HOSEA 2:2 - DAÜLANGPÜ LAIHING (BSI)

² Ngelei hapeüthü, anyü kü lohtuh; mehenangkü pinnyü ngelei nyüha nevai, hatü ngei pinnyülei baha nevai. Pinnyü kü mükbongjuyung dhe kohpü kübü, hatü büm yupü kübü dohhen loh-eishuoh.

HOSEA 2:2 Iomraidhean Croise

ISAIAH 50:1

Shembüpai hapakei enyüke: “Ngei anyü leitükpü, pinnyü mü yanpü lai melei nyüpa? Nevaijü ngei üam mü bheishe hang nyupü kü yutükpa? Ammei mang nangkü ngei am yutükpeih; am pungpü nangkü anyü leitükpeih.

EZEKIEL 23:45

Shejao daülangpü shennyakthüi hathü kü mükbongjuyung hatü jüpü nangkü shahphenhen; mehenangkü jomü mükbongjuyungthü hatü jomei lakei iy lüpshi nyüke.

JEREMIAH 3:13

Shembüpa, ammei Kahvang khüei mang thahteke, püdhüm meipü peü phangei kung amei kahvang lajeithü kü bampü khih, hatü ngei epü kü nebang shei deih-ei dangtuh shei Shembüpai enyüke.

EZEKIEL 16:25

Lemnyüshong ieyei kü ammi lajei khümshing ling, hatü ammei dhemeilaüma yuhahteke; peihpü leipü peü kü laophülei büm yuhahteke.

JEREMIAH 3:1

Baha hüki laophülei nyüha mü yanjü, pinnyüi büpa toueipü yanei daiyei lebü baha mü doi lüdaipheikü shao büpai pinnyü touei nyokei leihen je? Hapa keipü kahdok sheih-ei neshiüpü je? Ammi chühimai longi mü mükbungjuyungteke, hatü am ngei touei leiaokhen je? shei Shembüpai enyüke.

HOSEA 2:5

Mehenangkü pinnyüi mükbongjuyung dükteke; pinnyüi neveü gühshe shatü jom büh-ei paümteke. Pinnyüi, “Ngei kü nük, yung, phümphah ashak hatü nyemin ashak, olive mainga, hatü yiü shuohpü maithü touei daihen” shei eteke.

HOSEA 1:2

Mechem Shembüpai shongei Hosea homei Israel am kü epa, büpai Hosea kü, “Daituh, nüngi laophü shing mükbongjuyungla hük yahtuh, hatü mükbongjuyung hapeüthü bühtuh; mehenangkü nanglakthüi ngei yakphongtü daiyei mükbongjuyung longi düknyüke” shei e.

JEREMIAH 19:3

Nüngi hathü kü, ‘Shembüpalei shah bangtuh, Oh Judah ongthü hatü Jerusalemei nyupüthü. Jeiyong Shembüpa, Israel Kahvangi hapakei enyüke’ shei etuh: Hapa jung danpü peüi dhaongvang kü nyahhen mü ngei hapa shing kü shanghah koei peihen.

2 KORINT 5:16

Hanangkü, shaang mü leitü hami üpa kao kahdoknyü phai aimü neveinyih; chem hami Khristayü phai aimü nyingjao hajük kü hapa aimü nenyingnyih.

EZEKIEL 23:43

Oh pinnyü-ü mükbongjuyung dükei chang leidaipü shennyak khih shei ngei eteke, shejao jomi pinnyü mü mükbongjuyung dükteke.

EZEKIEL 20:4

Nüngi jomei shahphenhen je, Oh shennyak ha? Nüngi jomei shahphenhen je? Shejema jomei bühipai dükpü jiühitnalaipü douthü nyinghütuh,

EZEKIEL 16:20

Ngei kü bühphopü ammei hapeüthü ami yah-ei daiyei lajeithü kü jakpü moila vaishi shuohtükteke. Ngei kü hingnelempü nemeipü dou nevaipü je?

JEREMIAH 2:2

Daituh, hatü Shembüpai hapakei enyüke shei Jerusalem am danshi etuh: Am thehila hepak kü meshük ngei kü bamshi nyupa! Doidaila keiha am meshük ngei kü kenpa, chemao kah nelingpü phaü kü mekei ngei müpa!

ISAIAH 58:1

Nenmü nenyui wongmü lentuh! Ngelei nanglakthü kü jomi khüei yaongpü, hatü Jakob phang kü jomei mang baongeishuoh.

HOSEA 2:1

Hanangkü jempü Israel am kü “Kahvangei nanglakthü” hatü “Shembüpai bampüthü” shei nyüktuh.

HOSEA 4:5

Nyakhingai kemei kü am huluh shuohnyüke, hatü am mü chemi thibüthüiyao huluh shuohnyüke. Hanangkü ngei ammei nyü, Israel mahtükhen.

ISAIAH 11:12

Büpai jatthü kü khüamlung hük huhen, hatü wüpküpei nyupü Israel am thailanghen, hatü Judah am kahmük vaungjung ali kü haidaipü peü leilanghen.

JEREMIAH 3:18

Hathü nyih kü Judah am phang Israel am phang mü dhaohen, hatü jom chemi ngei chebü chepa am kü mükjüp shuohpü kahdokei apshaphi kahdok leipü leikahen.

MIKA 2:13

Kahvangi jom shing lem aphen, hatü wüpküp leipü müei jom shekü daihen. Jomi chingnyü penyü shaden apei daiyei bhashahshi longteihen, jomei ongpa, Shembüpai jom müei ngailanghen.