HOSEA 4:2 - DAÜLANGPÜ LAIHING (BSI)

² Jomi lahtü mangtüknyüke, shahshem enyüke, jüteinyüke, gühnyüke, mükbongjuyung düknyüke. Iythüng anpü hük pheikü hük vamnyüke.

HOSEA 4:2 Iomraidhean Croise

KAHBHAO 4:8

Shaang Kaini chenaü Abel kü, “Ji kahlei shashah” shei e. Mechem jiji kahlei shaei nyupa, Kaini chenaü Abel jütük.

ISAIAH 24:5

Nanglakthüi ha kahdok sheihtükteke; jomphongi shahkungthü nebang, vanglemthü pungei nedohnetenpü vangpüshuwpü mangtükteke.

ISAIAH 48:1

Israel shei menpü Judah amphang kübü peipü Jakob am phang hapa bangtuh. Ammi Shembüpalei men kü vangeishuwnyüke, hatü Israel Kahvang kü khümnyüke, shejao shahhing hatü jiüpü kü nenyunyu.

JEREMIAH 51:5

Israel am Daülangpü Hük touei jomei kahdokü mangi maei nyujao, Jomei Kahvang, Jeiyong Shembüpai Israel, hatü Judah am nebetükangpih.

JEREMIAH 6:7

Yungkuk hüki yung meishi tuhpükei, pinnyüi pinnyülei mang jungei tuhnyüke; Depülaopü, benpülangpü mon pinnyü toueiyü dannyüke; tüngpüaipü hatü ma yahteipü mon pinnyü touei dannyüke.

YOUNG LAI 4:13

Shejao hapayü thibüthülei mang tata kü, hatü ngongpathüi mang neshiüpü hangku jütükpü nangkü vampü khih.

EZEKIEL 7:23

Nyiamvü hük lingtuh! Kahdok kü iy-aongmashateipai maei nyüke; chingnyü-ü üpteilenteipai maei nyüke.

HOSEA 10:13

Ammi mang shei, hatü mang-üng vetteke; ammi shahshem betjük hahteke. Ammi ammei wong kü monglempü, hatü ammei veshanthü kü hinglempü nangkü,

HOSEA 10:4

Jomi yahlak neshiüpü shah enyüke, hatü shahshemi vangnyüke, hatü lahnyüke. Han hoktükpü kah kü leü nemeipü thüng vampükei, shahshemi shahhing jümlangteke.

HOSEA 11:12

Ephraim ami shahshemi, Israel phangi lueilemei ngei kü shonteke, shejao Judah am shaang thahshi Kahvang mü kamnyüke, hatü Daülangpü Kahvang kü hinglemnyüke.”

HOSEA 12:14

Shejao Ephraim ami Shembüpa shahyaki mongshihhüteke; Hanangkü jomei Shembüpai jom iy-aongmashateipü mang jom shak kü tuhphonghen, hatü jomi büpa kü ne-ienelempü nanglei nyokei danghen.

HOSEA 5:2

hatü Shittimlei banghsha hük chüloh-i shoteke; Ngei am peü hanghihühen.

HOSEA 6:8

Gileadü shennyak teni maei, hatü jüteipai maei nyupü chingnyü khih.

HOSEA 6:9

Gühpathüi hanei am tappü keiha ngongpathüiyao hapakei thainyüke; Jomi Shekhem lemeiyao shennyak jünyüke.

HOSEA 7:1

Mechem ngei Israel nanglakthü meitükhüei deihnya, Ephraim amei mang hatü Samaria amei douten nyeinya shakei vamnyüke; Mehenangkü jomi lawlüpnyüke; shem apei shüei gühnyüke; Jomi chingyangshongei shennyakthü leipü aetnyüke;

HOSEA 7:3

Jomei mangi jomei ongpa, hatü jomei shahshemi jomei lakchongbüthü mongmeihünyüke.

HOSEA 7:4

Jom peüi mükbongjuyung düknyüke; Aan oukbüi aanthüng nyetpü kübü aan mangouk thahshi awdep kü aw jakei angpükei nyüke.

MIKA 3:2

Ammi mei jiühitnyüke, ten küang bamnyüke; Ammi ngelei nanglakthülei shuw shaaknyüke, hatü jomei vang kübü phai nyiuktüknyüke;

MIKA 3:9

Ha bangtuh, am Jakob phang mübüthü, hatü am Israel phang kü vanglem lembüthü, ammi shahhing yaktüknyüke, hatü jiüpü peü nyongnyongi lingtüknyüke.

MIKA 6:10

Mangthülei shem kü shahhing ne-epü mopthü thaiyei shüngpü, hatü jiühitshi dok güh-ei dok dokpü ngei be-aokhen je?

MIKA 7:2

Kahmük kübü Kahvang shennyak mahdaikem, hatü daülangpü shennyak hükao hangku khongkü aoei neshiü. Shennyak peüi iy-aongmashateihen mon danei nyüke. Peüi banghhikang kü laophülei jeihinaü vüshihnyüke.

ZEPHANIAH 3:1

Ühingnakaipü, dokteikhaungkheipü, hatü sheihdaipü chingnyü, Onyükei!

ZEKHARIAH 5:3

Hahepak kü büpai ngei kü e, “Kahdoknyü peü philei daihen thaüvaü hapa kü nyangei nyüke: Hük philei epeyü gühpa peü changtükhen, hatü hükpa lemei epeyü shahshem denbüthü peü changtükhen” shei enyüke.

ZEKHARIAH 7:9

Jeiyong Shembüpai hapakei enyüke: Shahhing shahphenpü shuohtuh; hüki hük mü phahji yahyang huteituh.

MATHI 23:35

shejüang kahdok shak kü daülangpüthülei iy yenpü am shak kü nyuhen; Abel kübü heihdaipü phopshem hi moidü nyi aa kü ammi jüpü Barakhiahlei cheha Zekhariahlei iy thahshi nyuhen.

PHONGSHANTHÜ DOU 7:52

Mepa thihivam kü ambü ampai neshüveipa? Jomi Daülangpü Hük peikahen shei tetpüthü peü jühampeih, hatü shaang amphongü büpa yuhahpü hatü jüpü am leiteke.

SHAHKÜP 5:11

Ammi Shembüpa, ammei Kahvangei men angkü tenotei; mehenangkü Shembüpai büpalei men angkü noteipü kü hanghi shuohhen.

SHAHKÜP 5:18

Amphongi mükbongjuyung tedük.

SHAHKÜP 5:19

Amphongi tegüh.

1 THESALONIKA 2:15

Jomi Shembüpa Jisu, hatü thihivamthü jütük, hatü hamphongao changtük; jomi Kahvang mongneonghü,

SHAKEI VAMPÜ 17:6

Hapa nyühayü daülangpüthülei iy, hatü Jisu jung denpü shuohpüthülei iy-i chokei eeteke. Mechem ngei pinnyü eepa, ngei longi yashan.