JAKOB 1:2 - DAÜLANGPÜ LAIHING (BSI)

² Ngelei jeihinaü hatü nyahinaüthü, mechem ammi menüng keipü dokpü heühenshang hayü meheyao nevai, shejao mongong shei deih-ei dangtuh;

JAKOB 1:2 Iomraidhean Croise

PHONGSHANTHÜ DOU 5:41

Jomphong shahtap leipü vamei daishingkü jom mongong; mehenangkü hapa men nangkü ne-ienelem ponghahhen shangpeih shei deih.

ROM SHAHSHA APPÜ 5:3

Ha mon nevai, shejao shangpongpai munenpü vamnyeih shei nyingei jeniyao jen shangpongpü kü changmeinyeih,

PHILIPPI 1:29

Mehenangkü hapayü Khristalei men kü hinglemhen mon nevai, shejao büpa shingvaishi shangponghenao am kü shuohpeih.

PHILIPPI 2:17

Shejao jakpü moila hatü am hinglempü moila kü ngei yiü cheipü keiha ngei am peü mü mongongnyeih hatü mongmeinyeih,

PHILIPPI 2:18

hatü ha aimü amphongao ngei mü mongongtuh hatü mongmeituh.

KOLOSI 1:24

Shaang ngei ammei men kü shangpongpü kü mongongnyeih, hatü Khristai büpalei büm lappai, attoi shingvaishi shangpongpü kü mepa taoei nyu, ha ngelei phai kü changhünyeih.

HEBREW 10:34

Ammi khoklatei nyupüthü kü bampü hu, hatü ammei douhinang aetlangjao mongongshi nyupeih; mehenangkü meipüba hatü den den mop nyüpeih shei am nyingi nyingteke.

JAKOB 1:12

Dokpü peishingkü üpai hinglemei nyu, büpa moihiman. Hapa keipü dokpü kü aokpü shennyak kü Shembüpai büpa kü bampüthü kü shuohhen lahpü yangnyu athen shuohhen.

JAKOB 1:16

Bampü jeihinaüthü, am telutelemhah.

JAKOB 1:19

Ngei bampü jeihinaüthü, ha nyingtuh: Peüi danhen shülangtuh, youngmü etuh, mongshih youngmü vamtuh;

JAKOB 5:11

Hingmei nenteiaokpü hupüthü kü hami moihimanpü shei nyüknyeih. Jobi munenpü ammi danphei hatü mekei Shembüpai phahji hatü shinshang, ammi Shembüpalei mükhong eeteke.

2 PETER 2:9

shejema, Shembüpai mekei etü Kahvang nyingpüthü dokpü kübü yanglanghen nyingei nyüke, hatü shahphenpü nyih mangngoi thahshi nedaünelangpüthü hanghi kü tuhhen,

SHAKEI VAMPÜ 2:10

Am mepa shangponghen nyu, ha kü tenyem. Am kü dokhen shingvaishi kahshih-i am hanei yah-ei khoklatei shükhen mü nyüke lituh, hatü nyih an shing am shangponghen. Dipü thahshi hinglemtuh, hatü ngei am kü yangnyu athen shuohhen.