HOSEA 1:4 - DAÜLANGPÜ LAIHING (BSI)

⁴ Shembüpai Hosea kü, “Hapa naü kü Jezreel shei mentuh; mehenangkü meshük ne-angi ngei Jezreelei jüpü nangkü ngei Jehu am shem mahtükhen, hatü Israel ongching ngei dohtükhen.

HOSEA 1:4 Iomraidhean Croise

2 ONGPATHÜ 10:1

Shaang Ahabei chehathü jom pejempüan thahshi Samarialei nyu. Hanangkü Jehu-i lai nyangtü Jezreel leipü lakchongbüthü, behethü hatü Ahabei chehathü yombüthü kü Samarialei shomteke.

2 ONGPATHÜ 10:17

Mechem Jehu Samaria ngoipa, büpai halei Ahab am shem aopü kemei jütük; Shembüpalei shah Elijah homei epükei büpai jom peü jütük.

2 ONGPATHÜ 15:29

Israel kü Pekah ong vaipü hepak kü Assyria am Tiglath Pileser ongpa peiyei Ijon, Abel-Beth-Maakah, Janoah, Kedesh hatü Hazor yahlang. Büpai Naphtali amei kahdok Gilead hatü Galil nyi yahtü shennyakthü kemei Assyrialei shetei deilangkem.

2 ONGPATHÜ 15:8

Azariah-i Judah kü vanglem lempü bong hapüanpü shetpabü kü Jeroboamei cheha Zekhariah-i Samarialei Israel amei ong vai, hatü büpai lenyang vok ong vaiteke.

ISAIAH 7:14

Hanangkü Shembüpai nüng kü nyangeihepü hük yahphahen. Veituh, pai mü ngühpü nela hüki yeshang hük bühkahen, hatü büpa kü Immanuel shei menhen.

ISAIAH 8:3

Kanja angpheikü ngelei shembünyü büm nekongi lei, hatü yeshang hük büh. Hahepak kü Shembüpai ngei kü, “Büpa kü Maher-shalal-hash-baz shei mentuh.

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

JEREMIAH 20:3

Nyihphei mechem Pashhuri Jeremiah veshuohpa, Jeremiah-i büpa kü, “Nüng shingvaishi Shembüpalei menü, Pashhur nevai, shejao Magor-Missabib shei menteke” shei e.

JEREMIAH 23:2

Hanangkü Shembüpa, Israel Kahvangi ngelei nanglak mi yombüthü kü hapakei enyüke: “Mehenangkü ammi ngelei mithü kü nejungnelangi haitük, hatü changtükpü nangkü, ammi dükpü douten tata kü ngei am kü hanghi shuohhen shei Shembüpai enyüke.

JEREMIAH 3:8

Ngei hingnelempü Israel kü yanhen lai shuohpeih, hatü pinnyüi mükbungjuyung dükpü nangkü yanei leishihpeih. Shejao ha eetü hingnelempü chenaü Judah-i nyemei nedeih; pinnyüao daiyei mükbungjuyung dükteke.

EZEKIEL 23:10

Jomi pinnyü bümkong tuhphong; pinnyülei hapeüthü müei daiyei yani jütükpeih. Pinnyü-ü nyühathü khongkü mihnyi pü leihü, hatü pinnyü kü hanghi shuohpeih.

EZEKIEL 23:31

Nüngi anyalei lem kü lüdaipü nangkü ngei pinnyülei yungshong nüngei lak kü shümhühen.

HOSEA 1:6

Gomer shao büm nekongi lei, hatü yiükha hük büh. Shembüpai Hosea kü, “Pinnyü kü Lo Ruhamah shei mentuh; mehenangkü ngei hajük kü Israel nanglakthü kü nebampih, hatü jom kü mang netükpih.

HOSEA 1:9

Shembüpai Hosea kü, “Büpa kü Lo-Ammi shei mentuh; mehenangkü Israel amü ngelei nanglak nevai, hatü ngei jomei Kahvang nevai” shei e.

HOSEA 2:13

Baal kü vong büpü ayingshü jakei mopü nyihthü shingvaishi, hatü ngei petüktü hon-ow owtü chühimai changei daipü nangkü ngei pinnyü kü hanghi shuohhen” shei Shembüpai enyüke.

HOSEA 2:22

hatü kahdoki sheilithü, yiünaü, hatü olive mainga kü janghen, hatü jomi Jezreel kü janghen.

HOSEA 9:17

Ngelei Kahvangei ven nedanpü nangkü büpai jom yaktükhen; Jomü jatthü khongkü chingnyaipü am leihühen.

AMOS 9:8

Hingmei, Shembüpalei müki nemeipü Israel ongching kü veishi nyüke, hatü jom kahdok shak kübü mahtükhen, shejao Jakob am phang chemjalak kü nemahtükhen, shei Shembüpai enyüke.

MATHI 1:21

Pinnyüi yeshang hük angkahen, hatü nüngi büpa kü, ‘Jisu’ shei menhen; mehenangkü büpai laophülei nanglakthü jomei mang kübü yanglanghen” shei e.

LUK SHAHSHA APPÜ 1:13

Shejao vangsho phongshani büpa kü, “Zekhariah, nüng tenyem; mehenangkü nüngi phoppü danteke. Anyüha Elizabeth-i yeshang hük angkahen, hatü nüngi büpa kü Johan shei menhen.

LUK SHAHSHA APPÜ 1:31

Shaang nüngi büm nekongi leihen hatü yeshang hük bühhen, hatü nüngi büpa kü Jisu shei menhen.

LUK SHAHSHA APPÜ 1:63

Büpai yaongshung hük yahkei shei e, hatü, “Büpalei menü Johan” shei nyang. Ha kü jom peü thama.

JOHAN 1:42

Büpai Jisu touei büpa müei dei. Jisui büpa kü veitü, “Nüngü Johanei cheha Simon. Nüng kü Cephas, (lappai, Peter) shei nyükhen” shei eteke.

JOSHUA 19:18

Jomei kahdokü Jezreel, Kesulloth, Shunem,