JAKOB 1:27 - DAÜLANGPÜ LAIHING (BSI)

²⁷ Kahvang jenei Pa-i yahhüpü daülangpü hatü pungpü neshiüpü vaipü vanglemü hapa hih: hashihhathü hatü vaümnyüthü shanghahpü kü veihen hatü kahdoknyüi sheihtükhen kübü laophü yangei nyupü ha hih.

JAKOB 1:27 Iomraidhean Croise

MENVIH KESHO 119:1

Üamei lemthü eela neshiü; üpai Shembüpalei shahkung kü kam, jom moihiman.

MENVIH KESHO 146:9

Shembüpai yenpathü kü veinyeih; büpai hashihha hatü vaümnyüthü kü khüambaknyeih, shejao nemeipü amei lem büpai lomohhünyeih.

MENVIH KESHO 68:5

Hashihhathü kü pa, hatü vaümnyüthü kü khüambakpeyü Kahvang; büpalei daülangpü shingei nyüke.

ISAIAH 1:23

Nüngei vanglem lembüthüyü khüei yaongpüthü, gühpathülei mongjempathü leidaiteke. Peüi yawhdou kü kennyüke, hatü thintho phei changnyüke. Jomphongi hashihhathü khüamnebaknyu; Shahphen shingei vaümnyüi epü kü nebangnyu.

MATHI 12:32

Üami Shennyak Ha khüei shah ehenshang, ha mang tükhen, shejao üami Laangha Daülangpü khüei mang thahhen, hapa den nevaijü ngoikahen den kao mang netükhen” shei e.

MATHI 5:8

Thentoimongdang daülangi nyupüthü moihiman; mehenangkü jomphongi Kahvang eehen.

LUK SHAHSHA APPÜ 1:6

Jijinyiphen Kahvang touei daülangi nyu, hatü Shembüpalei shahkung hatü vanglemthü aimü eela neshiüi nyu.

ROM SHAHSHA APPÜ 12:2

Ammi hapa kahdoknyü kü tevukdai shejao ammei mong ja leipai jeilei yeiyatuh, shejüang Kahvangi mehe mong, mehe mei, mehe yah-aokbenüng hatü changpüshapü nyüpa, ha baong hanei nyingaokhen.

ROM SHAHSHA APPÜ 2:13

Mehenangkü shahkungnyü danpüthü Kahvang touei daülangpü nevai, shejao shahkungnyü noteipüthü dahshakhen.

GALATIA 1:4

Hapa nemeipü denhivan kübü jen bümei leihühen tata kü jenei Pa Kahvangi mongpükei jenei mang shingvaishi Khristai laophülei yangnyu shuohpeih.

GALATIA 3:11

Shahkung dükpai üpaiyao Kahvang touei dahshakei neaokpih shei shaang lekei eenyüke; mehenangkü, “Daülangpü shennyak hinglempai mon nyuhen.”

GALATIA 5:6

Mehenangkü Khrista Jisu kü japtükpü hatü nejaptükpü kü meheyao nanglei neshiü; iehen dou hükü bampü homei hinglempai dou dükpü ha mon nyüke.

GALATIA 6:14

Jenei Shembüpa Jisu Khristalei shophang mü lenei ngei nechangmeishah, ha shingvaishi kahdoknyüi ngei shophang kü appeih, hatü ngei kahdoknyü shophang kü appeih.

EPHESIA 2:2

hatü ha kü am nyuei, kahdoknyü mang lem kü müei, phumshang leipü ngan kü vanglem lembü phei müei nyu; hapa laanghai shaang ven nedanpüthü kü dou düknyüke.

SHAHKÜP 14:29

Hapa hahyingü ammei jilalei nyupü Levi am shingvaishi nyüke; mehenangkü jomei mükjüp meheyao neshiü, hatü benhathü, hashihhathü hatü vaümnyüthü shingvaishi nyüke. Jom peiyei hüshemshi hahhen, hatü Shembüpa, ammei Kahvangi ammi dükpü lemphüli kü moihimanphahen.

1 TIMOTI 1:5

Shejao hapakei nyuhpüvenpü mükhongü daülangpü mongdang, mongdeih meipü hatü kenhingei vaipü kübü vampü bampü nyüpeih.

1 TIMOTI 5:4

Shejao hapa vaümnyü mü hapeü hüpeüthü nyujema laophülei shemongei shong vaipü dousho düktuh, hatü hapakei nyühipa, bihibüthü kü nyokei düktuh; mehenangkü hapayü Kahvang touei mongongbenüng.

TITUS 2:12

Hapai jen kü Kahvang nenyingpü yangnyu, kahdoknyü lümpü vaüpü kübü yanhen nyuhnyüke, hatü shaangpü den kü ungei-aeipü yangnyu, kangshangpü hatü Kahvang nyingpü yangnyu nyuei,

JAKOB 3:17

Shejao shangphi leipü kihikonü shongpü kü daülangpü, hapheikü chingmei, bampü, inpünyaipü, deih-ei dangaokpü, phahji-i mapü, hatü betjük meipü, baong hanpü neshiüpü hatü akhümmong-üm neshiüpü nyüke.

JAKOB 3:9

Hapai-üng jeni Shembüpa, hatü Pa men vihnyüke, hatü hapai-üng Kahvang leshi lingtükpüthü kü jeni thaüvaünyüke.

JAKOB 4:4

Mükbongjuyungpüthü! Kahdoknyü mü mongjem pongpeyü Kahvang mü vepa shei ammi nenyingnyu je? Hanangkü üami kahdoknyülei küphü vaihünya Kahvangei vepa leidainyeih.

2 PETER 1:4

Hathü homei büpai jen kü longi longpü hatü douvang lahpüthü shuohteke, shejüang hathü homei ammi Kahvang nyingnyoi kü hean yah-aokhen hatü mangi yahhahhüpü homei kahdoknyü kü vamhüpü ten kübü yangaokhen.

2 PETER 2:20

Jenei Shembüpa hatü Yemleipü Jisu Khrista nyingpü homei kahdoknyülei ten kübü yangpheikü, jomi shao ha kü manei neühahjema, shongpü laphen meyü jomphongü dohpülei-üng nemeipüba nyunyeih.

2 PETER 3:14

Hanangkü bampü küphüthü, ammi ha douthü danshingkü ammi büpa mü chingmei kü kawhikang hatü eela neshiüi nyushi büpai am eehen mü kentuh,

1 JOHAN 5:18

Kahvangi bühpüthü mang thah-ei nenyunyih shei jeni nyingnyüke, shejao Kahvangi bühpü shennyak yangei tuhnyeih hatü kahshih-i büpa kü lak nehingnyih.