JAKOB 1:19 - DAÜLANGPÜ LAIHING (BSI)

¹⁹ Ngei bampü jeihinaüthü, ha nyingtuh: Peüi danhen shülangtuh, youngmü etuh, mongshih youngmü vamtuh;

JAKOB 1:19 Iomraidhean Croise

NEHEMIAH 8:18

Nyihjeih shongpü nyih kübü dohpü nyih thahshi büpai Kahvangei shahkungnyü lai kübü ieteke. Jomphongi nyih nyet thahshi moteke hatü nyih shetpabü kü shahkungi mongpükei thaipüyupü nyu.

NEHEMIAH 9:17

jomi ven nedan, hatü jom touei yashanpü douthü dükpü peü betük, shejao jomei ngaümvang vaanei aa laphen kü Ijiplei nyokei leihen tem. Shejao nüngü mang tükpü, phahji yahyangpü, mongshih youngmü vampü, hatü bampü kü changshishashi nyupü Kahvang, hatü nüngi jom netuhphong.

NEHEMIAH 9:3

Jomi jomei shingei yaongtü ghonda jem hükshing Shembüpa, jomei Kahvangei shahkung lai kübü ie, hatü ghonda jem hükshing yah-ei Shembüpa, jomei Kahvang kü mang lah, hatü khüm.

JOB SHAHSHA APPÜ 32:16

Sheyü jomphong shah dohdaipheikü, shahnyok shuohhen neshiüi yaongdai pheikü, ngei hei-üng danei nyuhen je?

KANDOK 10:19

Mechem shah ahshi enya, mang neomi nenyu, shejao laophülei yei yepei tuhpeyü kon kohpü.

KANDOK 13:3

Üami laophülei jubenyeijaang shümaoknya, jomi laophülei yangnyu yangei tuhnyüpeih, üami nelineha-i vapvapnya, mahpü pongnyüpeih.

KANDOK 14:17

Mongshihpü shennyaki ngadounganang düknyüpeih, hatü hapa küpjan tempü am kü jiühitnyüpeih.

KANDOK 14:29

Nenteiaokpü shennyak hük kü danaokpü longi nyüpeih, shejao lomi mongshihpü shennyaki ngapü shakei hunyüpeih.

KANDOK 15:18

Mongdang nemeipü shennyaki dehilao vamhünyeih, shejao nenteiaokpü shennyaki dehilao nentükhünyeih.

KANDOK 15:2

Kon kohpü shennyakei yeijaangi kon meipü vamhünyeih, shejao ngapalei ju kübü ngashahyoishah bhainyüpeih.

KANDOK 16:32

Ve hokbü vaileimeyü nenmünyupü-üng meipüba; chingnyü hük hahpü meyü laophülei mongshih ungei aokpü-üng meipüba.

KANDOK 17:14

Dehilao pangpeyü yungchüm laipükei nyüke; hanangkü mangde shekü dohtüktuh.

KANDOK 17:27

Nyingpühingpü shennyaki laophülei shah yepyaki enyüpeih, hatü danaokpü shennyaki nenmü nyudainyeih.

KANDOK 18:13

Hanei-i banghen shekü shah leijema, büpayü ngapa hatü hai danghen.

KANDOK 18:21

Yangnyu nyuhen hatü dihenü laophülei yeijaang kü kohshi nyüke; Üami ha kü bamnya, hapalei betjük danghen.

KANDOK 19:11

Shennyak hüki laophü kü nyupü kihikoni nenteiaokei leinyüpeih; Hanei ami shaiyei dükphü shingkü chahmaoh shei tuhpeyü laophülei müknyinshekhang.

KANDOK 19:19

Mongshih nemeipü shennyaki hanghi danghen; nüngi büpa yangei tuhjema, nüngi shao ha dükhen vongbong.

KANDOK 21:23

Üpai laophülei ju hatü yeijaang yepaoknya, vongshüh kübü yangdainyeih.

KANDOK 25:28

Laophü nyingi ne-ungne-aeipeyü bham laamdaipü chingnyü kei nyüke.

KANDOK 29:20

Deih-ei nevei-i shah epü shennyak nüngi eela? Hapa keipü shennyak leimeyü ngapa kü-üng nyeishi monglemhen nyüpeih.

BHEI-IE 22:27

Mechem gadui hapa vangsho phongshan eepa, pinnyü Balaam phangei lemteke, hatü büpa mongshih-ei lenshuoh yah-ei longi gadu kü üpteke.

MATHI 5:22

Shejao ngei amphong kü ha enyeih, ammi jeihinaü nevaijü nyahinaü hük kü mongshihjema, nüng shahphenhen, hatü nüngi jeihinaü nevaijü nyahinaü hük vüshih-ei, “Nüng yahlak neshiü” shei ejema am shahtapei müei deihen; hatü üami, “Ngapa” shei ehenshang, am molo aw vongshüh kü nyuhen.

MARK 12:37

Davidiyao büpa kü Shembüpa shei nyük; shejema mekei etü büpayü büpalei hapeü vaihenang? Büpai epü kü khongnyü longi mongongshi bangei nyu.

MARK 2:2

Longi thaipü nangkü jomphong shing dung neshiü; chingshelei dangkao neshiüi nyuteke, hatü büpai jomphong kü chongven.

LUK SHAHSHA APPÜ 15:1

Shaang lat thaibüthü hatü mangthü peü büpai epü banghen yopailei pei.

LUK SHAHSHA APPÜ 19:48

shejao jomi dükaokhen mü meheyao nedang; mehenangkü nanglakthü peüi büpalei shah hükao ne-ami bangei nyuteke.

PHONGSHANTHÜ DOU 1:15

Hathü nyih kü vaipü jeihinaüthü touei Peter yaongei, (ha khong kü shennyak kho hük mü kukha hükshing nyu),

PHONGSHANTHÜ DOU 10:33

Hanangkü shüshülangi nüng nyüknüng shompeih, hatü nüngi kenei peiküteke. Hanangkü shaang Shembüpai nüng kü etuh shei epü shahthü banghen shingvaishi ham peü hammü Kahvang touei nyüpeih” shei eteke.

PHONGSHANTHÜ DOU 13:48

Mechem Kung ami ha danpa, jom mongong hatü Kahvang shah kü menvih shuoh, hatü meshüki yangnyuyem danghen je, vaipü am leiteke.

PHONGSHANTHÜ DOU 17:11

Thesalonika leipü Jehoda am meyü Berea leipü Jehoda am-üng yahhahhüpü kohshi nyu; mehenangkü jomi shahjangmei longi mong shuohshi yah, hatü hathü jiüla shei nyihjeih laihing yemteke.

PHONGSHANTHÜ DOU 2:42

Jomphongi phongshanthüi nyuhpü kü hatü mongjempü kü, aan bhaokei hatü phoppü kü lanei shuoh.

EPHESIA 4:26

Mongshihtuh, shejao mang tethah; am mongshihpai vanghenyü teshüshih,

EPHESIA 4:31

Am kübü shahyakpü, lohpü hatü mongshih anpü, depülaopü, ühing itpü hatü lemphü ten dükpü yaktüktuh.

KOLOSI 3:15

Khristalei chingmei-i ammei mongkü vanglem lemhütuh; ha shingvaishi büm hük kü phaihan hük leiyei chingmei nyuhen am nyükpeih. Ha kü am men vihtuh.

KOLOSI 3:8

Shejao shaang ammi hakeipü douthü peü yaktükhen vongbong: mongshih anpü, mongpuk vampü, mih kü lak shihpü, ühing itpü, ammei ju kübü veüshah epü tüktuh.

1 THESALONIKA 2:13

Mechem hami venpü danei ammi Kahvangei shah yahpa, ammi hayü shennyakei shah kei nevai, shejao mepa am vaipüthü kü dou düknya, hingshangpü Kahvangei shah shei ammi ha yahpeih.

JAKOB 1:16

Bampü jeihinaüthü, am telutelemhah.

JAKOB 1:2

Ngelei jeihinaü hatü nyahinaüthü, mechem ammi menüng keipü dokpü heühenshang hayü meheyao nevai, shejao mongong shei deih-ei dangtuh;

JAKOB 1:26

Hanei ami laophü nyingi vaipü am shei deihjema, hatü laophülei yei neshümaokjema, büpa vaipeyü angsha, hatü laophü nying luhahnyüke.

JAKOB 2:1

Ngelei jeihinaü hatü nyahinaüthü, ammi baong hanei noyaki hingmei ammi jenei müknyinshekhangpü Shembüpa Jisu Khrista kü hinglemnyu je?

JAKOB 2:5

Ngei bampü jeihinaü nyahinaüthü, bangtuh. Kahvangi kahdoknyü kü taopathü hinglempü kü shemmei vaihen, hatü büpa kü bampüthü kü büpai lahpü ongching mükjüp vaihühen nejeangpü je?

JAKOB 3:10

Ju hük kübü-üng menvih hatü thaüvaü vamnyüke. Ngelei jeihinaü nyahinaüthü, hapakeiyü nevaihen vaipü khih.

JAKOB 4:11

Jeihinaü nyahinaüthü, am hüki hük khüei ten te-etei. Üami lebü khüei ten ehen, nevaijü shahphenhen, shahkung khüei ten enyüke hatü hapa shahphennyüke. Shejao ammi shahkungi shahphenjema, amphongü shahkung bangpüthü nevai, shejao shahphenbüthü leinyüke.

JAKOB 5:12

Peü shak kü, ngelei jeihinaüthü, ammi vangsho nevaijü kahdok, nevaijü lebü mepayao noshi tevang, shejao hih shejü hih, nevai shejü nevai shei etuh, shejüang am nyonghüpü kü nevühen.

JAKOB 5:19

Ngelei jeihinaüthü hatü nyahinaüthü, am hanei shahhing kübü yanei lüdaijema, hanei ami büpa müei leihen vongbong.

1 JOHAN 2:21

Ngei am kü nyangpeyü ammi shahhing nenyingpü nangkü nevai, shejao ammi ha nyingei nyüke, hatü shahhing kübü shahshem nevamnyih.