JAKOB 1:17 - DAÜLANGPÜ LAIHING (BSI)

¹⁷ Meipü hatü den ngoipü thintho peü shangphi leipü nejeilepü, nevaijü jeileipai vangnyak nevamhüpü vangsho vangngaithülei Pa leipü peinyeih.

JAKOB 1:17 Iomraidhean Croise

KAHBHAO 41:16

“Ngei ha nedükaokpih. Shejao Kahvangi Pharaoh-i napü kü jangpü shuohhen” shei Joseph-i Pharaoh kü jangei e.

1 SHÜPPÜKENGPÜ 22:12

Büpai nüng Israel am shak kü veihen tuhshingkü Shembüpa, nüngei Kahvangei Shahkungnyü jiüshi dükhen shingvaishi Shembüpai nüng kü yao-aokpü hatü danaokpü kon nyemyahpha.

1 SHÜPPÜKENGPÜ 29:19

Ngelei ha Solomon kü mongdang hüki nüngei shahkung, nüngei vanglem hatü nyuhpüvenpü peü dükhen, hatü ngei dou temei tuhshuohpü phopshem vehen chudeih mongdang yah-eishuoh.

MENVIH KESHO 102:27

Shejao nüngü den kü aihük, nüngei bongthü dohpü neshiü.

MENVIH KESHO 122:6

Jerusalem kü chingmeivangmei shingvaishi phoptuh. Nüng kü bampüthü daeishehen.

MENVIH KESHO 136:7

Büpai vanghe lennyü lingteke, büpa bampü den kü nyunyeih.

MENVIH KESHO 84:11

Mehenangkü Shembüpa Kahvangü, vanghe hatü inyüshung; büpai bampü hatü dhüm shuohnyeih. Kangshangi kampüthü leipü Shembüpai mepa doumeiyao shümei netuhlangnyih.

MENVIH KESHO 85:12

Shembüpai mehe mei, ha shuohhen, hatü jenei kahdoki ha vethen betjük jükhühen.

KANDOK 2:6

Mehenangkü Shembüpai kihikon shuohnyüpeih; Büpalei ju kübü nyingpü, hatü danaokpü kon vamnyüpeih;

ISAIAH 28:26

Büpalei Kahvangi mekei dükhen meishi nyuh-ei nyüke.

ISAIAH 45:7

Ngei vangnyak hatü vangngai nyiphen lingnyüpeih; Ngei shanghah hatü moihiman nyiphen shuohnyüpeih; Ngei, Shembüpai hathü dou peü düknyüpeih.

ISAIAH 46:10

Chongpangpülei-üng dohhen nang ngei etepih, mehe vamkahen ha aivang den mebü teteivanei etepih. “Ngelei küpjanthü peü jiükahen, hatü ngei mehe dükhen shei deih, ha peü dükhen” shei etepih.

ISAIAH 60:19

Hajük kü nyihnüng am shingvaishi vanghenyü, nevaijü yanüng shing lennyü vangngai nenahen; Mehenangkü Shembüpayü nedohnetenpü ammei vangngai, hatü Kahvangü ammei müknyinshekhang vaikahen.

MALAKI 3:6

Ngeiyü Shembüpa, ngei nejeileinyih. Hanangkü, Oh Jakobei hühihathü, ngei am nemahtükpih.

BHEI-IE 11:17

Hatouei ngei yiükahen hatü nüng mü eteihen, hatü ngei nüng kü shuohpü laangha hanei yah-ei jom kü shuohhen. Nüng monhai hathü kemei nekohen; shaangü jomi nanglakthülei hanggovih kohen nüng kü sheühphahen.

BHEI-IE 11:25

Hahepak kü Shembüpa phum shangkü yiü, hatü büpa mü etei, hatü Shembüpai Mosa kü shuohpü laangha hanei yah-ei mübüthü pejempüan kü shuoh. Mechem jom kü laanghai bakpüshang, jomi teteivanei e, shejao jomi neyei hapakei netetnevan.

BHEI-IE 23:19

Büpai shahshem ehen mü, Kahvangü shennyak nevai, nevaijü büpa mong yeiyahen mü shennyak ha nevai. Büpai etüktü ha nedüknyu je? Büpai lahtüktü ha nejiühünyu je?

MATHI 7:11

Shejema, am nemeipüthüi dangkao laophülei hapeüthü kü thintho meipü shuohhen nyingjema, vangsholei nyupü ammei Pa-i büpa kü yüpüthü kü meshük meipü doumei shuohhenang!

LUK SHAHSHA APPÜ 11:13

Amphong shennyakten vaijao laophülei hapeüthü kü thintho meipü shuohhen nyingjema, ammei vangsho leipü Pa-i büpa kü yüpüthü kü meshük nyeinya shuohhenang!

JOHAN 1:9

Peü kü vangngai shuohpü hapa hingshangpü vangngai kahdoknyülei pei.

JOHAN 3:27

Johani, “Vangsho leipü shuohpü nevaipheikü üpaiyao meheyao nedangaokpih” shei e.

JOHAN 3:3

Jisui büpa kü, “Hingmei mü ngei nüng kü enyeih, nyipabü nebühpheikü üpaiyao vangsho ongching dangnüng neaokpih” shei e.

JOHAN 8:12

Shao Jisui jomphong kü, “Ngeiyü kahdoknyü vangngai. Üpai ngei phei münya, vangnyak kü nekamhen, shejao yangnyu vangngai danghen” shei e.

PHONGSHANTHÜ DOU 11:18

Mechem jomi ha danpa, jomphong nendai, hatü jomi Kahvang men longei, “Shejema Kahvangi Kung am kao yangnyuyem touei mülanghen mong lephen shuohhen khih” shei e.

PHONGSHANTHÜ DOU 5:31

Israel kü mong leppü shuohhen, hatü mang tükpü danghühen shingvaishi Kahvangi laophülei lakdah philei Mübü hatü Yemleipüba kei longei anshihteke.

ROM SHAHSHA APPÜ 6:23

Mehenangkü mangei latü dipü, shejao ang kübü Kahvang thintho-ü Khrista Jisu jenei Shembüpa kü yangnyu nyüke.

1 KORINT 4:7

Mih mü hayaoha kei am üpai lingpa? Ammi nedangpü kü angpü üpa nyüpa? Hatü ammi ha dangjü thintho hük nevaipü keiha mehekei ammi changmeinya?

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

EPHESIA 1:18

Shejüang ammei mongdang mük apei mepa monglem shingvaishi büpai am nyük, daülangpüthü khongkü büpalei müknyinshekhang mükjüp mop mepa nyu,

EPHESIA 2:8

Mehenangkü phahjipai hinglempü homei am yangpeih, hatü hayü ammei lakdou nevai; hayü Kahvangei thintho;

SHAHKÜP 4:19

Hatü mechem ami phumshangei ngangei veihen, vanghe, lennyü hatü lithathü kü aümei khümhen mü amphong lemnyong kü temühü. Shembüpa, ammei Kahvangi lebü jatlithüi hathü kü khümhen shingvaishi shuohteke.

PHILIPPI 1:29

Mehenangkü hapayü Khristalei men kü hinglemhen mon nevai, shejao büpa shingvaishi shangponghenao am kü shuohpeih.

1 TIMOTI 6:16

büpa monha nemahnemenpü, hatü üpaiyao nenei neheih-aokpü vangngai kü nyunyeih; üpaiyao büpa ne-ee hatü ne-eeaokhen, büpa kü dhüm hatü wong düngei nyute. Amen.

HEBREW 13:8

Jisu Khristayü menyih, shinnyih hatü düngei hükkei khan.

JAKOB 1:5

Am hanei kihikon kü taojema peü kü bhashahshi hatü nekaungi shuohpü Kahvang kü yütuh, hatü ha am kü yahphahen.

JAKOB 3:15

Hapa keipü kihikonü shangphi leipü nepeinyih, shejao hayü kahdoknyülei, laangha neshiüpü hatü shepelei nyüke.

JAKOB 3:17

Shejao shangphi leipü kihikonü shongpü kü daülangpü, hapheikü chingmei, bampü, inpünyaipü, deih-ei dangaokpü, phahji-i mapü, hatü betjük meipü, baong hanpü neshiüpü hatü akhümmong-üm neshiüpü nyüke.

1 JOHAN 1:5

Kahvangü vangngai hatü büpa kü vangnyak lanshei neshiü shei hapa shahjang hami büpa leipü danpü am kü baongnyeih.

1 JOHAN 4:10

Hapa bampü kü, jeni Kahvang kü bampü nevai, shejao büpai jen kü bampeih, hatü jenei mang shing mang tükhen moila shuohhen nangkü büpai laophülei Halom shompeih.

SHAKEI VAMPÜ 21:23

hatü hapa chingnyülei vanghenyü nevaijü lennyü nyahen napü neshiü; mehenangkü Kahvang müknyinshekhangü hapalei vangngai, hatü hapalei awdükü Mi Cheha.

SHAKEI VAMPÜ 22:5

Halei vangnyak lanshei neshiü; jomi awdük vangngai nevaijü vanghe vangngai napü neshiü; mehenangkü Shembüpa Kahvangü jomei vangngai, hatü jom den den kü vanglem lemhen.

1 SAMUEL 15:29

Büpa üpa Israel amei Müknyinshekhang, büpai shahshem ne-enyih, nevaijü büpai mong nejeinyih; mehenangkü büpa mong leihen mü büpayü shennyak nevaipih” shei e.