JAKOB 1:18 - DAÜLANGPÜ LAIHING (BSI)

¹⁸ Jenphong büpai lingpü peü mü shongpü betjük leihen shingvaishi büpalei mükhong jiühüei büpai jen shahhing shah-i bühpeih.

JAKOB 1:18 Iomraidhean Croise

JEREMIAH 2:3

Israel amü Shembüpa kü daülangpü, shongpü betjük nyuhampeih. Üami hapa hah, mang thahteke, hatü jom kü shanghah peihampeih shei Shembüpai enyüke.

LEVI 23:10

“Israel am kü hapakei eyeishuoh” shei eteke. Mechem ngei am kü shuohhen shei epü kahdokei am shühenshang, hatü ammi betjükvungjük thaihenshang, ammi thaipü shongpü betjük kübü ngongpa kü choung hük shuohtuh.

AMOS 6:1

Zionlei mong hüshemei nyupüthü, hatü Samaria kahshang kü mong nyaangpüthü, jatthü khongkü shongpü hamhiman vamshing, üam touei Israel nanglakthüi sheühpü yemei peinya, Onyükei!

JOHAN 1:13

Jomphongü iy nevaijü phai-i mongpü nevaijü hangku-i mongpü kü bühpü nevai, shejao Kahvangi bühpüthü.

ROM SHAHSHA APPÜ 4:17

Ha nyangei nyüke: “Ngei nüngü jat longilei pa leihütepih.” Büpai hinglempü Kahvang touei büpayü jenei pa– ha Kahvangi didaipüthü kü yangnyuyem shuohnyeih, hatü nenyupü douthü vamei nyuhen büpai nyüknyeih.

1 KORINT 4:15

Ammi Khrista kü yombüthü haja an nyujao ammei pathü longi nenyu. Hingmei shahjangmei homei Khrista Jisu kü ngei ammei pa leipeih.

2 KORINT 6:7

shahhing epai hatü Kahvangei ngani laknyong lakdah kü daülangshemshepü phunglang mü;

EPHESIA 1:12

Shejüang jenphong üam Khrista kü shongei monglemhen nyüpa, büpalei müknyinshekhang kü vihei jen nyuhen.

EPHESIA 1:13

Mechem ammi shahhing shah, am yemleipü shahjangmei danpa, hatü büpa kü ammi hinglempa, büpa kü amphongao lahtükpü Laangha Daülangpai füoshang shüngteke.

2 TIMOTI 2:15

Kahvangi yah-aokpü shennyak keiha büpa kü nüngi shuoh-aokhen shingvaishi nüng kü nyupü meipübai düktuh; Kahvangei shahhing shah jiüshi nyuhpüvenpü shennyaki veühen napü neshiü.

HEBREW 12:23

hatü vangsholei men nyanglangpü hashongthü thaipü, hatü peüei shahphenpü Kahvang, hatü daülangpüthülei laanghathü changhüshahüpü touei,

JAKOB 1:15

Hapheikü laophüi yahhahhüpai büm nekongi leipheikü hapai mang bühnyeih; hatü hapa mang mechem lomei longhen, dipü bühnyeih.

JAKOB 1:21

Hanangkü nedaünelangpü hatü ten dükpü peü yaktüktuh hatü inyainyempai nüngei laangha yanghen ngan kohpü mongdangei sheipü shah yahtuh.

JAKOB 3:14

Shejao ammei mongdangei shahyakpü mükhüh mongyung hatü laophü shing mon deihjema, am techangmei, hatü shahhing tenyongtük.

1 PETER 1:23

Amphongü mahbenüng nevai, nemahbenüng li Kahvangei yangnyu yem hatü nedohnetenpü shah homei nyipabü angteke.

1 PETER 1:3

Kahvang hatü jenei Shembüpa Jisu Khristalei Pa moihimantuh! Jisu Khrista dipü kübü yangei leipü homei büpa phahji longpai büpai jen kü yangnyuyem monglempü kü jen kü ja bühpü hük shouhteke,

1 JOHAN 3:9

Kahvangi bühpü üpayao sheüshi mang nethahnyih; mehenangkü Kahvangei sheili büpa kü nyunyeih; büpa Kahvangi bühpü nangkü büpai nedoh-i mang thah-ei nenyunyih.

SHAKEI VAMPÜ 14:4

Jomphongü nyüha mü nesheihpüthü; mehenangkü jom daüeilangei nyu; jomi Mi Cheha melei dai, halei müei dainyüke. Jomphongü hangku khong kübü Kahvang hatü Mi Cheha shingvaishi angei leilangpü shongpü betjükthü nyuteke,