnyu lop bampü kübü yangei nyutuh, hatü mehe ang, ha kü mong hüshemei nyutuh; mehenangkü büpai, “Ngei nüng netuhphongpih nevaijü neyakphongpih” shei eteke.

JAKOB 1:21

Hanangkü nedaünelangpü hatü ten dükpü peü yaktüktuh hatü inyainyempai nüngei laangha yanghen ngan kohpü mongdangei sheipü shah yahtuh.

JAKOB 2:18

Shejao hanei ami, “Nüng kü vaipü nyüke hatü ngei kü dou nyüpeih” shei ehen. Nüngi dou neomi ngei kü nüngi vaipü hushih, hatü ngei ngelei doui nüng kü ngei vaipü huphüshah.

JAKOB 3:1

Ngelei jeihinaü nyahinaüthü, amphong longshi shing nyuhbüthü neleihen vongbong; mehenangkü jen üami nyuhnya hathü kü nyeishi wong mü shahphenhen.

JAKOB 3:17

Shejao shangphi leipü kihikonü shongpü kü daülangpü, hapheikü chingmei, bampü, inpünyaipü, deih-ei dangaokpü, phahji-i mapü, hatü betjük meipü, baong hanpü neshiüpü hatü akhümmong-üm neshiüpü nyüke.

1 PETER 1:15

Haleimü am kü nyükpüba daülangi nyupü keiha ammei dükhiling peü kü am daülangi nyutuh;

1 PETER 2:12

Kung am touei ammi dhüm kohshi düktuh; jomi am kü ten dükpü am shei ejao büpa shahphenhen yiüshingkü jomi ammei dhüm kohbenüng doumei eeyei Kahvang müknyinshekhanghen.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

1 PETER 3:4

Haleimeyü, ammei owhiaiyü mongpa leipü vampü inyainyempü hatü nenaokpü laangha den kü nyuhen dhemeilaüma, mepa Kahvang touei douvang nyüpa, ha nyuhütuh.