JAKOB 1:12 - DAÜLANGPÜ LAIHING (BSI)

¹² Dokpü peishingkü üpai hinglemei nyu, büpa moihiman. Hapa keipü dokpü kü aokpü shennyak kü Shembüpai büpa kü bampüthü kü shuohhen lahpü yangnyu athen shuohhen.

JAKOB 1:12 Iomraidhean Croise

KAHBHAO 22:1

Kanja angpheikü Kahvangi Abraham kü dok. Büpai Abraham kü, “Abraham” shei nyük, hatü büpai, “Ngei hammü nyüpeih” shei e.

NEHEMIAH 1:5

Hahepak kü ngei, “Oh Shembüpa, vangpüshuwpü jiüshangi nopü hatü üami nüng kü bam hatü nüngei shahkung jiüshi düknya, hathü kü bampü hupü longpü hatü nyempühanpü vangsho Kahvang;

JOB SHAHSHA APPÜ 2:10

Shejao büpai pinnyü kü, “Nüngü nganyüi epükei ekünyüke. Jeni Kahvang leipü mei mon yahtü nemeipü neyahhen je?” shei e. Hathü peü pongjao Jobi büpalei jui mang nethah.

JOB SHAHSHA APPÜ 5:17

“Kahvangi yeanhahpü shennyak moihimanpü; hanangkü Jeiyongpai yeanpü teyakphong.

MENVIH KESHO 11:5

Shembüpai daülangpüthü hatü nemeipüthü kü dokei veinyeih, dehilao kü bampüthü kü büpalei laanghai jiühitnyeih.

MENVIH KESHO 119:67

Nüngi ngei kü hanghi shuohshekü ngei lemnyong kü daipeih, shejao shaang ngei nüngei shah bangei düknyeih.

MENVIH KESHO 119:71

Nüngei shahkung nyinghen shangmü ngei kü hanghi shuohpeyü meipü khih.

MENVIH KESHO 119:75

Nüngi shahphenpeyü jiüpü khih shei ngei nyingnyüke, Oh Shembüpa; hatü nüng shahhing epai ngei kü hanghi shuohpeih.

MENVIH KESHO 5:11

Shejao nüng kü loipüthü peü mongonghütuh; jom mongongpai düngei lokhütuh. Nüng kü bampüthüi mongonghen shangmü nüngi honglangtü jom yangtuh.

MENVIH KESHO 94:12

Nüngi lohshuohpüthü mongong, Oh Shembüpa, nüngi nüngei shahkung nyuhshuohpüthü mongong.

MÜLANGPÜ 20:6

shejao ngei kü bampü hatü ngelei shahkungnyü ven bangpüthü kü denshem haja haja ngei bampü hunyüpeih.

KANDOK 17:3

Hon hi nginü awi doknyüpeih, shejao mongdangü Shembüpai doknyüpeih.

ISAIAH 64:4

Nüng kü hinglemei omdanpüthü kü nüngi dükpü keiha mepa kahvangiyao dükpü jung, üpalei dhaongiyao mangdan, hatü üpalei mükiyao mang-ee.

ZEKHARIAH 13:9

Hatü ngei ha shing hük aopai aw kü shukhen, hatü hon hi ngin daüpükei daütükhen. Jomi ngelei men kü nyükhen, hatü ngei jom kü janghen. “Jomü ngelei nanglakthü” shei ngei ehen, “Shembüpayü hamei Kahvang” shei jomi ehen.

MATHI 10:22

Ngelei men kü peüi am kü jiühitphahen. Shejao üpai dohpü ngoishi nenaokhenshang yanghen.

MATHI 25:34

Hahepak kü ongpai büpalei lakdah philei nyupüthü kü, “Peikei, amphong Opai moihimanpüthü, kahdoknyü chongnyiam lingshingkü am shing tempü ongching mükjüp yahtuh;

LUK SHAHSHA APPÜ 6:22

Shennyak Ha nangkü mechem nanglakthüi am kü jiühithen, mechem am laktükhen, naamei ehen, hatü am kü ten ehenshang am moihiman.

ROM SHAHSHA APPÜ 5:4

hatü munenpai dei-aei meipü, hatü dei-aei meipai monglempü vamhünyeih,

ROM SHAHSHA APPÜ 8:28

Mehenangkü üami Kahvang kü bam, hatü büpalei mükhong aimü nyük, hathü shingvaishi dou peü mei shingvaishi chemi düknyeih shei jeni nyingnyüke.

1 KORINT 2:9

Shejao nyangei nyupükei, “Kahvangi büpai bampüthü kü mehe temei nyu, hayü mepa mükiyao ne-ee, mepa dhaongiyao nedan, nevaijü üpa hangkulei mongdang kao deih-ei nele.”

1 KORINT 8:3

shejao üpai Kahvang kü bamnya, Kahvangi büpa nyingnyeih.

1 KORINT 9:25

Ngapüthüi longi ungei-aeiyei nyuh-ei mannyüpeih; jomi hapayü mahdaihen chüyük danghen shingvaishi düknyüpeih, shejao jenü nemahbenüng hük danghen shingvaishi düknyüpeih.

SHAHKÜP 13:3

ammi hapa keipü thibü nevaijü mangh tetpüthülei shah kü hingtelem. Shembüpa, ammei Kahvang kü ammei mongdang kempai hatü ammei laangha kempai büpa kü bamnyüla shei nyinghen shingvaishi dokpü mon nyüke.

SHAHKÜP 7:9

Shembüpa, ammei Kahvangü Kahvang nyüke; büpayü hingshangpü Kahvang; büpa kü bampüthü hatü büpalei shah bangpüthü kü denshem haja haja kü büpai lahpü bampü hunyüpeih.

SHAHKÜP 8:2

Shembüpa, ammei Kahvangi bong pinyi thahshi jahpanei am müei daiyei ammei mong kü deihpü nyinghen hatü ammi büpalei shahkung ven bangüla shei shanghah shomei am kü dokpü deih-ei dangtuh.

2 TIMOTI 2:15

Kahvangi yah-aokpü shennyak keiha büpa kü nüngi shuoh-aokhen shingvaishi nüng kü nyupü meipübai düktuh; Kahvangei shahhing shah jiüshi nyuhpüvenpü shennyaki veühen napü neshiü.

2 TIMOTI 4:8

Shaang mü leitü ngei shingvaishi daülangshemshepü ong athen hük shahhing shahphenpü Shembüpai hapa nyih ngei kü shuohhen temei nyüke, hatü hayü ngei kü mon nevai, shejao büpa yiükahen ongyangei danpüthü peü kü shuohhen.

HEBREW 10:32

Shejao sheleipü nyihthü kü am kü Kahvangei vangngai khangpheikü am shanghah longi pongphei, shejao hapa shanghah-i am neneühüpü deih-ei dangtuh.

HEBREW 11:17

Kahvangi Abraham kü dokshingkü hinglempai büpai Isak jakpü moila shuoh. Üpai lahtükpü dang, büpai hashong moilom moila shuohtükhen mü nyu.

HEBREW 12:5

hatü am kü hapeüthü shei epü ammi betükteke: “Ngelei hapeü, Shembüpai ungei-aeipü kü nyüshulük kü tedeih, nevaijü büpai nüng kü lohpü kü mong temah;

HEBREW 6:15

hatü hapa keiha Abrahami munenei danpü nangkü hapa lahpü dangpeih.

JAKOB 2:5

Ngei bampü jeihinaü nyahinaüthü, bangtuh. Kahvangi kahdoknyü kü taopathü hinglempü kü shemmei vaihen, hatü büpa kü bampüthü kü büpai lahpü ongching mükjüp vaihühen nejeangpü je?

JAKOB 5:11

Hingmei nenteiaokpü hupüthü kü hami moihimanpü shei nyüknyeih. Jobi munenpü ammi danphei hatü mekei Shembüpai phahji hatü shinshang, ammi Shembüpalei mükhong eeteke.

1 PETER 3:14

Shejao ammi jiüpü dükpü kü shangpongjema, am moihimanpü. Jomi mehe kü nyem, ha kü ammi tenyem, nevaijü tehan,

1 PETER 4:13

Shejao Khrista shangpongpü kü hean yahnyeih shei deihpai mongmeituh; shejüang büpalei müknyinshekhang shakei vamshingkü am mongmeihen hatü mongongpai lenhen.

1 PETER 4:14

Khristalei men kü am kü yaüphüjema, am moihimanpü; mehenangkü müknyinshekhangpü Laangha, Kahvang Laangha am kü nyuishi nyüke.

1 PETER 5:10

hatü phahji peüei Kahvang, üpai Khrista kü nedohnetenpü müknyinshekhang touei am nyükpa, am kansho hük shangpong pheikü büpai am changhüshahühen, am wong kohhühen, sheühphahen hatü chonglinghühen.

1 PETER 5:4

Mechem Mi yombü Longpü peihen, mechemao chang neleihen müknyinshekhang athen danghen.

1 JOHAN 4:19

Büpai shongei jen kü bampü nangkü jeni büpa kü bamnyeih.

SHAKEI VAMPÜ 2:10

Am mepa shangponghen nyu, ha kü tenyem. Am kü dokhen shingvaishi kahshih-i am hanei yah-ei khoklatei shükhen mü nyüke lituh, hatü nyih an shing am shangponghen. Dipü thahshi hinglemtuh, hatü ngei am kü yangnyu athen shuohhen.

SHAKEI VAMPÜ 3:19

Üam kü ngei bam, hathü kü loknyeih hatü hanghi shuohnyeih. Hanangkü am maanpü leituh hatü mong leptuh.

SHAKEI VAMPÜ 3:21

Üpai vehok neünya, ngei vehok neütü Opa mü büpalei ong uoshing kü uopükei büpaao ngei mü ngelei ong uoshing kü uohen shing shuohhen.