JAKOB 2:6 - DAÜLANGPÜ LAIHING (BSI)

⁶ Shejao ammi taopathü kü dhüm neshuohnyu. Am kü shüveipeyü shemmeithü nevaipü je? Shahphen shingei am müei deipeyü hathü nevaipü je?

JAKOB 2:6 Iomraidhean Croise

JOB SHAHSHA APPÜ 20:19

Mehenangkü büpai taopa kü shüveiteke, hatü aeiyeileyei tuhphongteke.

MENVIH KESHO 10:10

Neaoknethangpüthü ngümtüktü lomoh-ei lemshi nyunyeih; nemeipülei wong neneüi lomohnyeih.

MENVIH KESHO 10:14

Shejao Oh Kahvang, nüngi shanghah hatü mongshang nyingnyüke, hatü nüngi ha kü sheühhen temei nyüke; Neaoknethangpüthüi nüng kü lanei shuohnyüke; nüngü hashihhathü kü sheühnyeih.

MENVIH KESHO 10:2

Nemeipüthü changmeiyei taopathü kü shüveinyüke; Jomi linghahpü tai kü-üng jom manhütuh.

MENVIH KESHO 10:8

Büpai chingthülei tapei dannyeih; joshi büpai mang neshiüpüthü jünyeih. Neaoknethangpüthü lomohhühen shoukei veishi nyunyeih.

MENVIH KESHO 12:5

“Taopathü kü shüveipü nangkü, hatü nehahneyingpüthü theppüyoungpü nangkü ngei shaang peikahen; Jomi ongyangpü yanghen shing kü ngei jomi shingnüngei tuhphonghen” shei Shembüpai enyüke.

MENVIH KESHO 14:6

Am nemeipüthüi taopathülei küpjan bentüknyüke, shejao Shembüpayü jom loishing.

KANDOK 14:31

Üami taopathü kü shüveinya, jom Lingbü kü ne-ienelemnyu, shejao üami nehahneyingpü am kü phahji hunya, Kahvang kü dhüm hunyüke.

KANDOK 17:5

Üami taopathü kü yaüeilungnya, jomi hathü Lingbü kü yaünyüke; Üami mih lomohpü kü hüha shei deihnya, jom nehanghi-i nenyupih.

KANDOK 18:23

Taopa shennyaki inyainyiami khümei yünyüpeih, shejao shemmeipai shahlong enyüpeih.

KANDOK 22:16

Laophü shemmei leihen nangkü taopathü kü shüveiyei, hatü shemmeithü kü thintho shuohjema, nüng taohen.

KANDOK 22:7

Shemmei ami taopü am shak kü vanglem lemnyeih, hatü luhahpü amü lushuohpü amei aa leinyüpeih.

CHONGVENBÜ 5:8

Kahmük hük kü taopathü hanghipü, hatü jom kü shahhing hatü jiüpü nedükshuoh-i eejü nüngi hapa kü tethama; mehenangkü lakchongbü hük kü büpa dok kübü lakchongbü hüki veinyüke, hatü jijiphen dok kü shao-üng lebü lakchongbü longpüthü nyüke.

ISAIAH 53:3

Büpayü hangkuthüi ne-ienelemi yaktük; mongong hatü shangpongpü shennyak hük. Üpaiyao büpa kü nevei-i peüi laophülei dhe jolangkem, peüi büpa yaktük, hatü jeni büpa kü lümeivaüei nedeih.

AMOS 4:1

Samaria kahshangei nyupü nyühathüi hapa bangtuh: Taopa hatü nehahneyingpüthü kü shüveipüthü, hatü laophülei baha kü, “Yiü yinghen deikei” shei epüthü.

AMOS 5:11

Ammi taopathü kü la-i shoupnyüke, hatü jomei hah yahlangnyüke. Hanangkü ammi yaongshem velangmao, ha kü nenyuhen; ammi nyalingngupai longi sheiteke, shejao haleipü yiü ammi neyinghen.

HABAKKUK 3:14

Mechem büpalei veshanthüi hamphong yantükhen, hatü ham lühtükhen shei peitepa, nüngi büpalei phung yah-ei büpalei veshanthülei shangjing kü hümteke.

ZEKHARIAH 7:10

Vaümnyü nevaijü hashihha, yenpa-oupa hatü taopa kü teshüvei. Ammei mongkü hüki hük khüei ten tedeih.

JOHAN 8:49

Jisui, “Ngei kü kahshih neshiüpih, shejao ngei Opa kü dhüm shuohnyeih, hatü ammi ngei kü dhüm nehunyu.

PHONGSHANTHÜ DOU 13:50

Shejao Jehoda ami chingnyü kübü Kung am shennyak mübüthü hatü Kahvang kü vaipü noknyü kü laphen shaopü nyühathü kü ühing ittü Paul hi Barnabas nyi kü shüveitü hapa moidoi leipü changtük.

PHONGSHANTHÜ DOU 17:6

Jomi jiji nedangi Jason hatü vaipüthü hanei chingnyü kü vanglem lempüthü touei shüei deiyei, “Kahdoknyü shakhimong leitükpü shennyakthü hatoueiyao peiteke,

PHONGSHANTHÜ DOU 18:12

Shejao mechem Gallio-ü Akhaia kü Rom governor nyupa, Jehoda am hoi jemtü Paul yepei shahphen shingei dei.

PHONGSHANTHÜ DOU 8:3

Shejao Sauli attoi mangtükhen chongpang, hatü shem shemei peiyei nyüha baha peü shüei ngai, hatü khoklatei tuh.

1 KORINT 11:22

Meheang! Am hahhen yinghen shem neshiüpü je? Nevaijü ammi Kahvangei attoi nyonghütü meheyao neshiüpüthü veühünyu je? Ngei am kü mehe ephahen? Ha nangkü ngei am kü vihhen je? Ha nangkü ngei am kü nevihpih.

JAKOB 2:3

hatü ammi owmei owpü shennyak nyingei, “Ha shing meipülei uotuh” shei etü taopa kü nüngi, “Antolei yaongtuh” nevaijü “Ngelei la touei uotuh” shei ejema,

JAKOB 5:4

Bangtuh! Ammei kahlei hahvet nang shapüthülei lat ammi kon lingei neshuoh-i tuhpai lennyüke, hatü hahvetpüthüi lenpü Jeiyong Shembüpalei dhaong ngoiteke.

JAKOB 5:6

Am khüei neyaongpü daülangpüthü ammi nyonghüei jüteke.