HOSEA 4:1 - DAÜLANGPÜ LAIHING (BSI)

¹ Shembüpalei shah bangtuh, Oh Israel nanglakthü; Mehenangkü kahmük kü nyupüthü khüei Shembüpalei thaüvaü hük nyüke. Kahmük kü hinglempü nevaijü bamtei-aongteipü neshiü, hatü Kahvang nyingpü neshiü.

HOSEA 4:1 Iomraidhean Croise

1 ONGPATHÜ 22:19

Mikaiah-i nedoh-i, “Hanangkü Shembüpalei shah bangtuh: Shembüpai büpalei ong uoshing kü uotü büpalei laknyong lakdah kü vangsho phongshanthü shinei yaongtü eenyüke.

MENVIH KESHO 81:9

Am touei lebü kahvang ne-anghen vongbong; ammi mih-ei kahvang kü tekhüm.

ISAIAH 1:10

Shembüpalei shah bangtuh, amphong Sodom am vanglem lempüthü; Jenei Kahvangi venpü bangtuh, amphong Gomorrah nanglakthü!

ISAIAH 1:18

‘Peikei shaang, jeni chemi deih-ei dangtü eteishah’ shei Shembüpai enyüke. ‘Ammei mang longi hakshinyulangmao shüdao kei shoshi leidaihen; Ammei mang iyshüm kei hakshi nyujao phümphah kei shoshi leidaihen.

ISAIAH 28:14

Hanangkü Jerusalemei ha nanglakthü kü vanglem lempü changmeipüthü Shembüpalei shah bangtuh.

ISAIAH 34:1

Yopailei peikei, Oh jatthü, hatü bangtuh; Oh shennyakthü kenhingtuh! Kahdoknyü hatü halei nyupüthü peü, kahdoknyü hatü haleipü vampüthü peüi bangtuh.

ISAIAH 34:8

Mehenangkü Shembüpai bhüh yemhen nyih hük nyüke; Zion med kü dah shakhühen bong hük nyüke.

ISAIAH 5:3

Shaang Jerusalem hatü Judahlei nyupü shennyakthüi ngei hatü nyalingngupai kah nyi aa kü shahphennyüke.

ISAIAH 59:4

Üpaiyao shahhing koei nepeinyu; Üpaiyao shahhing kü shahphenhen neyemnyu. Jomi shahshem shah dakteipü kü monglemnyüke; nemeipü deihnyüke, hatü ten bühhünyüke.

ISAIAH 59:8

Jomphongi chingmeivangmei lem nenyingnyu, jomei lem kü shahhing neshiü. Jomei lemü jomi kaokeinyomei lingtükteke, jom pheikü kampü üpaiyao chingmeivangmei nenyingnyu.

ISAIAH 66:5

Am üami Shembüpalei shah kü nyemnya, büpalei shah bangtuh: “Ammei jeihinaüthü üami am kü jiühitnya, hatü ngelei men kü amphong laktük hathüi eteke, ‘Hami am mongongpü eehen shingvaishi Shembüpa müknyinshekhanghütuh’ shejao jomphongü veühühen.”

JEREMIAH 11:7

Ngei ambü ampa Ijip leipü müei daipü nyih mebü shinnyih thahshi, ‘Ngelei shah bangtuh’ shei leiyei leiyei shahvüng shuohpeih.

JEREMIAH 19:3

Nüngi hathü kü, ‘Shembüpalei shah bangtuh, Oh Judah ongthü hatü Jerusalemei nyupüthü. Jeiyong Shembüpa, Israel Kahvangi hapakei enyüke’ shei etuh: Hapa jung danpü peüi dhaongvang kü nyahhen mü ngei hapa shing kü shanghah koei peihen.

JEREMIAH 2:4

Shembüpalei shah bangtuh, Oh Jakob am shem, hatü Israel am phangthü kemei.

JEREMIAH 2:9

Hanangkü shao chem ngei am kü eelanyeih shei Shembüpai enyüke, hatü ngei ammei hüpeüthü kao eelanyeih.

JEREMIAH 25:31

Hapa vüngjang jangei kahdok dohpü ngoishi daihen; mehenangkü Shembüpai jatthü khüei yaonghen; büpai hangkuli peü kü shahphenhen, hatü nemeipüthü yani mahhühen shei Shembüpai enyüke.

JEREMIAH 34:4

Shejao Oh Judah am Zedekiah ongpa, Shembüpalei shah bangtuh! Nüng nangkü Shembüpai hapakei enyüke: Nüng yani nemahhen;

JEREMIAH 4:22

Ngelei nanglakthüyü ngapathü khih; jomi ngei nenyingnyu. Jomü sholi neshiüpü hashihthü; jom kü danaokpü neshiü. Jomü ten dükhen longi manpüthü, shejao mei dükhen nenyingnyu.

JEREMIAH 4:28

Hanangkü kahdoknyüi mahng thephen, vangsho shangpa mangh-ei leidaihen; mehenangkü ngei mehe etüktepa, ha kübü neyeiyahen; ngei mehe temtük, ha nyokei neleilanghen.

JEREMIAH 5:4

Hahepak kü ngei, “Hathüyü taopathü, jomphong kü sholi neshiü; mehenangkü jomi Shembüpalei lem, hatü Kahvangei shahkung nenying.

JEREMIAH 51:5

Israel am Daülangpü Hük touei jomei kahdokü mangi maei nyujao, Jomei Kahvang, Jeiyong Shembüpai Israel, hatü Judah am nebetükangpih.

JEREMIAH 6:13

Mehenangkü maanpü kübü longpü thahshi shahhing ne-epü mop danghen yemnyüke; thibü kübü ngongpathü thahshi peüi shahshemi mon düknyüke.

JEREMIAH 7:28

Nüngi jom kü ha etuh: Hapayü Shembüpa, jomei Kahvangei ven nedanpü, hatü ungei-aeipü neyahpü jathili; shahhing mahdai; hapayü jomei juben kübü mahdaiteke.

JEREMIAH 9:20

Shembüpalei shah bangtuh, Oh nyüha, hatü büpalei ju kübü shah nüngei dhaongei shühahtuh; Anha kü mahng kesho hük nyuh-eishuoh, hatü nüngei küphü kü mahng thephen nyuh-eishuoh.

JEREMIAH 9:3

Jomi jomei yei pülah kei komaoknyüke, Jomü shahhing shing nevai, shahshem kü wong kohshi longnyüke; mehenangkü jom ten kübü ten dükei dainyüke, hatü jomi ngei nenyingnyu shei Shembüpai enyüke.

JEREMIAH 9:7

Hanangkü Jeiyong Shembüpai hapakei enyüke: Ngei shaang jom dokei veihen, ngelei mang nanglakthü kü ngei mehe dükhenang?

EZEKIEL 16:35

Hanangkü, Oh büm yupüthü, Shembüpalei shah bangtuh:

HOSEA 12:2

Judah am khüei Shembüpalei lakei thaüvaü hük nyüke; Büpai Jakob kü büpalei nyuhichong aimü hanghihühen, hatü büpalei douten aimü nyokei shemhen.

HOSEA 12:3

Chenyüei vom mongei büpai chejei mü bhow, Shennyak hük vaishi tuhtü Kahvang mü bhow.

HOSEA 5:1

“Hapa bangtuh, Oh ngongpathü! Mong shuohtuh, Oh Israel am! Bangtuh, Oh longhiong phang! hapa shahphenpü am khüei nyüke; Amphongü Mizpahlei tai hük kei nyuhamteke, hatü Tabor Kahshangei shang hük haenteke,

HOSEA 5:4

Jomei doui jom Shembüpa touei lephen bangnyüke. Mehenangkü mükbongjuyung laangha jomei mong kü nyüke, hatü jomi Shembüpa nenyingnyu.

JOEL 1:2

Hapa bangtuh, amphong behethü; kahmük kü nyupü peüi hapa kü dhaong shaangtuh. Ammei nyih kü nevaijü ammei bühipa hepak kü henüng kei chemao vamla?

AMOS 3:1

Oh Israel nanglakthü, Shembüpai Ijip leipü müei leipü jat kemei, büpai am khüei epü shah bangtuh.

AMOS 7:16

Hanangkü shaang Shembüpai mehe enya, ha bangtuh. “Nüngi Israel am khüei thihivam shah te-e; Isak am phang khüei chongteven” shei enyüke.

MIKA 6:2

Shembüpai thaüvaüpü kü bangtuh, Oh kahshangthü; hatü bangtuh am nedohnetenpü kahdoknyü chongnyiamthü. Mehenangkü Shembüpai laophülei nanglak khüei shahphenhen nyüke; Büpai Israel am khüei thaüvaü hük yah-ei peikünyüke.

JOHAN 8:55

Shejao ngei büpa nyingnyeih; ngei büpa nenyingnyih shei ejema ngeiyao am kei shahshem epü am leidaihen. Shejao ngei büpa nyingnyeih hatü büpalei shah bangnyeih.

ROM SHAHSHA APPÜ 1:28

Kahvang nyinghen jomphong den nengoi shei veiaokpü nangkü Kahvangi jomphong nedükbenüng dou dükhen mongdang ten kü lanei shuohtükpeih.

1 KORINT 15:34

Meipü hatü jiüshangpü mongdeih touei peikei hatü hajük kü mang tethah; mehenangkü shennyak haneiyü Kahvang nyingpü neshiü. Hayü ngei am veühühen nangkü enyeih.

SHAKEI VAMPÜ 2:11

Üpa kü danhen dhaong nyu, Laanghai attoithü kü mehe enya ha bangtuh. üami vehok neünya, nyipabü dipai jom kü nehongpih.

SHAKEI VAMPÜ 2:29

Üpa kü banghen dhaong nyu, Laanghai attoithü kü mehe enya bangtuh.